8/6/2020
Today from Hiiraan Online:  _
Wararka Maanta- Jimco, Jun 26, 2020
Kulan u dhexeeya madaxweynayaasha Puntland iyo Galmudug oo ka socda magaalada Gaalkacyo




Jimco, Juun 26, 2020 (HOL) - Madaxweynaha Puntland Siciid Cabdullahi Deni, ayaa qasriga Madaxtooyada waqooyiga Gaalkacayo ku qaabilay Madaxweynaha Galmudug Axmed Cabdi Kaariye Qoorqoor iyo wafdi uu hoggaaminayo.

Waa kulankii ugu horeeyay ee labada madaxweyne isku arkaan. Lama oga waxa uu ku saabsan yahay kulankaan, balse labada madaxweyne ayaa isku diyaarinaya ka qeyb galka shirka dowladda federalka iyo dowlad goboleedyada.

Madaxweynaha Galmudug Axmed Qoorqoor ayaa horey u sheegay inuu ka shaqeynayo sidii uu iskugu soo dhoweyn lahaa dowladda federalka iyo dowladdaha xubnaha ka ah ee uu khilaafku ka dhexeeyo.

Waxaa kulankooda la filayaa inay kaga hadlayaan xoojinta amniga Gaalkacyo oo ay maalmahaan ka socdeen howlgallo wadajir ah oo lagu dagaalamayo kooxaha qatarta ku ah amniga iyo wadajirka labada shacab.

Abdiweli M. Sheikh, Hiiraan Online
[email protected]









Click here
6/26/2020 7:28 AM EST
Jimco, Juun 26, 2020 (HOL) - Kulankan oo looga gol lahaa sidii gaadiidka gargaarka degdega ah loogu iibin lahaa isbitaalka Laascaanood ayaa waxaa ka soo qayb galay inta badan ganacsatada, Shirkadaha, masuuliyiin iyo waxgaradba ayaa halkaasi lagaga dhawaaqay dhaqaale iyo gaadiidba.

6/26/2020 5:45 AM EST
Jimco, Juun 26, 2020 (HOL) - Deegaannada ay kamid ka yihiin Shaam, Yuumbis, Mubaarak iyo Tooratoorow oo dhammaan ka tirsan Gobolka Shabeellada hoose ee Koonfur galbeed Soomaaliya ayaa waxaa ka jira dhaq-dhaqaaq ay sameynayaan ciidamada dowladda faderaalka ah gaar ahaan kuwa kumaandooska ah ee DANAB.

6/26/2020 5:40 AM EST
Jimco, Juun 26, 2020 (HOL) - Madaxweynaha Maamulka Soomaaliyeed ee Hirshabeelle Maxamed Cabdi Waare ayaa waxa uu kulan la qaatay odoyaal iyo wax-garad kasoo kala jeedo beelo walaalo ah oo dhowaan ku dagaallamay xadka ay wadaagaan Gobolka Hiiraan ee Soomaaliya iyo Gobolka Shabeelle oo ah dhulka Soomaaliyeed ee Itoobiya raacsan.

6/26/2020 5:25 AM EST
Jimco, Juun 26, 2020 (HOL) - Ciidamada qalabka sida ee dowladda federaalka ah ee Soomaaliya ayaa waxay sheegeen in ay dileen sargaal sare oo ka tirsan Al-shabaab oo aan Soomaali aheyn, islamarkaana u qaabilsanaa dhinaca tababarka ciidamada , kadib dagaallo ka dhacay dhowr deegaan oo ka tirsan Gobolada dhexe sida uu baahiyahay raadiyaha Ciidamada dowladda ee SNA.