11/28/2020
Today from Hiiraan Online:  _
Wararka Maanta- Jimco, Nov 20, 2020
Ciidamo katirsan Puntland oo qarax Gaalkacyo lagula eegtay


  

Jimco, November, 20, 2020 (HOL)- Ciidamo katirsan Puntland ayaa caawa maqribkii lala beegsaday qarax miino iyagoo marayay waqooyiga magaalada Gaalkacyo, sida ay HOL, u sheegeen dad goob joogayaal ah.

Qaraxa kadib ayaa la maqlayay rasaas xoogan oo ka dhacaysay goobta falka uu ka dhacay oo ay ciidamadu marayeen.

Goobta uu falku ka dhacay waxaa ka ag dhow xarunta madaxtooyada halkaas oo ah goob ammaankeeda aad loo illaaliyo.

Wararka aan helayno waxay sheegayaan in ciidamada lagu tuuray bombo gacmeed, waxaana jira khasaare dhimasho iyo dhaawac ah.

Hal qof oo shacab ah ayaa la xaqiijiyay inuu dhintay, balse lama oga inuu qaraxa ku geeriyooday ama rasaasta ciidamadu ridayeen.

Lama oga cidda falkan ka dambeysay, hase ha ahaatee, Alshabab ayaa horey falal caynkaan oo kale ah uga geysatay Gaalkacyo.

Tan iyo bishii May ee sanadkaan oo la dilay guddoomiyihii gobolka Mudug, Axmed Muuse Nuur Yare, Gaalkacyo ammaankeeda wuu soo hagaagayay.

Abdiweli M. Sheikh, Hiiraan Online
[email protected]












Click here
11/20/2020 12:34 PM EST
Jicmo, November, 20, 2020 (HOL) - Maalinta Axad ah toddobaadka danbe oo ay taarkhiidu ku beegan tahay 21 bishan November, ayaa lagu wadaa in magaalada Muqdisho uu shir uga furmo midowga musharixiinta xilka madaxweynaha Soomaaliya.

11/20/2020 6:54 AM EST
Jimco, November, 20, 2020 (HOL)- Saacadihii ugu danbeeyay Garoonka diyaaradaha magaalada Muqdisho waxaa ka soo taggay qaar ka mid ah musharixiinta xilka madaxweynaha Soomaaliya doorashada 2020-21, dhinaca kalana ah siyaasiyiin siweyn uga biyo diidan hannaanka ay dowladdu u maamuleyso doorashada.

11/20/2020 4:35 AM EST
Jimco, November, 20, 2020 (HOL)- Madaxa hay'adda Caafimaadka Aduunka WHO Dr Tedros Adhanom Ghebreyesus ayaa waxba kama jiraan ku tilmaamay eedeyn uga timid dhinaca dowladda Itoobiya oo ka dhan ah dagaallada ka socda gobolka Tigrayga.

11/20/2020 3:09 AM EST
Jimco,November,20,2020 (HOL)- Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax oo socdaal shaqo ku jooga degmada Galdogob ee gobolka Mudug ayaa kulan la qaatay Odayaasha dhaqanka iyo Wax-garadka.

11/20/2020 12:03 AM EST
Jicmo, November, 20, 2020 (HOL) -Wasiirkii hore ee Wasaarradda Arrimaha Dibadda Axmed Ciise Cawad oo wareegto ka soo baxay xafiiska Ra''iisal Wasaaraha Xukuumadda Soomaaliya xilka looga qaaday ayaa ka hadlay sida uu u arko xil ka qaadistiisa iyo in la tashi lagala sameeyay.