5/29/2020
Today from Hiiraan Online:  _
Wararka Maanta- Sabti, Mar 28, 2020
Puntland oo karaantiil gelisay dadka looga shakiyay cudurka Coranavirus


 

Sabti, Maarso, 28, 2020 (HOL)- Puntland ayaa dad u karantiishay cudurka Coronavirus, sida ay Hiiraan Online kasoo xigatay ilo katirsan bahda caafimaadka Puntland.

Illaa 6 qof ayay wararku sheegayaan in maamulka ku hayo xarumaha karantiilka ee Garowe, iyadoo laga qaaday baaritaano si loo ogaado in ay xanuunka qabaan iyo in kale.

Dhammaan dadka la karantiilay waxay u badan yihiin dadka iyaga si iskood ah u tagay xarumaha caafimaadka, intooda badana waxay ka yimaadeen dalka dibadiisa.

Sida aan xogta ku helnay ma jirto wax kiis ah oo illaa iyo haatan laga helay Puntland, balse cabsida cudurka ayay Puntland kala siman tahay Soomaaliya inteeda kale maadaama dad badan oo ka yimid qurbaha oo iskugu jira Soomaali iyo ajnebiba ay ku sugan yihiin halkaas.

Maalintii shalay, Puntland waxay soo saartay awaamiir looga hortagayo faafitaanka cudurka Coronavirus, waxayna caawo maqribkii xiraysaa isku socodka xuduudaha uu maamulku la wadaago dhinaca Somaliland iyo dowlad degaanka Soomaalida Ethiopia.

Arrimaha uu dadku hadal hayo waxaa kamid ah Qaadka ka yimaada Ethiopia oo tan iyo markii la  joojiyay duulimaadyada caalamiga ah kusoo qulqulayay gudaha Puntland, isagoo kasoo galayay xuduudka.

Abdisalan Nur Dirie, Hiiraan online









Click here
3/28/2020 2:43 PM EST
Sabti, Maarso, 28, 2020 (HOL)- Qof kamid ah dadkii lagu hayay xarunta karantiilka dadka looga shakiyo cudurka Coronavirus ee magaalada Garowe ayaa caawo geeriyooday, iyadoo aan weli lasoo saarin jawaabta baaritaankiisa.

3/28/2020 8:50 AM EST
Sabti, Maarso, 28, 2020 (HOL)- Madaxweynaha Puntland Siciid Cabdulaahi Deni, ayaa ugu baaqay shacabka Puntland inay qaataan talooyinka hay’adaha caafimaadka ee ku aadan ka feejigaanta cudurka Coronvirus.

3/28/2020 8:35 AM EST
Sabti, Maarso, 28, 2020 (HOL)- Roob mahiigaan ah oo habeeno ka hor ka da’ay gobolka Shabeeladda hoose ayaa baab’iyay garoonkii diyaaraddaha ee Baraawe ee dowladda federalku ku dhistay 4.3 milyan oo dollar.

3/28/2020 7:22 AM EST
Sabti, Maarso, 28, 2020 (HOL)- Dowladda Soomaaliya ayaa si kumeel gaar ah u joojisay duulimaadyada maxaliga ah ee gobolada Soomaaliya, kadib markii uu kordhay walaaca cudurka Coronavirus ee safmarka ah.

3/28/2020 2:26 AM EST
Sabti, Maarso, 28, 2020 (HOL)-Dowladda Federaalka Soomaaliya ayaa la wareegtay maamulka Dugsiga 15ka May oo ay Masaaridu Gacanta ku hayeen.