6/1/2020
Today from Hiiraan Online:  _
Wararka Maanta- Khamiis, May 21, 2020
Muuse Biixi: Ictiraaf raadinteena waxaan horgayndoonnaa maxkamadda caalamiga ah ee ICJ


 

Khamiis, May 21, 2020 (HOL) - Madaxweynaha Somaliland Muuse Biixi ayaa sheegay in Somaliland ay diyaar u tahay in ay kiiskeeda ictiraaf raadinta geyso maxkamadda caalamiga ah ee ICJ haddii wadahadalada Soomaaliya laga gaarin natiijada la doonayo.

Somaliland ayaa aaminsan inay Soomaaliya inteeda kale ka go’een bishii Maajo 19, sanadkii 1991, wixii ka dambeeyay dagaaladii sokeeye ee Soomaaliya, waxayna ku dhawaaqday inay tahay dowlad gaar ah.

Balse, tan iyo waqtigaas ma aqoonsanin bulshada caalamka, waxayna kamid tahay gobol ka mid ah Soomaaliya, oo sameystay maamul tanaaday.

Isniintiina, Madaxweyne Biixi wuxuu sheegay in Somaliland ay hadda qaadan doonto qaab ka duwan kan raadinta gooni-isu-taagidda.

"Ajandaha kaliya ee keeni kara wadahadalada Somaliland iyo Soomaaliya miiska wada hadalka ayaa ah mid salka ku haya laba dal oo ka wada hadlaya danaha labada dal iyo xiriirka wanaagsan ee deriska," ayuu yidhi Biixi.

Isku daygii ugu dambeeyay ayaa ahaa Raiisel wasaaraha Itoobiya Abiy axmed oo ku guuleystey in labada hoggaamiye is gacan qaadaan inta lagu gudajiray kulan ka dhacay Itoobiya laakiin wax la taaban karo kama soo bixin kulankaas.

Abdiweli M. Sheikh, Hiiraan Online
[email protected]









Click here
5/21/2020 10:29 AM EST
Khamiis, May 21, 2020 (HOL) - Jubbaland ayaa ku eedeeysay dowladda federaalka in ay masuul ka tahay xaaladaha siyaasadeed ee kasoo cusboonaaday gobolka, islamarkaana ku eedeeysay dowladda in ay jabisay dastuurka federaalka iyo kan Jubbaland.

5/21/2020 5:33 AM EST
Khamiis, May 21, 2020 (HOL) - Mas’uuliyiin ka tirsan dowladda ayaa sheegay in dagaalku ay ku dhinteen dad gaaraya 300 oo ruux, tiro bandanna ay ku dhaawacmeen, kaas oo ah isku dhac u dhexeeyo qowmiyadaha Murle iyo Lou Nuer ee ku nool gudaha dalka Suudaanta Koonureed, waxaana dadka dhintay kamid ah 3 shaqaale ah oo ka shaqeynayay arrimaha gar-gaarka

5/21/2020 5:05 AM EST
Khamiis, May 21, 2020 (HOL) - Waxaa warbixin laga dhageystay guddigii dhowaan labada Aqal ee baarlamanka Soomaaliya ay u xil-saareen dhameystirka hab-raaca sharciyada doorashooyinka dalka, iyagoo soo bandhigay halka ay wax u marayaan iyo qorshaha la sugayo oo ay soo dhiraan-dhiriyeen.

5/21/2020 4:33 AM EST
Khamiis, May 21, 2020 (HOL) - Wasaaradda cadaaladda dowlad goboleedka Soomaaliyeed ee Puntland Cawil Shiikh Xaamud oo goor dhow la hadlay warbaahinta ayaa waxa uu sheegay in salaadda Ciidda aan lagu tukan Karin masaajidda deegaannada uu maamulkaasi ka arrimiyo.

5/21/2020 4:18 AM EST
Khamiis, May 21, 2020 (HOL) - Hay’adda caafimaadka Adduunka ee WHO ayaa waxay ka digeysa xanuunka COVID-19 ee weli sii fidayo, islamarkaana aan weli loo helin xal waara, waxayna tilmaamtay qoraal ay soo saartay in ay muuqato in Caalamka uu wajahayo khatarta taagan ee Coronavirus.

5/21/2020 3:58 AM EST
Khamiis, May 21, 2020 (HOL) - Madaxweynaha Maamulka Hirshabeelle Maxamed Cabdi Waare ayaa waxaa uu dowladda Soomaaliya ka codsatay in loo soo jeesto wax ka qabashada arrimaha fataahadda ka taagan magaalada Beledweyne ee xarunta Gobolka Hiiraan oo ay hadda ka barakaceen qoysas badan.

5/21/2020 3:49 AM EST
Khamiis, May 21, 2020 (HOL) - Howl-galka xalay lagu burburiyay goobahaan ganacsi ee ku yaallay hareeraha waddada Maka Al-mukarama , gaar ahaan laammi yaraha Soobbe, ayaa waxa uu ahaa mid ay joogeen madaxda gobolka Banaadir, waxay ahaayeen ganacsiyada la jajabiyay kuwa ay ku shaqeysan jireen haween danyar ah oo ku nool caasimadda dalka.