3/28/2024
Today from Hiiraan Online:  _
Wararka Maanta- Khamiis, Dec 24, 2020
Wariye Maxamed Cismaan Makaraan oo goordhaw lagu xiray Baledweyne
 

Khamiis, December, 24, 2020 (HOL) - Ciidamada Booliska magaalada Baledweyne ayaa goordhaw xabsiga dhigay guddoomiyaha Idaacaddaha ku midoobay magaca SOMA ahna milkiilaha Idaacadda Hiiraanweyn Maxamed Cismaan Makaraan.

Xariga Agaasime Makaraan ayaa yimid kadib markii uu saakay ku booqday xabsiga Saldhiga Baledweyne wariye Cabdulqaadir Faarax Dulyar oo ay xalay isna xabsiga dhigeen ciidamada Booliiska Baledweyne.

Lama oga sababta rasmiga ah ee ka dambeysa xariga wariye Makaraan inkastoo xariga wariye Dulyar lala xariiriyay wareysi uu shalay kasoo qaaday hoggaamiyaha dhaqdhaqaaqa kasoo horjeeda maamulka Hirshabeelle Janaraal Abuukar Xuud.

Majirto ilaa hada wax war ah oo kasoo baxay Saraaakiisha madaxda Hirshabeelle iyo taliska ciidamada Booliska oo ku aadan xariga wariyaasha xalay iyo saakay lagu xiray Magaalada Baladweyne.

Ururada Warbaahinta Soomaaliya ayaa si kulul u Cambaareeyay xariga wariyaasha Dulyar iyo Makaraan ay u geysteen madaxda maamulka Hirshabeelle oo la sheegay iney lahayeen amarka lagu xiray wariyaasha.

Jamaal Cali Cabdi, Hiiraan Online
[email protected]












Click here
12/24/2020 11:08 AM EST
Khamiis, December, 24, 2020 (HOL) Guddoomiyaha Aqalka Sare ee Soomaaliya Cabdi Xaaji Cabdullaahi oo shir jaraa'id qabtay ayaa ku eedeeyay madaxweynaha dowladda Soomaaliya Maxamed Cabdullaahi Farmaajo in uu ku dhaqaaqay tallaabo halis ku ah hay'addaha dastuuriga ah.

12/24/2020 8:14 AM EST
Khamiis, December, 24, 2020 (HOL) - Madaxweynihii hore ee Soomaaliya Xassan Sheekh Maxamuud ayaa ka hadlay tallaabadii uu madaxweyne Maxamed Cabdullaahi Farmaajo ku saxiixay xeer dib u dhiggaya wax ka badal lagu sameeyo Dastuurka dalka.

12/24/2020 7:33 AM EST
Khamiis, December, 24, 2020 (HOL) - War murtiyeed ayaa kasoo baxay shir maanta magaalada Gaalkacyo ku dhexmaray madaxweynayaasha dowlad goboleedyada Puntland iyo Galmudug, Siciid Deni iyo Axmed Qooroor.

12/24/2020 6:16 AM EST
Khamiis, December, 24, 2020 (HOL) - Guddoomiyaha aqalka sare Cabdi Xaashi Cabdullaahi iyo siyaasiyiinta kasoo jeeda gobolada waqooyi ayaa kasoo horjeestay war kasoo baxay guddiga doorashada oo shaaciyay jadwalka doorashada aqalka sare.

12/24/2020 5:48 AM EST
Khamiis, December, 24, 2020 (HOL) - Madaxweynayaasha Puntland iyo Galmudug Siciid Cabdullaahi Deni iyo Axmed Cabdi kaariye Qoorqoor ayaa magaalada Gaalkacyo ku yeeshay kulan ku saabsan Iskaashiga labada maamul goboleed.

12/24/2020 2:29 AM EST
Khamiis, December, 24, 2020 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa saxiixay Xeer Madaxweyne oo dib u dhigaya ansixinta Wax-ka-beddelka Dastuurka Kumeel Gaarka ah maadaama la galay xilligii doorashooyinka oo ay sii dhammaaneyso muddada xilhaynta Barlamaanka 10aad, ayna bilaabanayso muddo Xileedka Barlamaanka 11aad ee Jamhuuriyadda Federaalka Soomaaliya.

12/24/2020 1:39 AM EST
Khamiis, December, 24, 2020 (HOL) - In ka badan 100 ruux ayaa la dilay kaddib markii koox dabley ah oo heyntooda la aqoon weerareen tuulo ku taala gobolka Benishangul-Gumaz ee dalka Itoobiya.

12/24/2020 12:20 AM EST
Khamiis, December, 24, 2020 (HOL) - Wariye Cabdiqaadir Dulyar oo ka mid ah wariyayaasha Soomaaliyeed safar shaqana ku yimid magaalada Beledweyne ayaa xabsiga la dhiggay kaddib markii uu maalintii shalay soo wareystay Jeneraal Abuukar Xaaji Warsame Xuud oo dulleedka magaalada Beledweyne ku heysta xoogag ka soo horjeeda maamulka Hirshabeelle.

12/24/2020 12:08 AM EST
Khamiis, December, 24, 2020 (HOL) - Waxaa xalay dalka Jarmalka ku geeriyooday Fanaankii weyn ee Soomaaliyeed Cabdi Cali Bacalwaan oo waayadii ugu danbeeyay lagu waramayo in uu dalkaasi ku xanuusanayay.