3/29/2024
Today from Hiiraan Online:  _
Wararka Maanta- Jimco, Sept 11, 2020
Guddoomiyahii rugta ganacsiga Jubaland oo u geeriyooday dhaawac kasoo gaaray qaraxii Kismaayo
 

Jimco, September 11, 2020 (HOL) - Maamulka Jubaland ayaa caddeeyay geerida ku timid Guddoomiyahii rugta ganacsiga iyo warshadaha maamulkaas Shaafi Raabbi Kaahin oo salaaddii Jimce kadib, qof iskusoo xeray waxyaabaha qarxa uu iskula qarxiyay albaabka hore ee masjidka Jaamaca qadiim ee ku yaalla magaalada Kismaayo.

War qoraal ah oo kasoo baxay madaxtooyada Jubaland ayaa waxa uu madaxweyne Axmed Maxamed Islaam uga tacsiyeeyay geerida ku timid mas'uulkaas,  wuxuuna ku tilmaamay inuu ahaa muwaadin u dhabar adeygay wax u qabashada waddankiisa.

Allaha U Naxariistee Shaafi Raabbi ayaa ahaa mas'uul saameyn togan ku lahaa dhismaha maamulka ku yaalla Jubaland,  wuxuuna sidoo kale ahaa ganacsatada sida weyn looga yaqaan magaalada ee gacan saarka laleh dowlad goboleedkaas.

Kaahin ayaa qaraxa lala eegtay xilli uu kasoo baxay salaaddii Jimcaha ee maanta.

Soomaaliya waxaa hadda kusoo kordhaya qaraxyada,  xilli dhinaca kale uu waddanka galay marxalad siyaasadeed oo kala guur ah.

Abdiaziz Ahmed Barrow, Hiiraan Online
[email protected]












Click here
9/11/2020 5:36 PM EST
Jimco, September 11, 2020 (HOL) - Madaxweynayaasha Jubbaland iyo Galmudug ayaa safarro kala duwan uga ambo baxay magaalada Muqdisho xilli maalinta berrito ah qorshuhu yahay inuu furmo shirka wadatashiga dhameystirka arrimaha doorashooyinka ee dowladda federalka, maamul goboleedyada iyo gobolka Banaadir.

9/11/2020 2:38 PM EST
Jimco, September 11, 2020 (HOL) - Dowladda Switzerland ayaa ugu deeqday Hay’adda QM ee UNFPA deeq lacageed oo kor u dhaafeyso 4 million iyo bar oo dollarka Mareykana si loo xoojiyo dadaallada loogu jiro hagaajinta caafimaadka hooyada iyo dhallaanka, la dagaallanka dhaqamada waxyeellada leh oo ay ka mid yihiin Gudniinka Fircooniga ah iyo awoodsiinta dhallinyarada ee Soomaaliya.

9/11/2020 7:17 AM EST
Jimco, September 11, 2020 (HOL) - Qof iskusoo xeray waxyaabaha qarxa ayaa isku qarxiyay gudaha magaalada Kismaayo, gaar ahaan inta u dhexeysa masaajidka Jaamica ah ee qadiim iyo cisbitaalka magaalada.

9/11/2020 7:07 AM EST
Jimco, September 11, 2020 (HOL) - Guddoomiyaha Ismaamulka Gaarisa ee dalka Kenya Cali Bunow Qorane ayaa waxaa la amray in la soo xero kadib markii lagusoo eedeeyay musuq-maasuq iyo xatooyo xoolo dadweyne.

9/11/2020 6:30 AM EST
Jimco, September 11, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu kula kulmay Muqdisho madaxweynahii hore ee Soomaaliya Xasan Shiikh Maxamuud, iyagoo ka wada-hadlay xaaladda siyaasadda dalka.

9/11/2020 5:35 AM EST
Jimco, September 11, 2020 (HOL) - Golaha Xukumadda xil gaarsiinta Soomaaliya ayaa kulan aaan caadi aheyn oo ay isbuucan yeesheen ku baab’iyey Baanaamijka Tubaha Qaranka oo saddexdii sanno iyo barkii la soo dhaafay ahaa halbeega ay ku shaqeynaysay xukuumadda.

9/11/2020 5:22 AM EST
Jimco, September 11, 2020 (HOL) - Safiirka Maraykanka ee Soomaaliya ayaa ku boorriyay madaxweynayaasha dowlad goboleedyada Soomaaliya ee Muqdisho u jooga dhameystirka wadahadalada in ay bilaabaan hirgalinta habka la isku raacsan yahay ee horay loogu sii wado doorashooyinka.

9/11/2020 3:56 AM EST
Jimco, September 11, 2020 (HOL) - Wassaaaradda gargaarka iyo maareynta masiiboyinka dowladda federaalka Soomaaliya ayaa markale soo saartay digniin cusub oo la xiriirta fatahaad kale oo baaxad leh inuu sameyo wabiga Shabelle todobaadyada soo socda.