5/29/2020
Today from Hiiraan Online:  _
Wararka Maanta- Isniin, Mar 30, 2020
Puntland oo dad badan u xirtay weerarkii ismiidaaminta ee xalay lagu dilay guddoomyihii gobolka Nugaal


 

Isniin, Maarso, 30, 2020 (HOL)- Ciidamada ammaanka Puntland ayaa xalay howlgal culus oo ay ka sameeyeen xaafadaha magaalada Garowe waxay kusoo qabqabteen dad lagu tuhunsan yahay in ay ku lug leeyihiin weerarkii ismiidaaminta ee xalay lagu dilay guddoomiyihii gobolka Nugaal, Cabdisalaan Gujir.

Puntland ayaa heshay xog la xidhiidhta qofka ismiidaamiyay sida uu sheegay wasiirka arrimaha gudaha Puntland, waxaana iyadoo taas laga duulay ay ciidamadu soo xireen dad looga shakisan yahay inay xiriir dhow laleeyihiin ismiidaamiyaha.

Taliyaha ciidanka bilayska Puntland, sareeye gaas Muxyadiin Axmed Muuse ayaa saxaafada ku hadasha afka maamulka Puntland u sheegay in hay’addaha amnigu shaqo badan qabteen qaraxa kadib ayna horey u hayeen macluumaad badan.

Xaaladda magaalada Garowe ayaa caadigeedii kusoo laabatay, iyadoo goobta uu qaraxa ka dhacay dib loo furay saakay, inkastoo ay jirto feejigaan amni oo heerkeedu aad u sareeyo.

Waxaa goor dhow la filayaa in aas qaran loo sameeyo guddoomiyaha gobolka Nugaal, waxaana ka qeynb galaya madaxda Puntland.

Abdiweli M. Sheikh, Hiiraan Online
[email protected]









Click here
3/30/2020 2:56 PM EST
Muqdisho, Maarso, 30, 2020 (HOL)- Dowladda Soomaaliya oo bixinaysa dadaallo lagu dhimayo faafida fayruska Covid19 ayaa maanta soo saartay go'aan kale oo dhimaya inay bulshadu isku timaado.

3/30/2020 2:13 PM EST
Isniin, Maarso, 30, 2020 (HOL)- Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Xildhibaan Sadiq Xirsi Warfa ayaa sheegay fayruska Covid19 inuu saameyn ku sheegay shaqada, wuxuuna ku baaqay in wada-jir looga shaqeeyo sidii loo wajihi lahaa xaaladdaa.

3/30/2020 11:54 AM EST
Isniin, Maarso, 30, 2020 (HOL)- Cali Maxamed Caraale oo warbaahinta kula hadlay xarunta maamulka gobolka Hiiraan ayaa ka soo horjeestay xil ka qaadistii uu ku sameeyay madaxweynaha dowlad gobolleedka Hirshabeelle oo maalintii shalay xilka guddoomiyaha gobolka Hiiraan u magacaabay Cali Jeyte Cismaan.

3/30/2020 5:52 AM EST
Isniin, Maarso, 30, 2020 (HOL)- Dowladda Jabuuti ayaa shaacisay afar qof oo kasoo laabtay dhinaca Somaliland in laga helay cudurka Coronavurus, kadib markii baaritaan lagu sameeyay iyagoo ku sugan degmada Lowyacadde ee xuduuda kutaala.

3/30/2020 3:41 AM EST
Isniin, Maarso, 30, 2020 (HOL)- Madaxweynaha dowlad goboeedka Puntland Siciid Cabdullaahi Deni oo uu weheliyo Madaxweyne Ku-xigeenka Axmed Cilmi Cismaan Karaash, ayaa kulan aan caadi ahayn la qaatay la qaatay Guddiga Amniga iyo Guddiga qaabilsan ka hortaga Cudurka Coronavirus.

3/30/2020 2:01 AM EST
Isniin, Maarso, 30, 2020 (HOL)-Guddoomiyaha Gobolka Banaadir ahna Duqa Muqdisho Cumar Maxamuud Maxamed (Cumar Filish) ayaa xalay shir guddoomiyay shirka Todobaadlaha ee maamulka gobolka Banaadir, kaasi oo ka dhacay xarunta degmada Shangaani.