4/17/2021
Today from Hiiraan Online:  _
Wararka Maanta- Isniin, Dec 21, 2020
Wasiirka Arrimaha Dibadda Soomaaliya'' Waxaa jiray cadaadis ah in aynu yareyno khilaafka nagala dhaxeeya Kenya


 

Isniin, December, 21, 2020 (HOL) - Wasiirka Wasaarradda Arrimaha Dibadda Soomaaliya Maxamed Cabdirisaaq Abuubakar oo faah faahin dheeraad ah ka bixiyay shirkii madaxda urur gobolleedka IGAD ugu soo dhamaaday Jabuuti ayaa sheegay in Soomaaliya cadaadis lagu saaaray in ay hoos u dhigto khilaafka kala dhaxeeya Kenya.

Wasiirka ayaa sheegay in shirkan oo hal maalin ahaa Dowladda Soomaaliya si wanaagsan ugu soo diyaar-garoowday si ay isaga difaacdo eedeymaha uga imanaya Dowladda Kenya, balse mar walba madaxda Urur gobolleedka IGAD ku dadaalayeen in khilaafka lagu dhax -xaliyo isla Ururka dhaxdiisa.

''Annaga waan aqbalnay in khilaafka hoos loo dhiggo , laakiin waxaan ku xirnay sharuud ah in la magacaabo guddi dib u eegis ku sameeya wax-yaabaha Dowladda Soomaaliya ay ka tabaneyso Dowladda Kenya ayuu yiri Wasiirka.

Wasiir Abuubakar ayaa sheegay in ashtakada ugu weyn ee dhinaca Dowladda Soomaaliya soo bandhigtay aheyd arrinta ku saabsan jabhada lagu tababarayo degmada Mandera oo sida uu sheegay IGAD go'aan ku gaartay in loo saaro guddi xaqiiqo raadin ah.

''Qoddobka ugu horreeya ee aan rabno in laga wadahadlo ayaa ah arintan xudduuda ka taaggan iyo dhaqdhaqaaqyada ay ka waddo dowladda Kenya, qoddobkaas ayaa muhiim inoo ahaa, wey jiraan qoddobo kale oo muhiim ah oo aan rabin in aan idila wadaago'' ayuu yiri Wasiirka.

Dowladdaha Soomaaliya iyo Kenya ayaa labaduba ashtako u gudbiyay Urur gobolleedka IGAD iyadoo midba kan kale uu ku eedeeyay khilaafka taaggan oo gaaray ilaa heer safaaraddaha la kala rarto.

Cabdiraxmaan Diini, Hiiraan Online
[email protected]   












Click here
1/31/2021 11:22 PM EST
Haddii aad ku xanuunsan tahay COVID-19 ama aad u malaynayso inaad leedahay COVID-19, raac tallaabooyinkan si aad u daryeesho naftaada oo aad uga caawiso ilaalinta dadka kale ee gurigaaga iyo bulshadaada ah.

12/21/2020 12:05 PM EST
Isniin, December, 21, 2020 (HOL) - Madaxweynaha Somaliland, Muuse Biixi Cabdi ayaa maanta magaalada Hargeysa ku qaabilay wefti ka socda Xisbiga ANC ee haya talada dalka Koonfur Afrika oo uu hoggaaminayo Mr. Mhlekwa Nxumalo oo ah masuul sare oo ka tirsan xisbiga ANC.

12/21/2020 9:10 AM EST
Isniin, December, 21, 2020 (HOL) - Musfaf Qodax oo horey uga tirsanaa Aqalka sare ee Soomaaliya ayaa maanta ka deggay magaalada Hargeysa isaga oo ka soo ababaxay dalka Iskutagga Imaaraadka Carabta.

12/21/2020 8:28 AM EST
Isniin, December, 21, 2020 (HOL) - Ciidanka booliska ayaa soo qabqabtay dad looga shakiyey in ay dileen nin meydkiisa laga helay garaash ku yaala koonfurta magaalada Laascaanood xarunta gobolka Sool.

12/21/2020 8:27 AM EST
Isniin, December, 21, 2020 (HOL) -Wararka ka imanaya magaalada Jowhar ee xarunta Dowlad Gobolleedka Hirshabeelle ayaa in xildhibaan Maxamuud Colaad uu dhaawac culus ka soo gaaray qarax ka dhacay gurigiisa.

12/21/2020 7:12 AM EST
Isniin, December, 21, 2020 (HOL) - Warmurtiyeed ayaa kasoo baxay shirkii 38aad ee aan caadiga ahayn ee madaxda IGAD ay ku yeesheen Djibouti.

12/21/2020 5:22 AM EST
Isniin, December, 21, 2020 (HOL) - Iyadoo guud ahaan caalamka uu soo food saaray mar kale culey la xiriira caabuqa Coronavirus ayeey dowladda Sacuudigu joojisay gabi ahaanba duuliyaadkii caalamiga ee tagi jiray dalka.

12/21/2020 2:45 AM EST
Isniin, December, 21, 2020 (HOL) - Xafiiska Xeer-ilaaliyaha Guud ee Qaranka ayaa soo gabo-gabeeyey baarista Gal-dacwadeedka Hay'adda SAHAN RESEARCH oo Dowladda Soomaaliya horay uga mamnuucday in ay Dalka ka shaqayso.

12/21/2020 1:27 AM EST
Isniin, December, 21, 2020 (HOL) - Diblumaasiyiintii safaaradda Soomaaliya ee dalka Kenya ayaa maanta oo isniin ah dib ugu laabanaya Soomaaliya iyagoo fulinaya amarkii dowladda ee ahaa in muddo 7 cishe ah kusoo xaroodaan.

12/21/2020 12:09 AM EST
Isniin, December, 21, 2020 (HOL) Wali waxaa soconaa howlgalo ballaaran oo ay ciidamada dowladda ka wadaan qeybo ka mid ah magaalada Gaalkacyo kaddib qaraxii ismiidaaminta ahaa ee galaaftay nolashada in ka badan 16 ruux oo ay ka mid ahaayeen saraakiil sar sare oo ka tirsanaa ciidanka xoogga dalka.

12/21/2020 12:07 AM EST
Isniin, December, 21, 2020 (HOL) - Inta la xaqiijinayo ilaa saddex ruux ayaa ku geeriyootay Qarax ka dhacay magaalada Lideta oo ku dhaw bartamaha magaalada caasimada ah ee Addis Ababa Axaddii shalay.

12/21/2020 12:04 AM EST
Isniin, December, 21, 2020 (HOL) - Xiisada diblumaasiyadeed ee u dhaxeysa Kenya iyo Soomaaliya ayaa ah mid walwal ku haysa Midowga Afrika, sida uu sheegay Guddoomiyaha Guddiga Midowga Afrika, wuxuuna ku booriyay wadahadal deg deg ah oo dhaxmara labada dhinac.