10/25/2020
Today from Hiiraan Online:  _
Wararka Maanta- Axad, Oct 18, 2020
Madaxweyne Deni oo loo xiray waddooyinka magaalada Garowe iyo ciidamo gadood ka sameeyay Bosaso


 

Axad, October 18, 2020 (HOL) - Madaxweynaha Puntland Siciid Cabdullaahi Deni oo maanta dib ugusoo laabnaya magaalada Garowe, ayaa loo xiray waddooyinka Garowe, iyadoo lagusoo daadiyay ciidamo fara badan iyo gaadiidka dagaalka.

Xirnaanshaha waddooyinka ayaa saameyn culus ku yeeshay isku socodka gaadiidka iyo ganacsiga, xilli ay dadku wajahayeen daruufo dhaqaale xumo oo ka dhashay sicir barar baahsan ee ka jira Puntland.

Madaxweyne Deni oo ka imaanaya Nairobi ayaa loo qaban qaabiyay soo dhowayn aan horey loo arag, isagoo loo magacaabay soo dhowayntiisa guddi gaar ah oo katirsan golahiiisa wasiiradda.

Guddiga soo dhowaynta ayaa sheegay in madaxweynaha ay ku maamuusayaan kaalinta uu ka qaatay heshiiskii doorashada ee Soomaaliya uuna dalka ka badbaadiyay khilaaf siyaasadeed oo horseedi karay burbur.

Dhinaca kale, ciidamo ka gadoodsan mushaar la’aan ayaa saaka qabsaday xarunta wasaradda kalluumaysiga Puntland ee kutaala magaalada Bosaso.

Ciidamadaan ayaa diiday inay banneeyaan wasaaradda kalluumaysiga, iyagoo dalbaday xuquuq kaga maqan maamulka Puntland, xuquuqdaas oo ah mushaarkoodii.

Abdisalan Nur Dirie, Hiiraan Online
[email protected]












Click here
10/18/2020 11:02 AM EST
Axad, October 18, 2020 (HOL) - Waxaa maanta gaaray magaalada Jowhar ee caasimadda maamulka Hirshabelle qaar ka mid ah odayaasha dhaqanka deegaanadda Hirshabelle.

10/18/2020 10:45 AM EST
Axad, October 18, 2020 (HOL) - Guddiga xaqiiqo raadinta barlamaanka Soomaaliya ayaa u yeeray sii hayaha wasiirka waxbarashada Soomaaliya Cabdullahai Goodax Barre, agaasimihiisa guud iyo agaasimaha imtixaanaadka.

10/18/2020 10:35 AM EST
Axad, October 18, 2020 (HOL) - Ciidamada milatariga Soomaaliya oo taageero ka helaya kuwa Amisom ayaa dagaal saacado badan qaatay kula galay Al-shabaab degaano hoos yimaada degmada Buuloburte ee gobolka Hiiraan.

10/18/2020 8:17 AM EST
Axad, October 18, 2020 (HOL) - Waxaa maanta hakad ku jira shaqooyinkii garoonka diyaaradaha magaalada Baledweyne ee xarunta gobolka Hiiraan kadib markii ay dhex fariisteen biyo ka dhashay roobab lagu diirsaday oo ka da'ay gudaha iyo daafaha magaalada Baledweyne.

10/18/2020 8:06 AM EST
Axad, October 18, 2020 (HOL) - Jaaliyadda Soomaaliyeed ee dalka Canada gaar ahaan magaalada Ottawa ayaa soo dhaweeyay Safiirka cusub ee dowladda Soomaaliya u magacowday dalka Canada.