3/28/2024
Today from Hiiraan Online:  _
Wararka Maanta- Axad, Sept 13, 2020
Gobolka kamida dalka Nigeria oo laga ansixiyay sharci ogolaanaya in la dhufaano ragga carruurta kufsada
 

Axad, September 13, 2020 (HOL) - Sharci-dajiyayaasha Gobolka Kaduna ee waddanka Nigeria ayaa ansixiyay in la dhufaano kuwa lagu helo kufsiga carruurta da'doodu ka yar tahay 14 sano.

Barasaabka gobolka Kaduna Nasir Ahmad el-Rufai ayaa looga baahan yahay inuu saxeexo xeerkaan si uu sharci uga noqdo gobolka waqooyi-galbeed.

Tallaabadan ayaa ka dambeysay ka dib markii shacabka ay ka caroodeen mowjado kufsi ah, taas oo keentay in guddoomiyeyaasha gobollada dalka Nigeria ay ku dhawaaqaan xaaladdo deg deg ah.

Sharciga federaalka ee Nigeria ayaa dhigaya inta udhaxeysa 14 sano iyo xabsi daa’in ciqaab ahaan dadka kufsiga geysta, laakiin sharci dejiyeyaasha gobolka ayaa dejin kara xeerar ciqaabeed oo kala duwan.

Bishii August ee lasoo dhaafay, maxakamad Islaami ah oo ku taallo magaalada Kano ee dalka Nigeria ayaa dil ku xukuntay nin da'a ah oo lagu soo eedeeyay inuu kufsaday gabadh 12 sanno jir ah.

Dalka Nigeria oo ay ku nool yihiin 200 milyan oo qof ayaa kamid ah dalalka uu sida ba'an u saameeyay xadgudubyada kufsiga.

Abdiweli M. Sheikh, Hiiraan Online
[email protected]












Click here
9/13/2020 8:29 AM EST
Axad, September 13, 2020 (HOL) - Inta la xaqiijiyay waxaa ku geeriyootay 3 ruux , dhowr kalana way ku dhaawacantay, Kadib is-risaaseyn dhex-martay askar ka wada tirsan ciidamada daraawiishta Koonfur Galbeed ee ku sugan magaalada Wanlaweyn.

9/13/2020 6:53 AM EST
Axad, September 13, 2020 (HOL) - Madaxweynaha Soomaaliya Maxamed Cabdullaahi Farmaajo ayaa guddoomiyey furitaanka Shirka Wadatashiga Dowladda Federaalka Soomaaliya iyo Dowlad Goboleedyada oo maanta si rasmi ah uga furmay Xarunta Madaxtooyada Qaranka.

9/13/2020 3:54 AM EST
Axad, September 13, 2020 (HOL) - Sida ay ku warramayaan ill wareedyo lagu kalsoonaan karo waxaa maanta lagu wadaa in magaalada Muqdisho uu ka furmo shirkii wada-tashiga ahaa ee u dhexeeyay maamul goboleedyada dalka, gobolka Banaadir iyo dowladda Faderaalka ah.

9/13/2020 3:51 AM EST
Axad, September 13, 2020 (HOL) - Ciidamada kumaadooska dowladda Soomaaliya ayaa waxay sheegeen, in iyaga oo kaashanaya xoogagga daraawiishta Jubaland ee JSF-ta ay howl-gal ka fuliyeen deegaanno dhowr ah oo ka tirsan maamulka Jubaland, gaar ahaan Jubbada hoose.

9/13/2020 1:50 AM EST
Axad, September 13, 2020 (HOL) - Wasiirka waxbarashada Soomaaliya Cabdullaahi Goodax Barre, ayaa si kulul u cambaareeyay kufsigii iyo dilkii loo geystay Xamdi Maxamed Faarax oo kamid ahayd ardaydii sanadkaan ka qalin jabisay dugsiyada sare.

9/13/2020 1:48 AM EST
Axad, September 13, 2020 (HOL) - Ilhaan Cumar ayaa dhaleeceysay laanta Socdaalka iyo Kastamka Maraykanka sababa la xiriira suuragalnimada in masaafurin karaan muhaajiriinta si sharcidaro ku jooga Maraykanka oo dib loogu celiyo Soomaaliya.