5/12/2021
Today from Hiiraan Online:  _
Wararka Maanta- Talaado, Dec 1 , 2020
Dib u dhac ku yimid jadwalka doorasho ee Soomaaliya


 

Talaado, December, 01, 2020 (HOL) - Waxaa muuqanaya dib u dhac ku yimid guud ahaan jadwalka doorashada 2020-21 oo ay ku heshiiyeen madaxda Dowladda dhexe iyo kuwa dowlad gobolleedyada dalka.

Maanta oo ay taariikhdu ku beeggan tahay 01 bisha December, sanadka 2020 ayuu qorshuhu ahaa sida ku cad jadwalka doorashada in gobollada dalka iyo caasimada Muqdisho ay ka bilaabato doorashada xildhibaannada Aqalka sare, halka xildhibaannada Golaha Shacabkuna qorshuhu ahaa in la soo doorto 10-27ka isla bishan December.

Laakiin guud ahaan dalka kama muuqato ififaalo doorasho oo xitaa waxaan wali laga heshiinin guddiyadii doorashada ee arrimahan ka shaqeyn lahaa oo dowlad gobolleedyada qaarkood diideen in ay soo magacaabaan xubnihii dhankooda laga sugayay.

 

Dib u dhacan bilowga ah ayaa muujinaya dib u dhac guud oo ku iman kara jadwalka doorashada oo ugu danbeyn aheyd in madaxweynaha la soo doorto 08 bisha Feberaayo ee sanadka 2021 oo ku eg muddo xileedka madaxweyne Maxamed Cabdullaahi Farmaajo.

Dowladda ayaa dhawaan sheegtay in mas'uuliyada dib u dhac kasta oo ku yimaada doorashada ay qaadi doonaan madaxda dowlad gobolleedyada aan wali soo magacaabin guddiyadii laga sugayay.

Cabdiraxmaan Diini, Hiiraan Online
[email protected]    












Click here
12/1/2020 8:12 AM EST
Talaado, December, 01, 2020 (HOL) - Qoraal maanta ka soo baxay guddiyada lagu muransan yahay ee doorashooyinka iyo xallinta khilaafaadka ayaa lagu sheegay in guddigu uu guda gali doonno waajibaadka ka saaran gaarsiinta dalka doorasho waqtigeeda ku qabsoonta oo xor iyo xalaal ah.

12/1/2020 6:17 AM EST
Talaado,December, 01, 2020 (HOL) - Wafdi uu hoggaaminayay guddoomiyaha Baarlamaanka dowlad goboleedka Hirshabeelle Cabdixakiin Xaaji Luqmaan ayaa diyaaradii ay saarnayeen waxay cilad ku qabsatay Hawada sarre xili ay kusoo jeedeen magaalada Baledweyne oo ay kuso dhawadeen garoonka Ugaas Khaliif ee Baledweyne waxaana diyaarada aay dib ugu laabatay magaalada Muqdisho halkaaso si nabad ah ay ku gaartay.

12/1/2020 3:20 AM EST
Talaado, December, 01, 2020 (HOL) - Waqooyiga Gaalkacyo ee Puntland waxaa ka socda mudaharaad loogasoo horjeedo diidmada lacagaha shilinka Soomaaliga kadib markii madaxweyne Deni uu shalay soo saaray wareegto lagu mannuucayo in lacagta shilin Soomaaliga lagu qaado canshuurka ilaha dakhliga.

12/1/2020 3:18 AM EST
Talaado,December, 01, 2020 (HOL) - 12 ka tirsan xoogagga Ururka Al-shabaab ayaa lagu dilay dagaal ka dhacay deegaanka Bacaadweyn ee gobolka Mudug maalintii shalay.

12/1/2020 2:48 AM EST
Talaado,December, 01, 2020 (HOL) - Magaalada Muqdisho waxaa xalay ka furmay Wajiggii labaad shir ay yeelanayaan midowgga musharixiinta doorashada 2020-21 oo dhawaan shir ugu soo dhamaaday Muqdisho ka soo saaray war-murtiyeed ka koobnaa 18 qodob.

12/1/2020 1:42 AM EST
Talaado, December, 01, 2020 (HOL) - Sida uu shaaciyay Bangiga Qaranka ee Itoobiya waxaa maanta guud ahaan la joojiyay isticmaalka lacagtii hore ee Itoobya, iyadoo aan waxba lagu kala iibsan doonin laga bilaabo maanta oo Talaado ah.

12/1/2020 1:39 AM EST
Talaado, December, 01, 2020 (HOL) - Dowladda Soomaaliya ayaa beenisay in ciidamo Soomaaliyeed ay qeyb ka yihiin dagaalka ka socda waqooyiga dala Ethiopia ee u dhexeeya ciidamada qaranka Ethiopia iyo jabhadda TPLF ee Tigreega.

12/1/2020 12:05 AM EST
Talaado, December, 01, 2020 (HOL) - Wararka ka imanaya magaalada Kismaayo ee xarunta KMG u ah dowlad gobolleedka Jubbaland ayaa sheegaya in koox hubeysan toogasho ku dileen Dr Yuusuf Axmed oo ka mid ahaa dhaqaatiirta magaalada Kismaayo.