5/12/2021
Today from Hiiraan Online:  _
Wararka Maanta- Talaado, Dec 1 , 2020
Guddiga doorashooyinka dad ban ee Soomaaliya oo maanta soo saaray warbixintoodii ugu horeysay


 

Talaado, December, 01, 2020 (HOL) - Qoraal maanta ka soo baxay guddiyada lagu muransan yahay ee doorashooyinka iyo xallinta khilaafaadka ayaa lagu sheegay in guddigu uu guda gali doonno waajibaadka ka saaran gaarsiinta dalka doorasho waqtigeeda ku qabsoonta oo xor iyo xalaal ah.

Guddiga doorashooyinka waxay codsadeen in si degdeg loogusoo biiriyo xubnaha ka dhiman, ka hor inta aan la gaarin doorashada Guddoomiyaha guddiga doorashada iyo Ku Xigeenkiisa oo guddi loo saaray.

“Waa muhiim ah xilligan adag inaan waqti kale oo dheeri ah dalka laga lumin. Mar kale waxaan rabnaa inaan halkan ka caddeyno in shaqada guddiga ay meel fiican mareyso, si dhakhsi ahna aan u guda gali doonno waajibaadka naga saaran inaan dalkan gaarsiinno doorasho waqtigeeda ku qabsoonta oo xor iyo xalaal ah,” ayaa lagu yiri qoraalka guddiga.

Guddiga doorashada iyagoo gudanaya waajibaadkooda waxay tilmaameen in ay hadda gacanta ku hayaan shuruudaha jadwalka doorashooyinka iyo diiwaangelinta musharrixiinta u taagan kuraasta Golaha Shacabka iyo habraacyo kale oo muhiim u ah qabsoomidda doorasho hufan.

Guddigan oo ka kooban 20 xubnood ayaa qeyb ka ah 25-kii xubnood ee uu Dikreeto ku magacaabay Ra’iisul Wasaare Maxamed Xuseen Rooble 4tii Nofeembar 2020. Waxaa ka dhiman 4 xubnood oo ay soo magacabeen Dowlad Goboleedyada Puntland iyo Jubaland.

Labada maamul ayaan weli xubnahaan u dirin magaalada Muqdisho, iyadoo lala xiriirinayo khilaafka siyaasadeed ee arrimaha doorashada.



Abdiweli M. Sheikh, Hiiraan Online
[email protected]











Click here
12/1/2020 6:17 AM EST
Talaado,December, 01, 2020 (HOL) - Wafdi uu hoggaaminayay guddoomiyaha Baarlamaanka dowlad goboleedka Hirshabeelle Cabdixakiin Xaaji Luqmaan ayaa diyaaradii ay saarnayeen waxay cilad ku qabsatay Hawada sarre xili ay kusoo jeedeen magaalada Baledweyne oo ay kuso dhawadeen garoonka Ugaas Khaliif ee Baledweyne waxaana diyaarada aay dib ugu laabatay magaalada Muqdisho halkaaso si nabad ah ay ku gaartay.

12/1/2020 3:20 AM EST
Talaado, December, 01, 2020 (HOL) - Waqooyiga Gaalkacyo ee Puntland waxaa ka socda mudaharaad loogasoo horjeedo diidmada lacagaha shilinka Soomaaliga kadib markii madaxweyne Deni uu shalay soo saaray wareegto lagu mannuucayo in lacagta shilin Soomaaliga lagu qaado canshuurka ilaha dakhliga.

12/1/2020 3:18 AM EST
Talaado,December, 01, 2020 (HOL) - 12 ka tirsan xoogagga Ururka Al-shabaab ayaa lagu dilay dagaal ka dhacay deegaanka Bacaadweyn ee gobolka Mudug maalintii shalay.

12/1/2020 2:48 AM EST
Talaado,December, 01, 2020 (HOL) - Magaalada Muqdisho waxaa xalay ka furmay Wajiggii labaad shir ay yeelanayaan midowgga musharixiinta doorashada 2020-21 oo dhawaan shir ugu soo dhamaaday Muqdisho ka soo saaray war-murtiyeed ka koobnaa 18 qodob.

12/1/2020 1:42 AM EST
Talaado, December, 01, 2020 (HOL) - Sida uu shaaciyay Bangiga Qaranka ee Itoobiya waxaa maanta guud ahaan la joojiyay isticmaalka lacagtii hore ee Itoobya, iyadoo aan waxba lagu kala iibsan doonin laga bilaabo maanta oo Talaado ah.

12/1/2020 1:39 AM EST
Talaado, December, 01, 2020 (HOL) - Dowladda Soomaaliya ayaa beenisay in ciidamo Soomaaliyeed ay qeyb ka yihiin dagaalka ka socda waqooyiga dala Ethiopia ee u dhexeeya ciidamada qaranka Ethiopia iyo jabhadda TPLF ee Tigreega.

12/1/2020 12:05 AM EST
Talaado, December, 01, 2020 (HOL) - Wararka ka imanaya magaalada Kismaayo ee xarunta KMG u ah dowlad gobolleedka Jubbaland ayaa sheegaya in koox hubeysan toogasho ku dileen Dr Yuusuf Axmed oo ka mid ahaa dhaqaatiirta magaalada Kismaayo.

12/1/2020 12:02 AM EST
Talaado, December, 01, 2020 (HOL)-Waxaa muuqanaya dib u dhac ku yimid guud ahaan jadwalka doorashada 2020-21 oo ay ku heshiiyeen madaxda Dowladda dhexe iyo kuwa dowlad gobolleedyada dalka.