5/9/2021
Today from Hiiraan Online:  _
Wararka Maanta- Axad, July 5 , 2020
Dagaal dhimasho iyo dhaawac sababay oo ka dhacay Horufadhi


 

Axad, July 5, 2020 (HOL) - Dagaalkan oo u dhexeeya laba beelood oo xinif colaadeed beryihii la soo dhaafay u dhaxeysay ayaa waxa wararka hordhaca ahi sheegayaan in hal qof ku dhintay afar kalena ku dhaawacmeen.

Dagaalkan oo maanta gelinkii danbe ka bilaabmay duleedka Horufadhi oo waqooyi bari kaga quman Buuhoodle ayaa la sheegayaa in sababtiisa ay lahayd nin habeenimadii xalay lagu diley magaalada Buuhoodle.

Sida ay sheegayaan dad goobjoogayaal ah ayaan weli si buuxda loo ogayn khasaaraha dhabta ah waxase ay noo xaqiijiyeen in rasaastii ay joogsatey, iyadoo ciidamadii ay beeluhuna ay dib u kala fadhiisteen aadse looga cabsi qabo in dib uu u bilaabmo.

Dagaalkan ayaa dhabarjab ku ah gogol nabadeed oo labada beelood haatan lagu dhexdhexaadinayey, iyadoo ay halkaas ku sugan yihiin madax-dhaqameed, cuqaal, culimo iyo waxgarad si ay xal uga gaadhaan xiisadan oo mudo dheer soo noqnoqtay.

Seynab Cabdi Warsame, Hiiraan Online
[email protected]
Laascaanood G. Sool











Click here
7/5/2020 4:43 PM EST
Axad, July 5, 2020 (HOL) - Maamulka Puntland ayaa shaaciyay in heerkii ugu hooseeyay uu gaaray kiisaska Covid19, kadib markii 24 saac ee lasoo dhaafay baaritaan laga qaaday 11 qof dhammaantood laga waayay cudurka.

7/5/2020 1:22 PM EST
Axad, July 5, 2020 (HOL) - Diyaraaddii ugu horeysay ee sida rakaab kana soo duushay magaalada Muqdisho ayaa kasoo dagtay garoonka Ugaas Khaliif ee Magalada Baledweyne.

7/5/2020 8:11 AM EST
Axad, July 5, 2020 (HOL) - Wajiga Labaad ee Sanduuqa Horumarinta Somaliland (SDF2), ayaa waddamada UK, Denmark iyo Netherlands waxay oggolaadeen afar heshiis oo ay la galeen Somaliland, si loo wanaajiyo kaabayaasha muhiimka ah ee lagu taageerayo kobcinta dhaqaalaha.

7/5/2020 7:44 AM EST
Axad, July 5, 2020 (HOL) - Diyaarad kale oo ka diiwaan gashan Kenyan ah ayaa shil ku gashay garoonka diyaaradaha ee magaalada Baardheere, ee gobolka Gedo, Axadda maanta.

7/5/2020 5:09 AM EST
Axad, July 5, 2020 (HOL) - Sida ay baahiyeen baraha wararka ee dhinaca Internet-ka ee taageera Al-shabaab ayaa waxaa lagu sheegay in kooxdaasi ay qafaasheen islamarkaana ay dileen Xildhibaan Maxamed Maxamuud Siyaad oo ka tirsanaa mudanayaasha Baarlamanka Hirshabeelle.

7/5/2020 4:12 AM EST
Axad, July 5, 2020 (HOL) - Wararka ka imaanaya deegaanka Gololey ayaa sheegaya in dabley hubeysan oo loo maleynayo in ay ka tirsanyihiin Al-shabaab ay gaari nooca raaxada ah kala degeen xildhibaan ka tirsan Baarlamanka Dowlad Goboleedka Hirshabeelle.

7/5/2020 3:15 AM EST
Axad, July 5, 2020 (HOL) - Shirkii dowladda federalka iyo dowlad goboleedyada oo qorshuhu ahaa inuu maanta magaalada Muqdisho ka furmo ayaa baaqday. Dowladda federalka oo shirkaan marti galisay kama aysan hadlin sababta uu u baaqday.

7/5/2020 2:33 AM EST
Axad, July 5, 2020 (HOL) - Duulimaadyada maxalliga ah ee Soomaaliya ayaa maanta lagu wadaa inay dib u bilowdaan, kadib markii bishii march ee lasoo dhaafay ay dowladda Soomaaliya u joojisay sababo la xidhiidha xakamaynta faafitaanka cudurka Coronavirus.

7/5/2020 2:20 AM EST
Axad, July 5, 2020 (HOL) - Magaalada Muqdisho waxaa saaka laga dareemayaa xiisado kacsanaan ah, kadib markii ciidamada dowladda ay rasaas ku fureen dibadbaxayaal iskugusoo baxay fagaaraha daljirka Dahsoon iyagoo kasooo horjeeda dib u dhaca doorashada.