7/4/2020
Today from Hiiraan Online:  _
Wararka Maanta- Talaado, Jun 30, 2020
Guddoomiye Mursal: Xildhibaan adigoo ka fekeraya sidaad kusoo laaban lahayd beeshaada kursigeeda ha lumin


 

Talaado, Juun 30, 2020 (HOL) - Guddoomiyaha barlamaanka Soomaaliya, Maxamed Mursal Cabdiraxmaan, ayaa sheegay kursiga meel kale loo bedelanayo in ay mustaqbalka keenidoonto in kursigaas beesha iska leh ay lumiso.

Guddoomiyaha barlamaanka ayaa xildhibaan kasta uga digay isagoo ka fekeraya sidii uu kusoo laaban lahaa inuu lumiyo kursiga beeshiisa, taasoo ku imaan karta marka uu kursiga geeyo meel beeshiisa looga tiro badan yahay, kadibna kursigaas looga guulaysto, halkaasna ay ku waydo beeshiisa matalaadeedii.

“Ha ogaado qofka maanta doonaya inuu kursigiisa meel kale geysto ama ku xawisho in kursigaas musqbalka ay beeshiisu lumindoonto,” ayuu yidhi guddoomiyaha oo xildhibaanada arintaan uga digayay.

Hadalka guddoomiyaha barlamaanka ayaa yimid, iyadoo uu haatan muran xoogan ka taagan yahay xildhibaano kuraastooda u weeciyay degaano kale.

Xeerka asteynta kuraasta golaha shacabka, ayaa ogolaanaya in xildhibaanada kuraastooda geysan karaan degaan aan ahayn halkii lagu doortay markii hore, balse kursiga lagama saari karo dowlad goboleedka dhexdiisa.

Abdiweli M. Sheikh, Hiiraan Online
[email protected]









Click here
6/30/2020 7:05 AM EST
Talaado, Juun 30, 2020 (HOL) - Bangiga Adduunka ayaa oggolaaday mashruuc ku kacaya $ 40 milyan oo ah Kaalmo Horumarineed oo Caalamiga ah (IDA) oo loogu talagalay Soomaaliya taas oo qayb ka ah Barnaamijka Waxqabadka Degdegga ah, si wax looga qabto khatarta Ayaxa iyo xoojinta nidaamyada u diyaarsanaanta dalalka dhibaatadu ka jirto ee Afrika iyo Bariga Dhexe.

6/30/2020 2:43 AM EST
Talaado, Juun 30, 2020 (HOL) - Sida ay qoreen Warbaahinta Itoobiya heesaaga ahna Abwaanka Haacaaluu Hundeessaa oo kasoo jeeday qowmiyadda Oromada ee waddankaas ayaa lagu toogtay caasimadda Addis Ababa .

6/30/2020 2:25 AM EST
Talaado, Juun 30, 2020 (HOL) - Wada-hadal khadka taleefanka ah oo ay yeesheen wasiirrada arrimaha dibadda dalalka Itoobiya iyo Shiinaha Gedu Andargachew iyo Wangi Yi waxay kusoo hadal qaadeen arrimaha muranka biyaha Nile ee u dhexeeyay dalalka Itoobiya, Suudaan iyo Masar. Waxaana lagu sheegay in loo baahanyahay in xalka arrintaasi loo maro wada-hadal sal u noqda iyo is-Af-garad iyo heshiis.

6/30/2020 2:20 AM EST
Talaado, Juun 30, 2020 (HOL) - Dad fara badan ayaa ka cararaya magaalada ku taalla xeebta ee Mociboada Praia ee waqooyiga dalka Mozambique, kadib dagaallo xooggan oo halkaasi ka bilowday una dhexeeya ciidamada dowladda iyo maleeshiyada koox Islaami ah.

6/30/2020 2:13 AM EST
Talaado, Juun 30, 2020 (HOL) - Ra’iisul wasaaraha Itoobiya Abiy Ahmed ayaa waxa uu hambalyo u diray madaxweynaha cusub ee Jamhuuriyadda Malawi Lazarus Chakwera, kaas oo dhowaan ku guuleystay doorashadii dalkaasi ka dhacday.

6/30/2020 2:00 AM EST
Talaado, Juun 30, 2020 (HOL) - Hay’adda caalamiga ah ee la socoshada kalluumaysiga ee (GFW) ayaa shaacisay dalalka Soomaaliya iyo Yemen inay yihiin halka ay ka dhacaan hawlgallada kalluumeysiga sharci darrada ah ee ugu weyn adduunka.

6/30/2020 1:54 AM EST
Talaado, Juun 30, 2020 (HOL) - Wasiirka arrimaha dibadda Soomaaliya, Amb. Axmed Ciise Cawad, ayaa u hambalyeeyay danjiraha Soomaaliya u fadhiya Qaramada Midoobay, Abuukar Daahir Cusmaan (Baalle) oo loo doortay inuu noqdo madaxweyne ku xigeenka golaha guud ee qaramada Midoobay.