7/4/2020
Today from Hiiraan Online:  _
Wararka Maanta- Axad, Jun 28, 2020
Duqa Magaalada Toronto oo calanka Soomaaliya ka taagay Hoolka Magaalada si loogu xuso maalinta xorriyadda Soomaaliya




Axad, Juun 28, 2020 (HOL) - Duqa Magaalada Toronto ayaa calanka Soomaaliya ka taagay Hoolka Magaalada Toronto jimcihii lasoo dhaafay si loogu xuso Maalinta xurriyada Soomaaliyeed.

Duqa magaalada John Tory waxaa ku weheliyey Faysal Xasan oo katirsan siyaasiyiinta Soomaalida Kanada islamarkaana xubin ka ah Golaha Sharci dejinta ee gobolka Ontaariyo iyo xildhibaan Yvan Baker.

Duqa magaalada John Tory ayaa sheegay in waxa ugu horreeya ee uu ka arko bulshada ay tahay doorka qoyska, inta badan hooyooyinka Soomaaliyeed.

Faysal Xasan, ayaa weydiistay dowlada Kanada inay aqoonsato kaalmada dhaqaale, bulshada iyo dhaqanka ee Soomaalida-Kanadiyaanka ku nool gobolka Ontaariyo.
 
Duqa magaalada Toronto ayaa u mahadnaqay bulshada Soomaaliyeed ee ku nool magaalada Toronto gaar ahaan ururka TODAY oo soo qayban-qaabiyey kulankaan lagu xusayo maalinta xurnimada dalka Soomaaliya

Faysal Xasan ayaa ah qofki ugu horreeyay ee Somali-Canadian ee loo doorto baarlamaanka gobolka Ontario.  "Maanta waxaan u dabaal dagaynaa xorriyadda, taas oo dad badan oo Soomaali ah ay u dirireen, hadana waxaa la joogaa waqtigii aan ka fekeri lahayn mustaqbalka,” ayuu yidhi xildhibaan Faisal Xasan.
 
Magaalada Toronto ayaa waxaa ku nool Soomaalida uga badan ee ku nool dalkan Kanada.

Sanadihii la soo dhaafay, Soomaali-Kanadiyaanku waxay u dabaaldegi jireen madax-bannaanida Soomaaliya. Balse aafada COVID-19 darteed, waxaa inta badan la joojiyay xafladihii la isugu imaan jiray xuska iyo tartamadii loo qaban jiray maalmaha qaran.

Munaasabadda sanadkaan ayaa astaan u ahayd sannad-guuradii 30-aad ee Toddobaadka Soomaalida.

Abdiweli M. Sheikh, Hiiraan Online
[email protected]









Click here
6/28/2020 2:02 PM EST
Axad, Juun 28, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Sadiq Xirsi Warfa ayaa maanta khudbad ka jeediyay kullan deg deg ah oo aalada Fogaan-Aragga ay ku yeesheen Wasiirrada Arrimaha Bulshada ee waddamada Jaamacadda Carabta.

6/28/2020 11:37 AM EST
Axad, Juun 28, 2020 (HOL) - Barlamaanka dowlad goboleedka Puntland ayaa maanta dood culus ka yeeshay go’aankii uu barlamanka Soomaaliya meel mariyay ee ku saabsanaa in gobolka Banaadir uu helo 13 kursi oo aqalka sare ah.

6/28/2020 7:38 AM EST
Axad, Juun 28, 2020 (HOL) - Midowga Yurub, ayaa soo dhoweeyay warbixinta guddiga doorashooyinka qaran ee Soomaaliya uu ka jeediyay barlamaanka Soomaaliya, balse wuxuu sidoo kale ku adkaysaneynaa baahida loo qabo isafgarad siyaasadeed oo laga gaaro arimaha doorashada.

6/28/2020 4:46 AM EST
Axad, Juun 28, 2020 (HOL) - Xildhibaannada Golaha wakiillada Somaliland ayaa waxay saakay yeesheen kulankoodii caadiga ahaa iyagoo meel mariyay laba xubnood oo mucaaradka Somaliland usoo magacaabeen in lagu daro komishanka doorashooyinka madaxa bannaan, xubnahaas oo ay horay u diideen in ay ansixiyaan.

6/28/2020 4:40 AM EST
Axad, Juun 28, 2020 (HOL) - Madaxweynaha maamulka ku yaalla bartamaha Soomaaliya ee Galmudug Axmed Cabdi Kaariye ayaa waxaa lagu wadaa in uu gaaro magaalada Cabud-waaq oo ah degmo ku taalla waqooyiga Gobolka Galgaduud.

6/28/2020 4:32 AM EST
Axad, Juun 28, 2020 (HOL) - Wasiirkii hore ee warfaafinta Daahir Maxamuud Geelle ayaa waxa uu si weyn usoo dhoweeyay tallaabadii shalay aqalka hoose ee Baarlamanka Soomaaliya uu ku ansixiyay in Gobolka Banaadir uu aqalka sare ee Baarlamanka dalka uu ku yeesho metalaadda 13 xubnood .

6/28/2020 4:05 AM EST
Axad, Juun 28, 2020 (HOL) - Ururka saxafiyiin Soomaaliland ee SOLJA, ayaa tallaabo sharci darro ah ku tilmaamay go’aankii shaqada looga joojiyay telefishinka madaxa bannan ee Universal Tv xafiiskiisa Somaliland uu ku lahaa.

6/28/2020 3:30 AM EST
Axad, Juun 28, 2020 (HOL) - Guddoomiyaha barlamaanka Soomaaliya Maxamed Mursal Cabdiraxmaan, ayaa wax laga xumaado ku tilmaamay in mid kamid ah maamul goboleedka Soomaaliya uu ku hanjabo haddii aan la joojin fadhiyada barlamaanka in aysan kasoo qeyb galidoonin shirka lskaashiga doorashada ee Muqdisho ka dhacaya Julay.