3/28/2024
Today from Hiiraan Online:  _
Wararka Maanta- Talaado, Mar 24, 2020
Bankiga horumarinta Afrika oo shaaciyay in Soomaaliya laga nadiifiyay deymihii uu ku lahaa

Talaado, Maarso, 24, 2020 (HOL)- Bangiga horumarinta qaaradda Afrika ayaa shaaciyay in Soomaaliya laga nadiifiyay Lacagihii amaahda ah ee uu ku lahaa Soomaaliya, taasoo gaaraysay $ 122.55 milyan oo dollar.

Lacagtaan waxaa Soomaalia ka bixiyay Boqortooyada Uk iyo Midowga Yurub.

Warsaxaafadeed kasoo baxay Baanka ayaa lagu sheegay in tilaabadaan ay calaamad u tahay, dhamaadka cunaqabateynta iyo dib u soo noqoshada wada shaqayntii buuxday ee ka dhexeeysay Bangiga iyo Soomaaliya.

Wadada dheer ee loo maray xallinta deynta lagu leeyahay Soomaaliya ayaa soo bilaabatay 2014, waxayna soo martay dhameystirka seddex barnaamij oo kormeer ah oo ay isha ku haysay  hay’adda Lacagta Adduunka ee IMF.

Wasiirka Maaliyadda, C / raxmaan Bayleh, oo arrintaan ka hadlayay wuxuu yiri: “Dejinta deynka Soomaaliya ee Bankiga Horumarinta Afrika, waa bilow cusub oo u bilowday Soomaaliya.

Madaxweynaha Bankiga Akinwumi Adesina ayaa xusay inay tahay waqti taariikhi u ah Soomaaliya. “Aad ayaan ugu faraxsanahay in Bangiga Horumarinta Afrika uu bixiyo hoggaanka loo baahan yahay in lagu riixo laguna guuleysto wada-xaajoodka deynta Soomaaliya. Waxay ahayd mid ka tarjumaysa awoodda iskaashiga iyo dhisidda is-afgarad, ”ayuu yidhi Adesina.

Adesina wuxuu sii raaciyay, “Waxaan ku ammaanayaa dowladda Soomaaliya dadaalka ay ku bixineyso hirgalinta dib-u-habeeynta dhaqaalaha, iyo dowladda UK iyo Midowga Yurub sida ay uga bixiyeen Soomaaliya deyntii uu ku lahaa Bangiga Horumarinta Afrika. Wadajir ahaan, waxaan u qabanay dadka Soomaaliyeed. ”

Bangiga wuxuu sheegay inuu si dhakhso leh u bixin doono hawlgal cusub oo ku saleysan si ay gacan uga geysato kobcinta dhaqaalaha iyo dardargelinta horumarka Soomaaliya.

Abdiweli M. Sheikh, Hiiraan Online
[email protected]












Click here
3/24/2020 5:57 PM EST
Talaado, Maarso, 24, 2020 (HOL)- Dowladda Soomaaliya ayaa gacanta ku dhigtay saddex boorso oo lagasoo buuxiyay maandooriyaha Qaadka, oo la doonayay in si qarsoodi ah lagusoo galiyo magaalada Muqdisho.

3/24/2020 4:57 PM EST
Talaado, Maarso, 24, 2020 (HOL)- Wasiir ku-xigeenka Wasaaradda Caafimaadka iyo Daryeelka Bulshada ayaa safiirka Shiinaha ee Soomaaliya kala wareegay Qalab Caafimaad Oo Qeyb Ka Qaadanaya Kahor tagga Faafitaanka COVID-19.

3/24/2020 9:37 AM EST
Talaado, Maarso, 24, 2020 (HOL)- Nin ka soo jeeda gobolka Yunnan ee Shiinaha ayaa laga helay cudurka Hantavirus isniintii taasoo keentay argagax ka dhex jira muwaadiniinta adduunka oo wali la dhibaatoonaya cudurka 'Cohannavirus' ee ka yimid China.

3/24/2020 8:09 AM EST
Talaado, Maarso, 24, 2020 (HOL )– Gudoomiyaha xisbiga UCID Eng;Faysal Cali Waraabe ayaa sheegay in la joojiyo duulimaadyada ka imanaya dalalka uu ka dhacay cudurka Covid19,isla markaana aanu ficil inoo keenin cudurkaasi halista badan.

3/24/2020 7:59 AM EST
Talaado, Maarso, 24, 2020 (HOL)- Cabdiqaadir Maxamed Faarax (Biriq), oo ka mid ahaa ciyaartoydii hore ee Soomaaliya ayaa dalka Ingiriiska ugu geeriyooday cudurka Coranavurus.

3/24/2020 7:21 AM EST
Talaado, Maarso, 24, 2020 (HOL)- Puntlland ayaa dib uga laabatay go’aan maalintii shalay kasoo baxay guddiga ka hortagga faafitaanka cudurka Coranavirus, kuwaas oo shaacisay in muddo labo tobadaad ah la xirayo goobaha cibaadada, sida masaajida.

3/24/2020 5:08 AM EST
Talaado, Maarso, 24, 2020 (HOL)-Wararka naga soo gaaraya gobolka Shabeellaha Hoose ayaa sheegaya in ciidamada dowladda Soomaaliya waddaan dhaqdhaqaaqyo militari oo ka dhan ah deegaannada ay gobolka ka maamulaan Al-shabaab.