11/27/2020
Today from Hiiraan Online:  _
Wararka Maanta- Sabti, Nov 21, 2020
Maamulka gobolka Hiiraan oo xabsiga dhigay shaqaalaha Shirkadda Korontada Baledweyne


 

Sabti, November, 21 2020 (HOL) - Maamulka gobolka Hiiraan ayaa xabsiga dhigay 7 ruux oo ka mid ah shaqaalaha Shirkadda Korontada Dayax Power Supply xafiiskeeda Baledweyne.

Maamulka aya maanta albaabada isugu dhuftay xaruntii Shirkadda dabadeedna horay usoo ka xeyay shaqaaalahii ku sugna xafiiska xabsigana dhigay.

Arintan ayaa timid kadib markii xarumaha maamulka gobolka laga jaray korontadii laga isticmalayay kadib markii ay bixin waayeen lacago fara badan oo ku aruurtay sida uu Shabakadda HOL uu u sheegay mid ka mid ah madaxda Shirkadda Dayax Power Supply.

"laga soo bilaabo ilaa sanadkii 2015 Maamul kasto oo lasoo magacaabo gobolka Hiiraan waxuu rabay inuusan bixinin lacagta korontada oo ay si bilash ah ku isticmaalan oo aysan Shirkaddu raali ka aheyn "ayuu yiri madaxa Iibka iyo suuq-geynta Shirkadda Dayax Power Supply Xasan C/raxmaan Maxamed (Xasan Happy)

Arintan ayaa kusoo aaday xili uu magaalada Baledweyne ku sugan yahay madaxweyne ku xigeenka Hirshabeelle Yuusuf Axmed Hagar Dabageed laguna wado in maalmaha soo socda ay magaalada Baledweyne soo gaaraan madaxweynaha Hirshabeelle iyo guddoomiyaha Baarlamaanka Hirshabeelle.

Mahan markii ugu horeysay oo maamulka gobolka  laga jarto korontada ay isticmaalaan lacag ay bixin waayeen darteed waana markii sadaxaad oo sanadkan gudahiisa korontada laga jarayo.

Jamaal Cali Cabdi, Hiiraan Online
[email protected]












Click here
11/21/2020 2:10 PM EST
Sabti, November, 21, 2020 (HOL) -Xafiiska Ra'iisal Wasaaraha dalka Itoobiya Abiy Ahmed ayaa sheegay in ciidamada dowladda gacanta ku dhigeen magaalada lagu magacaabo Adigrat haatanna ku sii siqayaan magaalada caasimada ah Mekella.

11/21/2020 1:14 PM EST
Sabti, November, 21 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax ayaa degmada Galdogob ee gobolka Mudug maanta kaga qeybgalay kulan soo dhaweyn ah oo ay soo qaban qaabiyeen odayaasha dhaqanka,wax-garadka iyo maamulka degmada Galdogob.

11/21/2020 10:22 AM EST
Sabti, November, 21 2020 (HOL) - 12 Musharax oo u taagan xilka madaxtinimada Soomaaliya oo maanta Muqdisho ku yeeshay kulan ku saabsan sidii loo mideeyn lahaa mowqifka hoggaamiyeyaasha mucaaradka, ayaa waxay dalbadeen in la helo doorasho la isku aamino karo in ay dalka ka dhacdo.

11/21/2020 9:49 AM EST
Sabti, November, 21, 2020 (HOL) - Dab baaxad leh ayaa baabiiyey guud ahaan dooxada degmada Xuddun ee gobolka Sool shalay gelinkii danbe xalay taas oo illaa haatan baxaysa.

11/21/2020 7:44 AM EST
Sabti, November, 21 2020 (HOL) - Ku-simaha Madaxweynaha Puntland, Ahna Madaxweyne Ku-xigeenka, Axmed Cilmi Cismaan Karaash iyo Xeer-ilaaliyaha Guud ee Qaranka Dr Sulaymaan Maxamed Maxamuud ayaa dhagax dhigay xarunta hay'adda Garsoorka Puntland.

11/21/2020 6:19 AM EST
Sabti, November, 21, 2020 (HOL)- Labo iyo Toban musharax oo garabka mucaaradka ah ayaa goor dhaw waxaa uu shir uga furmay Hotelka Jazeera ee magaalada Muqdisho, kaasoo ay uga arrinsanayaan doorashada dalka ee sanadkan 2020-21.

11/21/2020 6:01 AM EST
Sabti, November, 21, 2020 (HOL) - Guddomiyaha Aqalka Sare Cabdi Xaashi Cabdilaahi ayaa dhankiisa soo magacaabay Siddeed xubnood oo ah guddiga doorashada xildhibaannada gobollada Waqooyi [ Soomaliland]

11/21/2020 1:58 AM EST
Sabti, November, 21 2020 (HOL) - Gudoomiyaha gobolka Mudug Abdiladiif Muuse Nuur, ayaa sheegay in ay dad u hayaan qarax lagu weeraray ciidamo katirsan Puntland oo Roondo ka sameynayay waqooyiga magaalada Gaalkacyo.

11/21/2020 12:11 AM EST
Sabti, November, 21, 2020 (HOL) -Qarramada Midoobey ayaa walaac xooggan ka muujineysa xaalada bani'aadannimo ee ka jirta gobolka ay dagaalladu ka socdeen ee Tigrayga, waxeyna dalbatay in si KMG loo joojiyo xabadda.

11/21/2020 12:09 AM EST
Sabti, November, 21, 2020 (HOL) - In ka badan 50 Ardey Soomaaliyeed ah ayaa lagu waramayaa in ay ku go'doonsan yihiin gobolka Ismaamulka Tigreyga gaar ahaan magaalada Mekelle halkaasoo ay ka socdaan dagaallo culus oo u dhaxeeya dowladda Itoobiya iyo jabhada TPLF.

11/21/2020 12:02 AM EST
Sabti, November, 21 2020 (HOL) - Ra'iisal Wasaarihii hore ee Soomaaliya Xassan Cali Kheyre oo hadda ah musharax u taaga xilka madaxweynaha doorashada dhawaan dalka ka dhaceysa ayaa raalingalin buuxda ka bixiyay weerarkii saddex sano ka hor 17 Dec 2017 lagu qaaday guriga Siyaasiga Cabdiraxmaan Cabdishakuur Warsame.