3/29/2024
Today from Hiiraan Online:  _
Wararka Maanta- Jimco, Sept 11, 2020
Golaha Wasiirada xukuumadda xil gaarsiinta oo baab’iyey Barnaamijkii Tubaha Qaranka


Jimco, September 11, 2020 (HOL) - Golaha Xukumadda xil gaarsiinta Soomaaliya ayaa kulan aaan caadi aheyn oo ay isbuucan yeesheen ku baab’iyey Baanaamijka Tubaha Qaranka oo saddexdii sanno iyo barkii la soo dhaafay ahaa halbeega ay ku shaqeynaysay xukuumadda.

Sida ay illo xog-ogaal ah ugu warameen HOL, Barnaamijka Tubaha ayaa ujeedka loo sameeyay lagu sheegay awood siinta xubno ka tirsanaa xafiiska ra’isulwasaarahii hore ee xilka laga qaaday Xasan Cali Kheyre, kuwaas oo kala maamulayey lixda tubbood ee la hoos geeyay wasaaradaha, marar badana ka soo muuqan jiray kulamada wasaaradaha, iyagoo ku matalaya xafiiska ra’isulwasaaraha.

Mas’uuliyiin ka tirsan qaar ka mid ah wasaaradaha ay kor joogteyn jireen Tubaha Qaranka ayaa HOL u sheegay in barnaamijkani uu caqabad ku ahaa wasaaradaduhu inay u madax bannaanaadaan howlahooda shaqo, iyagoo ku dooday in aanay macno sameynin in ra’isulwasaare uu ku kalsoonaan waayo Wasiiradii uu magacaabay, midaas oo ay sheegeen in marar badan ay tabashooyin ka gudbiyeen.

Si ka duwan dadka qaba in barnaamijka Tubaha lagu maroorsaday awoodihii Wasaaradaha, ayay xubno kale qabaan in barnaamijkani ahaa hab lagu qiimeyo meesha ay mareyso shaqada dowladda iyo wixii ka qabsoomay qorsheyashii loo dejiyay Wasaaradaha.

Barnaamijka Tubaha Qaranka ayaa ka koobnaa afar tubbood kuwaas oo kala ahaa; Tubta Horumarinta Dhaqaalaha, Tubta Amniga iyo Caddaaladda, Tubta Arrimaha bulshada iyo Tubta Siyaasadda loo dhanyahay. Tub walba oo ka mid ah barnaamijkan ayaa lahaa u qeybsame u gaar ah, kuwaas oo qorshaha xafiiska ra’isulwasaaraha ku maamuli jiray Wasaaradaha la hoos geeyay.

Ma cada sababta ku soo beegtay in xilligan meesha laga saaro barnaamijka Tubaha iyo in xukuumadda xilka sii heysa ay ku bedelli doonto barnaamij kale.

Hiiraan Online News Desk













Click here
9/11/2020 5:36 PM EST
Jimco, September 11, 2020 (HOL) - Madaxweynayaasha Jubbaland iyo Galmudug ayaa safarro kala duwan uga ambo baxay magaalada Muqdisho xilli maalinta berrito ah qorshuhu yahay inuu furmo shirka wadatashiga dhameystirka arrimaha doorashooyinka ee dowladda federalka, maamul goboleedyada iyo gobolka Banaadir.

9/11/2020 2:38 PM EST
Jimco, September 11, 2020 (HOL) - Dowladda Switzerland ayaa ugu deeqday Hay’adda QM ee UNFPA deeq lacageed oo kor u dhaafeyso 4 million iyo bar oo dollarka Mareykana si loo xoojiyo dadaallada loogu jiro hagaajinta caafimaadka hooyada iyo dhallaanka, la dagaallanka dhaqamada waxyeellada leh oo ay ka mid yihiin Gudniinka Fircooniga ah iyo awoodsiinta dhallinyarada ee Soomaaliya.

9/11/2020 8:30 AM EST
Jimco, September 11, 2020 (HOL) - Maamulka Jubaland ayaa caddeeyay geerida ku timid Guddoomiyahii rugta ganacsiga iyo warshadaha maamulkaas Shaafi Raabbi Kaahin oo salaaddii Jimce kadib, qof iskusoo xeray waxyaabaha qarxa uu iskula qarxiyay albaabka hore ee masjidka Jaamaca qadiim ee ku yaalla magaalada Kismaayo.

9/11/2020 7:17 AM EST
Jimco, September 11, 2020 (HOL) - Qof iskusoo xeray waxyaabaha qarxa ayaa isku qarxiyay gudaha magaalada Kismaayo, gaar ahaan inta u dhexeysa masaajidka Jaamica ah ee qadiim iyo cisbitaalka magaalada.

9/11/2020 7:07 AM EST
Jimco, September 11, 2020 (HOL) - Guddoomiyaha Ismaamulka Gaarisa ee dalka Kenya Cali Bunow Qorane ayaa waxaa la amray in la soo xero kadib markii lagusoo eedeeyay musuq-maasuq iyo xatooyo xoolo dadweyne.

9/11/2020 6:30 AM EST
Jimco, September 11, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu kula kulmay Muqdisho madaxweynahii hore ee Soomaaliya Xasan Shiikh Maxamuud, iyagoo ka wada-hadlay xaaladda siyaasadda dalka.

9/11/2020 5:22 AM EST
Jimco, September 11, 2020 (HOL) - Safiirka Maraykanka ee Soomaaliya ayaa ku boorriyay madaxweynayaasha dowlad goboleedyada Soomaaliya ee Muqdisho u jooga dhameystirka wadahadalada in ay bilaabaan hirgalinta habka la isku raacsan yahay ee horay loogu sii wado doorashooyinka.

9/11/2020 3:56 AM EST
Jimco, September 11, 2020 (HOL) - Wassaaaradda gargaarka iyo maareynta masiiboyinka dowladda federaalka Soomaaliya ayaa markale soo saartay digniin cusub oo la xiriirta fatahaad kale oo baaxad leh inuu sameyo wabiga Shabelle todobaadyada soo socda.