5/6/2021
Today from Hiiraan Online:  _
Wararka Maanta- Talaado, Dec 15, 2020
Mahdi Guuleed: Walaalkeen Axmed Madoobe, Kenya ayaa ku dirqisay inuu ka horyimaado heshiiskii doorashada


 

Talaado, December, 15, 2020 (HOL) - Raysal Wasaare ku xigeenka Soomaaliya, Mahdi Maxamed Guuleed ayaa sheegay dowladda Kenya in ay ka dambeyso in madaxweynaha Jubbaland, Axmed Madoobe uu ka hor yimaado heshiiskii doorashada.

Raysal wasaare ku xigeenka ayaa sheegay Kenya in ay culays xad dhaaf ah ku saareen Axmed Madoobe inuu dood cusub ka keeno qeybta uu ku lahaa heshiiska doorashada.

Mahdi Maxamed Guuleed wuxuu tilmaamay in ay Soomaaliya garnaqsi dheer ka galidoonto faragalinta Kenya ay ku hayso midnimada iyo madax banaanida Soomaaliya ayna ku kala bixidoonaan shirka IGAD.

“Bahdilka ay Kenya ku hayso Soomaaliya iyo dadkeeda, waxay soo dhaaftay alamtara, ugu dambayna waxay nagu kaliftay in aa guud ahaanba xiriirkii u jarno,” ayuu yiri Mahdi Guuleed.

Dowladda Kenya oo maanta hadashay waxay sheegtay in aysan qaadidoonin tallaabo lamid ah tan ay Soomaaliya qaaday.

Abdiweli M. Sheikh, Hiiraan Online
[email protected]











Click here
12/15/2020 12:11 PM EST
Talaado, December, 15, 2020 (HOL) - Kulankaan oo ahaa mid xasaasi ah ayaa galinkii dambe maanta waxa uu duleedka magaalada Baledweyne ku dhexmaray Odayaasha dhaqanka gobolka Hiiraan iyo madaxda dhaqdhaqaaqa la baxay Kacdoonka Samata Bixinta Hiiraan.

12/15/2020 11:12 AM EST
Talaado, December, 15, 2020 (HOL) - Beesha caalamka oo soo saartay war-saxaafadeed, ayaa ugu baaqday madaxda dowladda federaalka iyo dowlad goboleedyada in ay yeeshaan kulan deg deg ah, si loo xalliyo tabashooyinka geedi socodka doorashooyinka iyada oo loo marayo is afgarad si ay dalka uga dhacdo doorasho ay ku wada qanacsan yihiin dadka Soomaaliyeed iyo dhammaan daneeyayaasha.

12/15/2020 10:11 AM EST
Talaado, December, 15, 2020 (HOL) - Qoraal ka soo baxay midowga musharixiinta ayaa looga hadlay dibadbaxyadii maanta ka dhacay magaalada Muqdisho ee sababay in meelaha qaar rasaas leysku adeegsado.

12/15/2020 10:04 AM EST
Talaado, December, 15, 2020 (HOL) - Kaddib kulan magaalada Nairobi ee dalka Kenya ay ku yeesheen labada madaxweyne Somaliland iyo Kenya, Muuse Biixi Cabdi iyo Uhuru Kenyatta, ayeey ugu danbeyntii ka soo saareen qodobo dhowr ah oo ay ku heshiiyeen labada dhinac.

12/15/2020 8:47 AM EST
Talaado, December, 15, 2020 (HOL) -Dowladda Soomaaliya ayaa sheegtay in waqtigan diyaar u tahay dib u eegis lagu sameeyo Guddiyada Doorashada ee khilaafku ka taaggan yahay.

12/15/2020 7:53 AM EST
Talaado, December, 15, 2020 (HOL) - Dowladda Kenya, ayaa sheegtay in aysan ka aargoosandoonin Soomaaliya ka dib markii dowladda federalka Soomaaliya ay ku dhawaaqday in ay xiriirka u jartay Kenya.

12/15/2020 3:07 AM EST
Talaado, December, 15, 2020 (HOL) - Dibadbaxyo iskasoo horjeeda oo ay soo kala abaabuleen dowladda federalka Soomaaliya iyo murashixiinta mucaaradka, ayaa haatan ka socda meelo badan oo katirsan magaalada Muqdisho ee caasimadda Soomaaliya.

12/15/2020 2:43 AM EST
Talaado, December, 15, 2020 (HOL) - Xafiisyo boolis oo dhawaan la dhisay ayaa xalay lagu burburiyey qaraxyo ka dhacay agagaarka Borehole 11 oo ka tirsan degmada Mandheera ee gobolka waqooyi bari Kenya.

12/15/2020 12:09 AM EST
Talaado, December, 15, 2020 (HOL)-Galinka danbe ee maanta ayaa lagu waddaa in la soo gabagabeeyo wadahadallada magaalada Nairobi uga soconaya madaxda Somaliland iyo Kenya oo ay kala hoggaaminayaan Muuse Biixi Cabdi iyo madaxweyne Uhuru Kenyatta.

12/15/2020 12:07 AM EST
Talaado, December, 15, 2020 (HOL) - Wasiirka Wasaarradda Arrimaha Dibadda Soomaaliya Maxamed Cabdirasaaq Maxamuud Abuubakar ayaa sheegay in wax is afgarad ah aan laga gaarin kulamadii ay la soo yeesheen madaxda dowlad gobolleedka Puntland ee la xiriiray arrimaha Doorashooyinka.

12/15/2020 12:05 AM EST
Talaado, December, 15, 2020 (HOL) - Dowladda Soomaaliya ayaa sheegtay in gabi ahaanba jartay xiriirkii Diblomaasiyadeed ee kala dhaxeeyay dowladda Kenya iyadoo ku amartay dhamaanba diblomaasiyiinta Kenya ee ku sugan gudaha dalka Soomaaliya in ay uga baxaan muddo 7 cisho ah