6/3/2020
Today from Hiiraan Online:  _
Wararka Maanta- Talaado, May 19, 2020
Wasiirka Shaqada iyo Arrimaha Bulshada oo gobolka Banaadir ku wareejiyay mashruuca taageeraya dadka nugul




Talaado, May 19, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya,Mudane Xildhibaan Sadik Xirsi Warfa iyo Guddoomiyaha gobolka Banaadir ahna duqa caasimadda Muqdisho, Mudane Cumar Maxamuud Maxamed (Cumar Filish) ayaa maanta si wadajir ah u saxiixay mashruuc lagu caawinayo dadka danyarta ah ee nugul, oo wasaaradda Shaqada iyo Arrimaha Bulshada ay maanta ku wareejisay gobolka Banaadir.

Guddoomiyaha Gobobalka Banaadir ahna duqa caasimadda Muqdisho ,Cumar Filish ayaa munaasabadda saxiixa mashruuca oo ka dhacday xafiiska Wasiirka Shaqada iyo Arrimaha Bulshada , wuxuu ka sheegay in mashruucan wasaaradda ku wareejisay ay gaarsiin doonaan dadkii loogu talagalay, wuxuuna ka mahadceliyay dadaallada wasaaradda ee lagu taageerayo muwaadiniinta nugul iyo kuwa danyarta ah ee dhammaan gobollada dalka.

Wasiirka Shaqada iyo Arrimaha Bulshada ,Mudane Sadik Warfa ayaa sheegay mashruucan inuu billow u yahay mashaariic ay wasaaradda gaarsiinayso gobolka Banaadir iyo dadaallada wasaaradda ay ku dhimeyso saboolnimada.

"Mashruucan wuxuu muhiimad u leeyahay dadkeenna kuwaada nugul ee ku nool gobolka Banaadir, gobollada dalkana waxaa ka socda mashaariic midkan la mid ah oo taageeraya bulshada nugul, waa dadaalka dowladda ee lagu dhimayo saboolnimada si muwaadiniinteena ay u noqdaan kuwa ka soo gudba xariiqinta saboolnimada." ayuu yiri wasiir Sadik Warfa.

Mashruucan ayaa ku soo aadday xilli dhowaan wasaaradda Shaqada iyo Arrimaha Bulshada ay gaarsiisay dowlad-gobolleedyada mashruucii ugu horreeyay oo dowladda Soomaaliya ay lacago caddaan ah ku siinayso dadka nugul iyo hooyooyinka heysta carruurta shanta sanno ka yar.

Iman Jama, Hiiraan Online
[email protected]











Click here
5/19/2020 2:14 PM EST
Talaado, May 19, 2020 (HOL) - Garsoorka maxkamadda caddaaladda caalamiga ah ee ICJ ayaa ku dhawaaqay in mar kale dib loo dhigay waqtiga dhageysiga dacwadda muranka badda ee u dhaxeeya Soomaaliya iyo Kenya.

5/19/2020 1:24 PM EST
Talaado, May 19, 2020 (HOL) - Hay’ada caafimaadka aduunka ee WHO ayaa maanta kaalmo caafimaad ku wareejisay wasaarada caafimaadka Hirshabeelle, waxaana kaalmadan aay isugu jirtay daawooyin iyo qalab looga hortago Covid19.

5/19/2020 9:28 AM EST
Talaado, May 19, 2020 (HOL) - Waxaa maanta deegaanka Godob-jiiraan ee gobolka Nugaal ka bilowday buufinta Ayaxa oo ay sameynayaan diyaarado dhowaan lagu wareejiyay dowladda Soomaaliya islamarkaana hadda ku sugan maamulkaasi.

5/19/2020 9:12 AM EST
Talaado, May 19, 2020 (HOL) - Maxamuud Axmed Nuur “Tarsan” safiirka Jamhuuriyadda Soomaaliya ee Kenya ayaa waxa uu ka jawaabay warbixin uu sii daayay Telefashinka Citizen ee fadhigiisu yahay Nairobi oo sheegay in safaaradda Soomaaliya ay heshiis qarsoodi ah la gashay cisbitaal ku yaalla magaalada Nairobi gaar ahaan xaafadda Islii .

5/19/2020 9:05 AM EST
Talaado, May 19, 2020 (HOL) - Xafiiska Xeer Ilaalinta Guud ee Qaranka ayaa maanta shaaca ka qaadday inay gacanta ku hayaan Dad ku eedeysan ganacsi sharci darro ah.

5/19/2020 8:35 AM EST
Talaado, May 19, 2020 (HOL) - Dowladda Soomaaliya ayaa maanta shaacisay inuu billowday qorshaha ciribtirka fayruska Covid-19, xilli toddobaadyadii u dambeeyay uu fayruska ku faafay caasimadda Muqdisho iyo gobollada kale.

5/19/2020 4:07 AM EST
Talaado, May 19, 2020 (HOL) - Madaxweyne ku xigeenka Puntland, Axmed Karaash ayaa cuno qabatayn laga saaaray in wararkiisa lagu baahiyo xarumaha warbaahinta ku hadasha afka maamulka Puntland, sida PuntlandTv iyo barta internetka.

5/19/2020 12:14 AM EST
Talaado, May 19, 2020 (HOL) - Ganacsatada Qaadka iyo Beeraleyda Mira ee dalka Kenya ayaa waxay dhigeen mudaaharaad ay kagasoo horjeedaan xayiraada saaran Qaadka Soomaaliya loo dhoofin jiray oo ku dhawaad muddo saddex bilood xayiran.