3/4/2021
Today from Hiiraan Online:  _
Wararka Maanta- Sabti, Oct 3 , 2020
Madaxweyne Farmaajo oo goob joog ka ah, heshiis taariikhi ah oo maanta Koonfurta Suudaan lagu saxiixayo


 

Sabti, October 3, 2020 (HOL) - Madaxweynaha Soomaaliya Maxamed Cabdullaahi Farmaajo ayaa gaaray caasimadda dalka Suudaanta Koonfureed ee Juba, waxa uuna goobjoog ka noqonayaa heshiiska taariikhiga ah oo ay wada saxiixanayaan dowladda Suudaan iyo laba kamid ah hoggaanka kooxaha  mucaaradka ah ee hubeysan.

Madaxweyne Farmaajo ayaa markii uu gaaray Juba qoraal soo dhigay bartiisa Twitter-ka ayaa waxa uu sheegay in dowladdiisa ay taageereyso heshiiskan iyo dhaqan-gelintiisa.

"Waxaan ku faraxsanahay inaan caasimadda  South Sudan ee Juba aan maraqaati uga noqdo saxiixa heshiis muddo la wada sugayay, annigu ka daris ahaan waxaan taageereynaa xasiloonida dalka Suudaan iyo  in dadka ayu midoobaan, haddii ay taasi dhacdana, waa waxa uu dalkaan ku gaarayo barwaaqo" ayuu qoraakiisa ku sheegay Twitter-kiisa madaxweynaha Soomaaliya

Dhinaca kale waxaa la qorsheynaa in madaxda dowladaha Jabuuti, Chad, Itoobiya, ra'iisul wasaaraha Uganda, raiisul wasaaraha Masar, madaxa midowga Afrika wasiirka arrimaha dibadda Qatar iyo wasiirka bartoolka ee Imaaraadka ay kulan la qaataan dhinacyada heshiiska ku saxiixanaya Juba.

Heshiiska ayaa waxaa wada saxiixi doona dowladda KMG ah iyo dhinacyada hubeysan, wuxuuna soo afmeerayaa dagaal in ka badan 20 sano ka socday Sudan, kaas oo ay ku dhinteen kumanaan qof , halka malaayiinna ay ku barakaceen.

Abdiaziz Ahmed Barrow, Hiiraan Online
[email protected]












Click here
10/3/2020 12:25 PM EST
Sabti, October 3, 2020 (HOL) - Wasiirka wasaaradda ammaanka ee maamulka Hirshabeelle Maxamed Cabdiraxmaan Kheyre ayaa waxa uu magaalada Muqdisho kula kulmay wakiilka Guddoomiyaha Guddiga midowga Afrika u fadhiya Soomaaliya Danjire Francisco Caetano Madeira iyo taliyaha ciidamada nabad-ilaalinta midowga Afrika u jooga Soomaaliya "AMISOM" General Ndegeye.

10/3/2020 11:57 AM EST
Sabti, October 3, 2020 (HOL) - Ra’iisul Wasaaraha Soomaaliya Maxamed Xuseen Rooble ayaa soo saaray Faafinta iyo dhaqangalinta Heshiiskii Siyaasadeed ee Doorashooyinka 2020-2021, isagoo ku dhawaaqay in doorasho loo dhaqaaqayo.

10/3/2020 10:25 AM EST
Sabti, October 3, 2020 (HOL) - Puntland ayaa guddi u saartay cabashada ku saabsan sarifka lacagaha qalaad, kadib markii baaqyo isdaba joog ah loo diray madaxweynaha Puntland iyo wasiirkiisa maaliyadda, taasoo ka dhalatay qiimaha dollarka oo gaaray meeshii ugu sareysa abid.

10/3/2020 8:07 AM EST
Sabti, October 3, 2020 (HOL) - Shantii sano ee u dembeysay kooxaha Soomaalida ah ee burcad badeedka ah ayaa waxay Af-duubteen dad gaaraya 3600 oo ruux , iyagoo qafaalay una qabsaday madax furasho, waxayna lakala socdeen maraakiib iyo doonyo kala duwan oo gooshayay biyaha Soomaaliya iyo kuwa caalamiga ahba.

10/3/2020 2:33 AM EST
Sabti, October 3, 2020 (HOL) - Qiimaha Sarifka Dollarka ayaa gaaray heerkii ugu sareeyay degaanada Puntland, waxaana uu saameyn xoogan ku yeeshay nolasha boqolaal kun oo qoys oo ku tiirsan lacagaha Shilin Soomaaliga ah.

10/3/2020 1:35 AM EST
Sabti, October 3, 2020 (HOL) - Ilhan Omar ayaa weerar afka ah ku qaaadday madaxweyne Donald Trump ka dib markii laga helay safmarka COVID-19, iyadoo sheegtay in uu si firfircoon u faafinayo fayraska islamarkaana uu halis ku yahay caafimaadka bulshada.

10/3/2020 1:28 AM EST
Sabti, October 3, 2020 (HOL) - Roobab dhexdhexaad ah iyo kuwo culus ayaa laga filayaa qaybo ka mid ah Puntland iyo gobollada dhexe in aay ka da'aan toddobaadkan bilowday gudihiisa, sida ay shaacisay hay’adda Maareynta Macluumaadka Biyaha iyo Dhulka Soomaaliya ee SWALIM.