1/26/2021
Today from Hiiraan Online:  _
Wararka Maanta- Jimco, Sept 18, 2020
Xasan Cali Kheyre iyo Axmed Madoobe oo soo dhoweeyay magacaabista ra’iisul wasaaraha cusub


 

Jimco, September 18, 2020 (HOL) - Mas’uuliyiin iyo siyaasiyiin uu kamid yahay ra’iisul wasaarahii hore ee Soomaaliya Xasan Cali Kheyre ayaa soo dhoweeyay magacaabistii xalay ee wasiirka koowaad ee dowladda Soomaaliya Maxamed Xuseen Rooble, waxayna dhammaan Alle uga baryeen inuu xilka u fududeeyo.

Ra’iisul wasaraaihii hore ee Soomaaliya Xaasan Cali Kheyre ayaa qoraal uu soo dhigay bartiisa Facebook, waxa uu ku sheegay inuu soo dhoweynayo ra’iisul wasaaraha cusub, waxa uuna ugu baaqay guud ahaan bulshada Soomaaliyeed in lagu garab istaago gudashada xilkan adag ee loo magacaabay.

Dhinaca kale, Madaxweynaha Jubaland Axmed Maxamed Islaam ayaa ka hadlay soo magacaabista wasiirka koowaad ee xukuumadda, waxa uuna sheegay in loo baahanyahay in xukuumadda cusub uu hoggaamin doono ay ka shaqeeyaan arrimaha doorashada Soomaaliya , waxa uuna ugu baaqay guud ahaan madaxda kala duwan iney si furan ula shaqeeyaan.

Madaxweyne Farmaajo ayaa xalay u magacaabay Maxamed Xuseen Rooble Ra’iisul wasaaraha Soomaaliya, waxayna magacaabistiisa imaaneysa xilli dalka uu isu diyaarinayo doorasho .

Abdiaziz Ahmed Barrow, Hiiraan Online
[email protected]












Click here
9/18/2020 2:54 PM EST
Jimco, September 18, 2020 (HOL) - Inta la xaqiijiyay hal qof oo haween ah ayaa ku dhimatay saddax kalana way ku dhaawacmeen weerar Bam gacmeed ah oo lagu qaaday Maqaaxi ku taala xaafada Howlwadaag gaar ahaan laanta suuqa Xoolaha ee magaalada Beledweyne.

9/18/2020 12:11 PM EST
Jimco, September 18, 2020 (HOL) - Madasha xisbsiyada siyaasadeed ee Soomaaliya ayaa soo dhoweeyay natiijadii kasoo baxday wada hadalkii dowladda federalka iyo dowlad goboleedyada, kaasoo ugu dambayn heshiis looga gaaray hannaanka doorashada soo socota.

9/18/2020 7:11 AM EST
Jimco, September 18, 2020 (HOL) - Dagaalka ayaa ka dhacay deegaanka lagu magacaabo Qulaale oo ku yaalla xuduudda ay wadaagaan Gobollada Hiiraan iyo Galgaduud ee bartamaha Soomaaliya, waxa uuna u dhexeeya maleeshiyo beeleed walaalo ah oo halkaas ku wada nool.

9/18/2020 7:01 AM EST
Jimco, September 18, 2020 (HOL) - Wararka laga helayo magaalada Cadaado ee Gobolka Galgaduud ayaa waxay sheegayaan in ciidamada amaanka Galmudug ay gacanta kusoo dhigeen 8 carruur ah oo la sheegay in lagasoo qafaashay magaalada Qardho ee Puntland, islamarkaana sanadahii ugu dembeeyay lagu hayay magaaladaas.