5/11/2021
Today from Hiiraan Online:  _
Wararka Maanta- Khamiis, Dec 3 , 2020
Tababar u soo xirmay ciidamo ka tirsan dowladda Soomaaliya


 

Khamiis, December, 03, 2020 (HOL) - Munaasabad lagu qabtay Xerrada Bali-doogle ee gobolka Shabeellaha Hoose  ayaa waxaa tababar laguu soo xiray  cutubto ka tirsan ciidanka sida gaarka ah u tababaran ee kumaandooska  Danab, 

Taliyaha ciidanka xoogga dalka Soomaaliyeed Sarreeye Guutto Odawaa Yuusuf Ragge ayaa ka qeyb-galay munaasabada tababarka loogu soo xiray ciidamadan.

Tababarkan oo gacan ay ka geysatay Dowladda Mareykanka  ayaa socday muddo dheer, waxaana bixinayey macalimiin ka tirsan kumaandooska Danab, iyaddoo  taliyaha ciidamada xoogga dalka Jeneraal Odawaa uu salaan sharaf ka  qaatay ciidankaan sida gaarka ah loo tababaray. 

Waxay soo bandhigeen ciidankaan dhoola-tus heerkiisu sareeyo, kaasi oo ay kamid ahaayeen habka cadawga loo beegsado, difaacu nafsiga, waxaana  sidoo kale ay soo bandhigeen dabrid iyo hababka kale ee dagaalka.

Taliyaha ciidanka xoogga dalka Sarreeya Guutte  Odawaa Yuusuf Raage oo munaasabada ka hadlay ayaa sheegay in ciidankaan kumaandooska ay ka qeyb qaadan doonaan howlgalada Ummadda Soomaaliyeed looga dulqaadayo cadawga argagixisada Al-shabaab.

Cabdiraxmaan Diini, Hiiraan Online
[email protected]    













Click here
12/3/2020 12:32 PM EST
Khamiis, December, 03, 2020 (HOL) -Somaliland ayaa war ka soo saartay magacaabistii madaxweynaha dowladda Soomaaliya Maxamed Cabdullaahi Farmaajo u magacaabay Yuusuf Garaad Cumar Axmed Ergeyga gaar ah ee Geeska Afrika, Badda Cas iyo Gacanka Cadmeed.

12/3/2020 7:13 AM EST
Khamiis, December, 03, 2020 (HOL) - Wafdi uu hoggaaminaayo wasiirka arrimaha gudaha iyo dib u heshiisiinta dowlada Federaalka Soomaaliya Janaraal Muqtaar Xuseen Afrax ayaa soo gaaray magaalada Baledweyne ee xarunta gobolka Hiiraan.

12/3/2020 5:42 AM EST
Khamiis, December, 03, 2020 (HOL) Faah faahin dheeraad ah ayaa ka soo baxaya dilka sarkaal ka tirsanaa CIAda Mareykanka oo ku dhintay howlgal ka dhan ahaa Sarkaal ka tirsan Al-Shabaab oo loo maleynayo in uu mas’uul ka ahaa weerar lagu dilay Askari Mareykan ah oo ka dhacay Kenya sanadkii hore

12/3/2020 3:22 AM EST
Khamiis, December, 03, 2020 (HOL) - Xeer ilaalyaha guud ee Puntland, Maxamuud Xasan Aw-Cusmaan, ayaa sheegay inuu dacwad kusoo oogayo 8 xildhibaan oo katirsanaa barlamaanka Puntland, kuwaas oo laga xayuubiyay xasaanadoodii.

12/3/2020 2:30 AM EST
Khamiis, December, 03, 2020 (HOL) - Baarlamanka dowlad goboleedka Puntland ayaa maanta xasaanada kala laabtay tiro 8 Xildhibaan ah oo lagu soo eedeeyay falal ka dhan ah jebinta xeer hoosaadka Anshaxa gollaha wakiiladda dowladda Puntland.

12/3/2020 1:40 AM EST
Khamiis, December, 03, 2020 (HOL) - Qorshe xilka looga qaadayo xildhibaano katirsan Puntland ayaa saaka ka socda magaalada Garowe, kadib markii 35 xildhibaan oo kamid ah barlamaanka ay saxiixeen mooshin xil ka qaadis ah.

12/3/2020 12:49 AM EST
Khamiis, December, 03, 2020 (HOL)-Dhacdadan oo intii ka war-heshay aad uga argagaxeen ayaa Nin magaciisa lagu sheegay Cabsiiye Caddaan waxaa uu torreey ku dilay Hooyadii gurigooda oo ku yaala degmada Kaaraan meel aan ka fogeyn isbitaalka Keysaney ee magaalada Muqdisho.