11/24/2020
Today from Hiiraan Online:  _
Wararka Maanta- Arbaco, Sept 30, 2020
Puntland oo ka digtay roobab dabeyla wata oo kusoo fool leh deegaanadeeda


 

Arbaco, September 30, 2020 (HOL) - Warkaan digniinta ah ayaa waxaa soo saaray wasaaradda deegaanka, beeraha iyo isbedalka cimilada ee dowlad goboleedka Soomaaliyeed ee Puntland, waxaana lagu sheegay in roobab mahiigaan ah oo wata dabeylo xooggan oo kusoo wajahanyahay deegaanno badan oo kamid ah maamulkaas.

Dadka kunool Gobollada Bari, Nugaal, Sool iyo Sanaag ayaa waxaa si gaar ah loo amray iney ka fogaadaan dhulka biya qabadka leh iyo deegaannada biyo mareenka ah , si looga baaqsado in khasaaro xooggan ay sababaan daadad suura-gal noqon kara iney roobabkaasi ka dhashaan.

“Roobab mahiigaan ah ayaa la saadaalinayaa inay kusoo wajahan yihiin degaannada puntland, qeybo kamid ah gobolada Bari, Nugaal ,Sool iyo Sanaag ayaa la rajeynayaa inay heli doonaan rooob xoogan oo sababi kara daadad ”  ayaa lagu yiri warka degniinta ah ee Puntland ay sii deysay.

Digniintaan ayaa soo baxaysa. Xilli saacadihii lasoo dhaafay lasoo sheegayo in roobab ay ka da’ayeen deegaanno badan oo ku yaalla Gobollada Sool iyo Sanaag.

Abdiaziz Ahmed Barrow, Hiiraan Online
[email protected]












Click here
9/30/2020 6:30 AM EST
Arbaco, September 30, 2020 (HOL) - Wasaaradda caafimaadka ee maamulka Galmudug ayaa waxay maanta shaacisay in deegaannada maamulkaas lagu arkay mar kale xanuunka Covid19, kadib markii baaritaan ay ku sameeyeen saraakiisha caafimaadka bukaan qabay xanuunka.

9/30/2020 6:23 AM EST
Arbaco, September 30, 2020 (HOL) - Madaxda maamul Goboleedka Hirshabeelle ayaa wada dadaallo ay ku doonayaan iney beesha caalamka ay taageero weyn uga helaan xilli dhowaan maamulkaas uu galayo doorashada madaxda sare iyo soo xulista xubnaha Baarlamanka labaad.

9/30/2020 4:43 AM EST
Arbaco, September 30, 2020 (HOL) - Dab qasaaro geystay ayaa saaka ka kacay goobo ganacsi oo ku yaala magaalada Dhuusamareeb ee xarunta maamulka Galmudug.