8/11/2020
Today from Hiiraan Online:  _
Wararka Maanta- Talaado, Jun 30, 2020
Bangiga Aduunka oo meel mariyey $ 40 Milyan oo Lagu Taageerayo wax ka qabashada dhibaatada Ayaxa ee Soomaaliya


 

Talaado, Juun 30, 2020 (HOL) - Bangiga Adduunka ayaa oggolaaday mashruuc ku kacaya $ 40 milyan oo ah Kaalmo Horumarineed oo Caalamiga ah (IDA) oo loogu talagalay Soomaaliya taas oo qayb ka ah Barnaamijka Waxqabadka Degdegga ah, si wax looga qabto khatarta Ayaxa iyo xoojinta nidaamyada u diyaarsanaanta dalalka dhibaatadu ka jirto ee Afrika iyo Bariga Dhexe.

Duullaanka Ayaxa ayaa saameyn xoog leh ku yeeshay hab nololeedka ugu yaraan 2.6 milyan oo ku nool afartan iyo saddex degmo oo ka tirsan Soomaaliya.

"Khatarta duulaanka ah ee Ayaxu waxay sii xumaynaysaa dhibaatada bina-aadamnimada ee ka jirta Soomaaliya isla markaana horseedaysa helitaanka cunno yari, dakhli lumis iyo iskahorimaad ku saleysan kheyraadka," ayuu yiri Agaasimaha Bangiga Adduunka ee Soomaaliya, Felipe Jaramillo.

Mashruucaan wuxuu taageeri doonaa ku dhawaad 100,000 oo qoys oo helidoona caawimaad lacageed si ay u helaan cunno awood u siinaya inay ilaashadaan hantidooda iyo jir ahaanta inta lagu jiro dhibaatada.

“Waxaan taageereynaa dowladda federaalka ah ee Soomaaliya inay dejiso nidaam ilaalin bulsheed oo hoos yimaada barnaamijka Baxnaano kaasoo si dhaqso leh uga jawaabi kara si looga ilaaliyo beeraleyda iyo xoola dhaqatada, inay ku dhacaan heerar qoto dheer oo cunno yari, iyo sidoo kale ka hortagga iibka iyo luminta hantidooda wax soo saar,” ayuu yidhi Felipe Jaramillo.

Ku dhawaad boqolkiiba 70 dadka Soomaalida ah ayaa ku nool heerka ugu hooseeya ee saboolnimada iyadoo saboolnimada ay aad ugu sii badan tahay meelaha miyiga ah, taasoo ka dhigeysa Soomaaliya dalka saddexaad ee ugu saboolsan gobolka.

Abdiweli M. Sheikh, Hiiraan Online
[email protected]









Click here
6/30/2020 2:43 AM EST
Talaado, Juun 30, 2020 (HOL) - Sida ay qoreen Warbaahinta Itoobiya heesaaga ahna Abwaanka Haacaaluu Hundeessaa oo kasoo jeeday qowmiyadda Oromada ee waddankaas ayaa lagu toogtay caasimadda Addis Ababa .

6/30/2020 2:32 AM EST
Talaado, Juun 30, 2020 (HOL) - Guddoomiyaha barlamaanka Soomaaliya, Maxamed Mursal Cabdiraxmaan, ayaa sheegay kursiga meel kale loo bedelanayo in ay mustaqbalka keenidoonto in kursigaas beesha iska leh ay lumiso.

6/30/2020 2:25 AM EST
Talaado, Juun 30, 2020 (HOL) - Wada-hadal khadka taleefanka ah oo ay yeesheen wasiirrada arrimaha dibadda dalalka Itoobiya iyo Shiinaha Gedu Andargachew iyo Wangi Yi waxay kusoo hadal qaadeen arrimaha muranka biyaha Nile ee u dhexeeyay dalalka Itoobiya, Suudaan iyo Masar. Waxaana lagu sheegay in loo baahanyahay in xalka arrintaasi loo maro wada-hadal sal u noqda iyo is-Af-garad iyo heshiis.

6/30/2020 2:20 AM EST
Talaado, Juun 30, 2020 (HOL) - Dad fara badan ayaa ka cararaya magaalada ku taalla xeebta ee Mociboada Praia ee waqooyiga dalka Mozambique, kadib dagaallo xooggan oo halkaasi ka bilowday una dhexeeya ciidamada dowladda iyo maleeshiyada koox Islaami ah.

6/30/2020 2:13 AM EST
Talaado, Juun 30, 2020 (HOL) - Ra’iisul wasaaraha Itoobiya Abiy Ahmed ayaa waxa uu hambalyo u diray madaxweynaha cusub ee Jamhuuriyadda Malawi Lazarus Chakwera, kaas oo dhowaan ku guuleystay doorashadii dalkaasi ka dhacday.

6/30/2020 2:00 AM EST
Talaado, Juun 30, 2020 (HOL) - Hay’adda caalamiga ah ee la socoshada kalluumaysiga ee (GFW) ayaa shaacisay dalalka Soomaaliya iyo Yemen inay yihiin halka ay ka dhacaan hawlgallada kalluumeysiga sharci darrada ah ee ugu weyn adduunka.

6/30/2020 1:54 AM EST
Talaado, Juun 30, 2020 (HOL) - Wasiirka arrimaha dibadda Soomaaliya, Amb. Axmed Ciise Cawad, ayaa u hambalyeeyay danjiraha Soomaaliya u fadhiya Qaramada Midoobay, Abuukar Daahir Cusmaan (Baalle) oo loo doortay inuu noqdo madaxweyne ku xigeenka golaha guud ee qaramada Midoobay.