5/29/2020
Today from Hiiraan Online:  _
Wararka Maanta- Talaado, Mar 31, 2020
Puntland oo karantiil galisay 10 qof oo ka yimid dhinaca Somaliland


 

Talaado, Maarso, 31, 2020 (HOL)- Puntland ayaa xaalad karantiil ah galisay 10 qof oo ka yimid dhinaca Somaliland, sida uu sheegay wasiirka caafimaadka Puntland, Dr. Jaamac Faarax Xasan oo katirsan guddiga xakamaynta iyo wacyi galinta cudurka Coronavirus.

Wasiirka caafimaadka ayaa hadalkaan ka yidhi, kulan uu guddigu maanta la qaatay warbaahinta Puntland, wuxuuna tilmaamay dadkaan oo kasoo jeeda Puntland in loo karantiilay, si loo hubiyo inuu jirkooda ku jiro fayraska Covid 19 iyo in kale, iyagoo muddo 14 cishe ah lagu hayndoono xarunta karantiilka Garowe.

Tirada guud ee dadka haatan lagu karantiilay Puntland ayaa ka dhigan 15 qof, oo afar kamid ah ay kasoo jeedaan dalka Hindia, inta kalena ay yihiin Soomaali reer Puntland ah.

Dhinaca kale Puntland, ayaa caawa siidaynaya warixin dhameystiran oo ku saabsan xaaladda cudurka iyo dadaalada uu maamulku uu wado. sidoo kale, waxaa berito dhaqan galidoonaa bandow lagusoo rogidoono isku socodka dadka.

Madaxweynaha Puntland ayaa ah guddoomiyaha guddiga la dagaalanka Coronavirus, iyadoo dhamaan golaha wasiiradda shaqadoodii laga dhigay la dagaalanka cudurka.

Abdiweli M. Sheikh, Hiiraan Online
[email protected]









Click here
3/31/2020 3:23 PM EST
Talaado, Maarso, 31, 2020 (HOL)- Ethiopia ayaa shaacisay inay dib u dhicidoonaan doorashooyinka guud ee loo qorsheeyay dhamaadka bisha Agoosto, iyadoo loo aaneeyayo walaaca laga qabo faafitaanka caabuqa coronavirus, guddiga doorashada ee dalkaas ayaa maanta sheegay.

3/31/2020 2:26 PM EST
Talaado, Maarso, 31, 2020 (HOL)- Wasiirka caafimaadka Somaliland, Cumar Cali Cabdulaahi oo warbaahinta kula hadlay magaalada Hargeysa , ayaa sheegay in labadii kiis ee ugu horeeyay ee Coronavirus laga helay labo qof oo ku kala sugan Berbera iyo Burco.

3/31/2020 11:48 AM EST
Talaado, Maarso, 31, 2020 (HOL)-Maxamed Axmed Saleebaan Gooni ayaa maanta la wareegey xilka taliyaha qabta Booliska gobolka Sool, iyadoo gudookiyaha gobolka iyo masuuliyiinta ciidamada kala duwan ay goobjoog ka haayeen.

3/31/2020 11:27 AM EST
Talaado, Maarso, 31, 2020 (HOL) - Maamulka magaalada Diridhabe ayaa manta go'aano kasoo saaray cudurka dunida wareeriyay ee Covid 19. Go'aamadaan oo dhaqan-galidoona beri Abriil 01, 2020 ayaa waxaa ka mid ahaa

3/31/2020 8:13 AM EST
Talaado, Maarso, 31, 2020 (HOL)- Wasaaradda Curinta iyo Teknolojiyadda, Wasaaradda Caafimaadka iyo dhakhaatiir dhaqameedyada dalka Ethiopia ayaa ku dhawaaqay inay oggolaadeen daawo dhaqameed lagu tijaabiyey dadka iyo xoolaha tan iyo markii uu cudurku dillaacay 19-kii Diseembar 2019.

3/31/2020 1:41 AM EST
Talaado, Maarso, 31, 2020 (HOL)- Hal bukaan oo laga helay cudurka 'COVID-19' ee Soomaaliya ayaa soo kabsaday oo qarka u saaran in lagasii daayo isbitaal lagu karantiilay oo kuyaala magaalada Muqdisho, sida ay sheegtay wasaaradda Caafimaadka Soomaaliya.

3/31/2020 1:32 AM EST
Talaado, Maarso, 31, 2020 (HOL)- Tirada dadka Mareykanka u dhintay coronavirus ayaa kor u dhaafay 3,000 oo qof, sida laga soo xigtay xogta laga sii daayay Isniintii shalay Jaamacadda Johns Hopkins.