4/17/2021
Today from Hiiraan Online:  _
Wararka Maanta- Axad, Dec 20, 2020
Markab dagaal oo gacan ka geysanaya sidii loo sii wadi lahaa ka bixitaanka ciidamada Mareykanka ee Soomaaliya


 

Axad, December 20, 2020 (HOL) - Markab dagaal oo Mareykan ah iyo diyaarad ayaa bilaabay howlgalka ciidamada Mareykanka looga saarayo Soomaaliya.

Militariga ayaa sheegay toddobaadkan iyagoo fulinaya amarka Pentagon in boqolaal kamid ah ciidamada Maraykanka ee ku sugan Soomaaliya  loo raro meelo kale.

USS Hershel "Woody" Williams, oo ah saldhiga badda ee ciidamada Maraykanka ayaa taageeraya dhaqdhaqaaqa ka bixitaanka ciidamada, sid lagu sheegay bayaan kasoo baxay militariga.

Taliska Mareykanka ee Afrika, ayaa sababo la xiriira walaac xagga amniga ah, wuxuu diiday inuu sheego inta askari ee laga saarayo Soomaaliya ama goorta bixitaanka la dhameystiri doono.

AFRICOM waxay sheegtay in qiyaastii 700 oo askari dib loo geyn doono wadamada deriska la ah si ay u fuliyaan howlgalada xuduudaha ee ka dhanka ah Al-Shabaab, oo xiriir la leh Al-Qaacida.

In kasta oo AFRICOM aysan magacaabin dalalka la geynayo ciidamada, hadana Jabuuti iyo Kenya ayay u badan tahay in loo raro  marka la eego in Mareykanku dalalkaas ku leeyahay saldhigyo milatari .

Abdiweli M. Sheikh, Hiiraan Online
[email protected]











Click here
12/20/2020 7:06 AM EST
Axad, December, 20, 2020 (HOL) - Madaxweynaha Dowladda Soomaaliya Maxamed Cabdulaahi Farmaajo iyo dhiggiisa dalka Kenya Uhuru Kenyatta ayaa wadahadallo hor dhac u ah xalinta khilaafka labada dowladood waxaa ay ku yeesheen dalka Jabuuti halkaa oo uu maanta ka furmay shir madaxeedka Urur gobolleedka IGAD.

12/20/2020 6:18 AM EST
Axad, December 20, 2020 (HOL) - Puntland ayaa maanta deeq gargaar ah oo loogu talo galay dadkii ku waxyeeloobay duufaantii GATI kala wareegtay dowladda Talyaaniga oo usoo wakiilatay hay’addeeda iskaashiga horumarinta.

12/20/2020 3:48 AM EST
Axad, December, 20, 2020 (HOL) - Madaxweyne ku-xigeenka Dowlad gobolleedka Galmudug Cali Daahir Ciid ayaa sheegay sheegay in Al-shabaab ay culeys soo saareen deegaannada Galmudug.

12/20/2020 1:47 AM EST
Axad, December 20, 2020 (HOL) - Dhaqdhaqaaqa hubeysan ee la baxay Golaha Samata Bixinta Hiiraan ee fadhigoodu yahay deegaanka Ceelgaal oo qiyaastii Baledweyne kaga beegan 13KM ayaa halkaasi ka dhagax dhigay xarun ciidan oo ay ugu magac dareen Dugsiga Tababaradda Ciidanka Janaraal Xuud.

12/20/2020 12:29 AM EST
Axad, December 20, 2020 (HOL) - Waxaa koradhay tirada dadkii ku dhintay Qaraxii Ismiidaaminta ahaa ee maalin ka hor ka dhacay magaalada Gaalkacyo ee xarunta gobolka Mudug.

12/20/2020 12:10 AM EST
Axad, December 20, 2020 (HOL) - Maanta oo Axad ah 20 Dec 2020 ayaa lagu wadaa in dalka Jabuuti uu ka furmo shir madaxeedka Urur Gobolleedka IGAD, iyadoo madaxweynaha Soomaaliya Maxamed Cabdullaahi Farmaajo uu ka mid yahay mas'uuliyiinta shirkan ka qeybgalaya.