3/28/2024
Today from Hiiraan Online:  _
Wararka Maanta- Axad, Dec 13, 2020
Puntland oo ku gacan sayrtay in ay soo magacowdo guddiga doorashada heer dowlad goboleed
 

Axad, December, 13, 2020 (HOL) - Puntland ayaa diiday in ay soo magacowdo guddiga doorashada heer dowlad goboleed, iyadoo ku adkaysanaysa in dowladda federalka iyo dowlad goboleedka iskugu yimaadaan shir wada tashi oo looga arrinsanayo wixii ka fuli waayay heshiiskii doorashada ee Muqdisho lagu galay.

HOL, ayaa ogaatay in madaxweyne Deni uu diiday codsi raysal wasaaruhu usoo jeediyay oo ah in ay Puntland marka hore magacowdo xubnaha guddiga doorashooyinka, kuwaas oo loo xanniban yahay.

Madaxweyne Deni ayaa sheegay magacaabida guddiga doorashada in ay wax badan ka horeeyaan islamarkaana dowladda federalka looga baahan yahay in mar hore ciidamadeeda kasoo saarto Gedo iyo in dib loo fiiriyo magacaabidda guddiyada maamulaya doorashada xildhibaanada gobolada waqooyi.

Si kaste ha ahaatee, mausuuliyiinta ayaa mar kale saaka kulan gaar ah ku leh madaxtooyada Garowe, isagoo raysal wasaaruhu isku dayayo in uu xal u helo tabashada Puntland ka hor inta uusan u safrin Gaalkacyo.

Abdiweli M. Sheikh, Hiiraan Online
[email protected]












Click here
12/13/2020 4:31 PM EST
Axad, December, 13, 2020 (HOL) - Qoraal la soo galiyay bogga Twitter ka Wasarradda Arrimaha Dibadda Soomaaliya ayaa lagu sheegay in 20 bishan December, dalka Jabuuti lagu qaban doono shir uu soo qaban-qaabinayo Urur gobolleedka IGAD kaasoo looga wada hadlayo xiisada Diblomaasiyadeed ee labada dal Soomaaliya iyo kenya.

12/13/2020 12:19 PM EST
Axad, December, 13, 2020 (HOL) - Siddeed qof oo kala ah askar iyo shacab ayaa ku dhaawacmay qarax miino oo maanta barqadii ka dhacay irida hore ee xarunta dowladda hoose ee degmada Gaalkacyo ee maamulka Galmudug.

12/13/2020 11:54 AM EST
Axad, December, 13, 2020 (HOL) - Dowladda federalka Soomaaliya iyo Puntland, ayaa is-afgarad ka gaaray arrimaha waxbarashada, iyadoo dowladdu ku dhawaaqday in ardayda reer Puntland loo fasaxay shahaadadii dugsiga sare ee federalka.

12/13/2020 10:10 AM EST
Axad, December, 13, 2020 (HOL) - Shirkan oo socon doona muddo saddex cisho ah waxaa daah furay taliyaha ciidanka Booliiska Soomaaliyeed Cabdi Xassan Maxamed Xijaar oo dhinaca kalana ah guddoomiyaha guddiga Amniga Doorashooyinka dalka.

12/13/2020 8:25 AM EST
Axad, December, 13, 2020 (HOL) - Madaxweynaha Somaliland, Muusa Biixi Cabdi ayaa galabta gaadhay magaalada Nairobi ee caasimadda dalka Kenya, halkaas oo uu ka helay caasumaad rasmi ah oo uga timid dowladda Kenya.

12/13/2020 1:57 AM EST
Axad, December, 13, 2020 (HOL) - Ciidamada badda Puntland qeybtooda la dagaalanka argigixisada ayaa dib ula wareegay degaano kuyaala gobolka Sanaag oo ay maalmo ka hor ay qabsadeen dagaalamayaal kooxda Al-shabaab.

12/13/2020 12:51 AM EST
Axad, December, 13, 2020 (HOL) - Saraakiisha ciidamada dowladda Soomaaliya ee ku sugan gobolka Shabeellaha Hoose ayaa warbaahinta u sheegay in ay dileen saraakiil ajnabi ah oo ka tirsanaa Ururka Al-shabaab.

12/13/2020 12:34 AM EST
Axad, December, 13, 2020 (HOL) - Xarrakada Al-shabaab ayaa ku dhawaad sanad kaddib waxaa ay shaaciyeen magacyada Raggii ku lugta lahaa weerarkii lagu qaaday Hotelka Dusit2 ee magaalada Nairobi bishii Janaayo sanadkii 2019ka