5/29/2020
Today from Hiiraan Online:  _
Wararka Maanta- Isniin, Mar 30, 2020
Dowladda Soomaaliya oo go'aamisay in la xiro goobaha Barashada Diinta si looga taxadaro faafitaanka Covid-19



Muqdisho, Maarso, 30, 2020 (HOL)- Dowladda Soomaaliya oo bixinaysa dadaallo lagu dhimayo faafida fayruska Covid19 ayaa maanta soo saartay go'aan kale oo dhimaya inay bulshadu isku timaado.

Wasiirka Awqaafta iyo Arrimaha Diinta,Sheekh Nuur Maxamed Xassan ayaa sheegay in la xiro goobaha barashada Diinta,dugsiyada iyo Mowlacyada,islamarkaana dadweynaha kula taliyay in guryohooda ay ku cibaadaystaan,si looga taxadaro faafitaanka Covid-19.

"Sida aad lawada socotaan waxaa dunidda halis badan ku haya caabuqa Coronavirus (Covid19) oo si xowli ah maalinba ugu faafaya waddamo cusub.

Sidaas datreed, waxaa ay wasaaradda soo saartay :

" Laga billaabo maalinta berri oo ah Talaado 31/03/2020 waxaan si’ rasmi ah u xirnay Dugsiyada Barashada Qur’aanka & xarumaha Barashada Diinta muddo (2) laba todobaad ah, maadaama caruurtu ay yihiin kuwa ugu nugul qaadidda caabuqa covid19,"

Wasaaradda Awqaafta iyo  Arrimaha Diinta waxay mas’uuliyad ka saaran tahay qaadashada kaalinteeda ilaalinta badqabka & caafimaadka bulshada" ayaa lagu yiri hadalka ka soo baxay wasaaradda Awqaafta iyo  Arrimaha Diinta.

Soomaaliya oo ka mid ah dalalka caalamka oo dhan laga helay kiisaska ugu yar ,balse dalka bariga Afrika ku yaal waxaa loo arka dal u nugul faafida fayruskan.


Iman Jama, Hiiraan Online
[email protected]











Click here
3/30/2020 2:13 PM EST
Isniin, Maarso, 30, 2020 (HOL)- Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Xildhibaan Sadiq Xirsi Warfa ayaa sheegay fayruska Covid19 inuu saameyn ku sheegay shaqada, wuxuuna ku baaqay in wada-jir looga shaqeeyo sidii loo wajihi lahaa xaaladdaa.

3/30/2020 11:54 AM EST
Isniin, Maarso, 30, 2020 (HOL)- Cali Maxamed Caraale oo warbaahinta kula hadlay xarunta maamulka gobolka Hiiraan ayaa ka soo horjeestay xil ka qaadistii uu ku sameeyay madaxweynaha dowlad gobolleedka Hirshabeelle oo maalintii shalay xilka guddoomiyaha gobolka Hiiraan u magacaabay Cali Jeyte Cismaan.

3/30/2020 5:52 AM EST
Isniin, Maarso, 30, 2020 (HOL)- Dowladda Jabuuti ayaa shaacisay afar qof oo kasoo laabtay dhinaca Somaliland in laga helay cudurka Coronavurus, kadib markii baaritaan lagu sameeyay iyagoo ku sugan degmada Lowyacadde ee xuduuda kutaala.

3/30/2020 4:42 AM EST
Isniin, Maarso, 30, 2020 (HOL)- Ciidamada ammaanka Puntland ayaa xalay howlgal culus oo ay ka sameeyeen xaafadaha magaalada Garowe waxay kusoo qabqabteen dad lagu tuhunsan yahay in ay ku lug leeyihiin weerarkii ismiidaaminta ee xalay lagu dilay guddoomiyihii gobolka Nugaal, Cabdisalaan Gujir.

3/30/2020 3:41 AM EST
Isniin, Maarso, 30, 2020 (HOL)- Madaxweynaha dowlad goboeedka Puntland Siciid Cabdullaahi Deni oo uu weheliyo Madaxweyne Ku-xigeenka Axmed Cilmi Cismaan Karaash, ayaa kulan aan caadi ahayn la qaatay la qaatay Guddiga Amniga iyo Guddiga qaabilsan ka hortaga Cudurka Coronavirus.

3/30/2020 2:01 AM EST
Isniin, Maarso, 30, 2020 (HOL)-Guddoomiyaha Gobolka Banaadir ahna Duqa Muqdisho Cumar Maxamuud Maxamed (Cumar Filish) ayaa xalay shir guddoomiyay shirka Todobaadlaha ee maamulka gobolka Banaadir, kaasi oo ka dhacay xarunta degmada Shangaani.