3/4/2021
Today from Hiiraan Online:  _
Wararka Maanta- Arbaco, Nov 4 , 2020
Puntland oo xukun dil ah ku riday labo nin oo gabadh 14 jir ah u geystay kufsi iyo dil


 

Arbaco, November, 04, 2020 HOL) - Maxkamada darajada koowaad ee magaalada Bosaso ayaa xukun dil ah ku riday labo oo nin dhalinyaro oo kufsi iyo dil magaalada Bosaso ugu geystay gabadh dhalinyaro ah, kuwaas oo laamaha amnigu xalay soo bandhigeen.

Maxkamada ayaa qoyska marxuumada u xukuntay in labadaan nin loo mariyo qisaasta dilka ay u geysteen Naciimo Cabdi Maxamed oo ahayd 14 jir muddo qoyskeedu raadinayeen.

Dambiilayaasha xukunka lagu riday ayaa lagu kala magacaabaa Maxamed Cabdi Faray iyo cabdiraxmaan Maxamed  Isaaq.

Sida aan xogta ku helnay marxuumada oo kasoo jeeda qoysaska barakacayaasha ee Puntland ku nool ayaa qoyskeeda ugu war dambeysay markii ay ka safartay magaalada Garowe.

Maalmo kooban oo ay Bosaso joogtay ayaa xilli habeen laga afduubtay, kadibna waxaa loo geystay dil iyo kufsi.

Abdiweli M. Sheikh, Hiiraan Online
[email protected]












Click here
11/4/2020 5:36 PM EST
Arbaco, November, 04, 2020 HOL) - Ra’iisul Wasaaraha xukuumada federalka Soomaaliya, Maxamed Xuseen Rooble ayaa magacaabay Guddiyada Doorashooyinka iyo Xallinta iyo Khilafaadka ee heer Federaal.

11/4/2020 11:14 AM EST
Arbaco, November, 04, 2020 (HOL) -War Qoraal ah oo ka soo baxay Wasaarrada Arrimaha Gudaha iyo Federaalka Soomaaliya ayaa lagu hambalyeeyay Guddoonka cusub ee Dowlad Gobolleedka Hirshabeelle oo maanta lagu doortay magaalada Jowhar.

11/4/2020 6:29 AM EST
Arbaco, November, 04 2020 (HOL)- Waxaa soo dhamaatay doorashada Guddoomiyaha Baarlamaanka 2aad ee dowlad gobolleedka Hirshabeelle iyadoo Cabdixakiin Luqmaan Xaaji Maxamed loo doortay in uu noqdo guddoomiyaha Baarlamaanka.

11/4/2020 3:36 AM EST
Arbaco, November, 04, 2020 HOL) - Madaxweynaha dalka Maraykanka Donald Trump ayaa ku dhawaaqay inuu ku guulaystay doorashada madaxtinimada ee weli ka socota dalka Maraykanka.

11/4/2020 3:30 AM EST
Arbaco, November, 04, 2020 HOL) - Ilhan Cumar oo ka tirsanayd golaha gongareeska Maraykanka ayaa ku guuleysatay inay difaacato kursigeeda aqalka Koongareeska ee doorashada ka socota Maraykanka.

11/4/2020 2:33 AM EST
Arbaco, November, 04, 2020 HOL) - Dowladda Ghana ayaa Boqol iyo afartan iyo todobo sarkaal oo Boolis ah oo laga soo xulay booliiska gaarka ah ee dalkaas u soo dirtay Soomaaliya, si ay uga mid noqdaan howlgalka Nabad Ilaalinta Midowga Afrika (AMISOM) ee Soomaaliya.

11/4/2020 2:18 AM EST
Arbaco, November, 04, 2020 HOL) - Maxkamadda gobolka Maroodi-jeex ee Somaliland ayaa maanta Cabdimanan Yuusuf oo kamid ah mulkilayaasha Astaan TV, ku xukuntay 5 Sanno oo xarig ah.

11/4/2020 2:00 AM EST
Arbaco, November, 04, 2020 (HOL) - Madaxweynihii hore ee Soomaaliya Shariif Sheekh Axmed ayaa gaaray goor dhaw magaalada Jowhar oo maanta lagu waddo in ay ka dhacdo doorashada Guddoonka Baarlamaanka Labaad ee dowlad Gobolleedka Hirshabeelle.

11/4/2020 12:21 AM EST
Arbaco, November, 04, 2020 HOL)- Ra'iisal Wasaaraha dalka Itoobiya Abiy Ahmed ayaa amar buuxa ku siiyay ciidamada difaaca Qaranka ee ENDF in ay qaadaan howlgal ka dhan ah Ismaamulka Tigray-ga.

11/4/2020 12:09 AM EST
Arbaco, November, 04, 2020 (HOL)- Amaanka magaalada Jowhar ayaa siweyn loo adkeeyay, iyadoo maanta lagu waddo in ay ka dhacdo doorashada Guddoonka Sare ee Baarlamaanka Labaad ee Dowlad Gobolleedka Hirshabeelle.