11/24/2020
Today from Hiiraan Online:  _
Wararka Maanta- Isniin, Sept 7 , 2020
Bangiga Amaana oo heshiis la saxiixday shirkadda Path Solutions


 

Isniin, September 7, 2020 (HOL) - Amaana Bank oo uu fadhigiisa yahay magaalada Muqdisho ayaa heshiis la saxiixday shirkad laga leeyahay dalka Lubnaan oo ka shaqaysa howlaha horumarinta softaweerada ee ay ku shaqeeyaan qaar ka mid ah bangiyada caalamka.

Xaflad lagu qabtay magaalada Dubai ayuu Bangiga Amaana ku la saxiixday heshiiskan shirkadda la yiraahdo Path Solutions oo fadhigeeda yahay magaalada Beyruut.

Heshiiska ay kala saxiixdeen labada dhinac ayaa ah mid lagu kobcinaayo adeegyada Bangiga uu u qabto macaamiishiisa.

Adeegyada ay shirkadda ka caawin doonto Bangiga ayaa waxaa mid ah adeeg joogta oo aan kala go' lahayn 24ka saac maalintiiba.

Sharikadda Path Solutions waxay ka mid tahay sharikadda ugu waaweyn adduunka ee sida gaar ka ah ugu caanbaxay iswaafajinta shareecada iyo howlaha bangiyada.

Labada dhinac heshiisyada waxaa u kala saxiixay Cabdirisaaq Xuseen Macalin oo ah guddoomiyaha Amaana iyo Madaxa Path Solutions Maxamed Katiib.

Axmed Maxamed Aadan , Hiiraan Online












Click here
9/7/2020 11:09 AM EST
Isniin, September 7, 2020 (HOL) - Taliska ciidamada Mareykanka ee Afrika ayaa war kasoo saaray weerarkii saakay ka dhacay xero ciidan oo ku taalla deegaanka Jannaay Cabdalle oo qiyaastii 60KM ka baxsan magaalada Kismaayo.

9/7/2020 10:39 AM EST
Isniin, September 7, 2020 (HOL) - Waxaa maanta ka dhacay magaalada Muqdisho shir mid kamid ah beelaha Soomaaliyeed wax-garadkiisa ay isugu yimaadeen, waxaana diiradda lagu saaray xaaladda kala guurka ah ee Soomaaliya, gaar ahaan waxaa si gooni ah loosoo hadal qaaday doorashada dhowaan ka dhici doonta maamulka Hirshabeelle.

9/7/2020 9:44 AM EST
Isniin, September 7, 2020 (HOL) - Gudoomiyaha gobolka Banaadir Cumar Filish ayaa hadlay sababta ka dambeysay in arday badan oo reer Muqdisho ay ku dhacaan imtixaanka shahaadiga ah ee sanad dugsiyeedka 2019/2020.

9/7/2020 9:33 AM EST
Isniin, September 7, 2020 (HOL) - Magaalada Adhi-cadeeye oo 30Km. Waqooyi kaga quman magaalada Laascaanood xarunta gobolka Sool ayaa shir nabadeed uga furmay, kaas oo qabanqaabadiisu mudooyinkii u danbeeyey ka soconayey gobolka.

9/7/2020 9:15 AM EST
Isniin, September 7, 2020 (HOL) - Laba ka mid ah ciidamada dowladda Soomaaliya ayaa ku dhintay tira kalana way ku dhaawacmeen kadib makii gaari waxyaabaha qarxa lagasoo buuxiyay uu ku qarxay xarun ciidamada militiriga ay ku leeyihiin duleedka magaalada Kismaayo.

9/7/2020 3:31 AM EST
Isniin, September 7, 2020 (HOL) - Kenya, Zimbabwe, Uganda, Somalia iyo Nigeria ayaa lagu tilmaamay inay safka hore kaga jiraan kiisaska musuqmaasuq ee bililiqaysiga lacagaha Covid-19 ee caalamka ugu deeqay.

9/7/2020 12:43 AM EST
Isniin, September 7, 2020 (HOL) - Xeer-ilaaliyaha Guud ee Qaranka Dr. Sulaymaan Maxamed Maxamuud, ayaa sheegay in Xukunaddii dhawaan dhacay ee Musuq-maasuqa ay kor ay u qaadeen sumacada dalka.

9/7/2020 12:40 AM EST
Isniin, September 7, 2020 (HOL) - Puntland ayaa qaati ka taagan Maandooriyaha Qamriga, oo si xowli ah ugusoo badanaya degaanadeeda arrintaas oo loo sababeynayo Qaadka ka yimaada dalka Ethiopia oo qamriga lagusoo dhex qariyo.