6/3/2020
Today from Hiiraan Online:  _
Wararka Maanta- Khamiis, May 21, 2020
Madaxweyne Waare oo dowladda dhexe kala hadlay arrinta fatahaadda Beledweyne


 

Khamiis, May 21, 2020 (HOL) - Madaxweynaha Maamulka Hirshabeelle  Maxamed Cabdi Waare ayaa waxaa uu dowladda Soomaaliya ka codsatay in loo soo jeesto wax ka qabashada arrimaha fataahadda ka taagan magaalada Beledweyne ee xarunta Gobolka Hiiraan oo ay hadda ka barakaceen qoysas badan.

Waare oo ka qey-galayay kulan uu shir guddoominayay ra’iisul wasaaraha Soomaaliya Xasan Cali Kheyre ayaa waxa uu tilmaamay in la joogo xilli aysan dowladda dhexe  indhaha ka qabsan Karin xaaladda Bani aadanimo ee ka taagan magaalada Beledweyne .

Kulanka oo ahaa mid ku dhacayay barta Internet-ka ee habka muuqaalka ah ayaa waxaa sidoo kale ka qey-galay xubno kamid ah guddiga ka hortagga iyo xakameynta xanuunka COVID-19 ee Soomaaliya.

Xasan Cali Kheyre ayaa waxa uu dhinaciisa , kadib warbixintii Madaxweyne Maxamed Cabdi Waare ballan qaaday in dowladda dhexe ay garab ku siin doonto Hirshabeelle sidii xal loogu heli lahaa xaaladda Beledweyne.

Madaxweyne Waare ayaa shirka markii ugu horreysay ka qeyb-galay isagoo jooga magaalada Beledweyne oo inta badan daadad looga cararay.

Hirshabeelle ayaa ah maamul xiriir wanaagsan laleh dowladda dhexe ee Soomaaliya, laakiin waxaa la eegayaa tallaabada ay qaaddo dowladda dhexe si arrinta magaalladaasi wax looga qabto.

Abdiaziz Ahmed Barrow, Hiiraan Online
[email protected]









Click here
5/21/2020 10:29 AM EST
Khamiis, May 21, 2020 (HOL) - Jubbaland ayaa ku eedeeysay dowladda federaalka in ay masuul ka tahay xaaladaha siyaasadeed ee kasoo cusboonaaday gobolka, islamarkaana ku eedeeysay dowladda in ay jabisay dastuurka federaalka iyo kan Jubbaland.

5/21/2020 7:37 AM EST
Khamiis, May 21, 2020 (HOL) - Madaxweynaha Somaliland Muuse Biixi ayaa sheegay in Somaliland ay diyaar u tahay in ay kiiskeeda ictiraaf raadinta geyso maxkamadda caalamiga ah ee ICJ haddii wadahadalada Soomaaliya laga gaarin natiijada la doonayo.

5/21/2020 5:33 AM EST
Khamiis, May 21, 2020 (HOL) - Mas’uuliyiin ka tirsan dowladda ayaa sheegay in dagaalku ay ku dhinteen dad gaaraya 300 oo ruux, tiro bandanna ay ku dhaawacmeen, kaas oo ah isku dhac u dhexeeyo qowmiyadaha Murle iyo Lou Nuer ee ku nool gudaha dalka Suudaanta Koonureed, waxaana dadka dhintay kamid ah 3 shaqaale ah oo ka shaqeynayay arrimaha gar-gaarka

5/21/2020 5:05 AM EST
Khamiis, May 21, 2020 (HOL) - Waxaa warbixin laga dhageystay guddigii dhowaan labada Aqal ee baarlamanka Soomaaliya ay u xil-saareen dhameystirka hab-raaca sharciyada doorashooyinka dalka, iyagoo soo bandhigay halka ay wax u marayaan iyo qorshaha la sugayo oo ay soo dhiraan-dhiriyeen.

5/21/2020 4:33 AM EST
Khamiis, May 21, 2020 (HOL) - Wasaaradda cadaaladda dowlad goboleedka Soomaaliyeed ee Puntland Cawil Shiikh Xaamud oo goor dhow la hadlay warbaahinta ayaa waxa uu sheegay in salaadda Ciidda aan lagu tukan Karin masaajidda deegaannada uu maamulkaasi ka arrimiyo.

5/21/2020 4:18 AM EST
Khamiis, May 21, 2020 (HOL) - Hay’adda caafimaadka Adduunka ee WHO ayaa waxay ka digeysa xanuunka COVID-19 ee weli sii fidayo, islamarkaana aan weli loo helin xal waara, waxayna tilmaamtay qoraal ay soo saartay in ay muuqato in Caalamka uu wajahayo khatarta taagan ee Coronavirus.

5/21/2020 3:49 AM EST
Khamiis, May 21, 2020 (HOL) - Howl-galka xalay lagu burburiyay goobahaan ganacsi ee ku yaallay hareeraha waddada Maka Al-mukarama , gaar ahaan laammi yaraha Soobbe, ayaa waxa uu ahaa mid ay joogeen madaxda gobolka Banaadir, waxay ahaayeen ganacsiyada la jajabiyay kuwa ay ku shaqeysan jireen haween danyar ah oo ku nool caasimadda dalka.