4/8/2020
Today from Hiiraan Online:  _
Wararka Maanta- Jimco, Mar 27, 2020
Kiiskii saddexaad oo cudurka Coronavirus oo laga helay Soomaaliya


 

Jimco, Maarso, 27, 2020 (HOL)- Xafiiska Qaramada Midoobay ee Soomaaliya ayaa xaqiijiyay in shaqaale ka mid ahaa qandaraaslayaasha ka howlgalla xerada Xalane laga helay cudurka coronavirus (COVID-19).

Wasiirka caafimaadka Soomaaliya, Drs. Fowsiyo Abiikar ayaa sidoo kale xaqiijiyay kiiskaan, iyadoo sheegtay inuu yahay shaqaale ajnebi ah oo soo maray waddamo uu cudurka si aad ah ugu faafay.

Qofka laga helay cudurka ayaa ku jiray karantiil sideed maalmood kahor ogaanshaha cudurka, waxaana uu noqday qofkii ugu horeeyay ee ay kasoo muuqdeen caalamadaha cudurka, marka loo eego saddexda qof ee xanuunka laga helay gudaha Soomaaliya.

Wasiirka caafimaadka waxay sheegtay in dalka dibadiisa lagusoo xaqiijiyay natiijada baaritaanka islamarkaana dowladda aysan weli ku guulaysan inay hesho sheybaarka lagu baaro cudurkaan.

Abdiweli M. Sheikh, Hiiraan Online
[email protected]









Click here
3/27/2020 3:59 PM EST
Jimco, Maarso, 27, 2020 (HOL)- Madaxweynaha Soomaaliya Maxamed Cabdullaahi Farmaajo ayaa ugu baaqay shacabka Soomaaliyeed in ay mideeyaan cududdooda iyo awooddooda, una istaagaan sidii ay dalkooda uga samata-bixin lahaayeen duruufaha caafimaad ee caabuqa Coronavirus uu dhaxal siiyey dalal badan oo caalamka ah.

3/27/2020 8:13 AM EST
Jimco, Maarso, 27, 2020 (HOL)- Raysal Wasaaraha Ingriiska Boris Johnson, ayaa laga helay cudurka Coronavirus, sida ay goor dhowayd shaacisay dowladda.

3/27/2020 7:56 AM EST
Jimco, Maarso, 27, 2020 (HOL)- Dowlad goboleedka Puntland ayaa soo saaray go’aamo looga hortegayo Cudurka Coronavirus, iyadoo xirtay guud xuduudaha uu laleeyahay Somaliland iyo dowlad degaanka Soomaalida Ethiopia.

3/27/2020 7:06 AM EST
Jimco, Maarso, 27, 2020 (HOL)- Wasaaradda Caafimaadka iyo Daryeelka Bulshada dowladda federalka Soomaaliya, ayaa maanta bilowday qeybinta qalab caafimaad oo loogu talo galay ka diyaar garowga cudurka Corona (COVID-19).

3/27/2020 3:57 AM EST
Jimco, Maarso, 27, 2020 (HOL)-Tirada dadka uu soo ritay caabuqa Corona ayaa imika guud ahaan caalamka dhaaftay nus malyuun qof tan iyo intii uu cudurkaasi bilaabmay.