5/18/2021
Today from Hiiraan Online:  _
Wararka Maanta- Sabti, July 4 , 2020
Puntland: 16,500 arday oo maanta u fariistay imtixaanka shahaadiga iyo hal arday oo laga helay covid19




Sabti, July 4, 2020 (HOL) - 16,500 arday oo ka socda fasalada 4-aad ee dugsiyada sare iyo fasalada 8-aad ee dugsiyada dhexe ee Puntland ayaa saakay u fariistay imtixaanka shahaadiga ee sanad dugsiyeedka 2019/2020.

Wasaaradda waxbarashada Puntland ayaa dhammaan ardayda imtixaanka u fariisatay u xirtay qalabka afka iyo gacmaha lagu xirto si looga feejignaado faafitaanka cudurka Coronavirus, balse lama oga in qalabkaan ardaydu helidoonaan illaa imtixaanka ka dhammaanayo.

Mid kamid ah ardayda ayaa laga helay covid19, isagoo wasaaradda waxbarashada usoo gudbiyay muddo todobaad kahor, balse wasaaradda ayaa sheegtay in gurigiisa loogu gayndoono imtixaanka marka uu kasoo caafimaado cudurka.

Puntland ayaa weli imtixaankeedu yahay mid ka madax bannaan dowladda federalka Soomaaliya, taasoo sanadkii hore keentay in wasaaradda waxbarashada Soomaaliya ay diido in shahaado la siiyo ardayda Puntland, inkasoo markii dambe la xalliyay.

Dowladda federalka ayaa iyadu shaacisay in 11 bisha julay qaadidoonto imtixaanka shahaadiga.

Abdiweli M. Sheikh, Hiiraan Online
[email protected]











Click here
7/4/2020 10:56 AM EST
Sabti, July 4, 2020 (HOL) - Dowladda Maraykanka ayaa si kulul u cambaaraysay xadgudubyada ka dhanka ah suxufiyiinta iyo saxaafadda xorta ah ee Somaliland, kadib markii dhowaan Soamliland ay xirtay labo talefishin oo madax bannaan.

7/4/2020 9:52 AM EST
Sabti, July 4, 2020 (HOL) - Wasaaradda Kalluumeysiga iyo Kheyraadka Badda ee Soomaaliya ayaa Iiraan ka codsatay inay soo bandhigto macluumaad dheeri ah oo ku saabsan howlaha maraakiibteeda ay ka wadaan Badweynta Hindiya ka dib markii dhowr ka mid ah lagu arkay biyaha Soomaaliya iyo Yemen.

7/4/2020 4:06 AM EST
Sabti, July 4, 2020 (HOL) - Tafaasiisha uu bixiyay booliska Soomaaliya ayaa waxay muujineysaa in aysan jirin cid rayid ah oo wax ku noqtay qaraxii saakay lala eegtay xarunta laanta canshuuraha booliska ee magaalada Muqdisho oo ku taalla degmada Xamar jajab.

7/4/2020 3:54 AM EST
Sabti, July 4, 2020 (HOL) - Sida ay HOL u xaqiijiyeen ilo madax bannaan ku sugan duleedka magaalada Baydhabo inta la xaqiijiyay 4 ruux ayaa ku dhintay, tira kalana way ku dhaawacmeen qarax loo badinayo in uu yahay mid dhulka lagu aasay oo ka dhacay bar koontarool oo lagasoo galo magaalada.

7/4/2020 3:45 AM EST
Sabti, July 4, 2020 (HOL) - Xildhibaannada Baarlamanka Aqalka hoose ee Jamhuuriyadda Soomaaliya oo maanta kulan ku yeelanaya xarunta Villa Hargeysa ayaa waxay ka doodi doonaan arrinta la xiriirta dib ugu noqoshada miisaaniyadda sanadka 2020-ka oo ay horay usoo meelmariyeen Golaha wasiirrada ee dowladda.

7/4/2020 2:47 AM EST
Sabti, July 4, 2020 (HOL) - Wax-garadka iyo odoyaasha degmada Balanballe ee Gobolka Galgaduud ayaa waxay madaxweynaha Maamulka Galmudug, ku xigeenkiisa iyo wasiirka amniga ku wareejiyeen hub iyo sidoo maleeshiyaad qeyb ka noqon doono ciidamada maamulkaasi.

7/4/2020 2:18 AM EST
Sabti, July 4, 2020 (HOL) - Guddoomiyaha dallada ururada Soomaalida Netherland ay ku mideysan yihiin ee FSAN Ali Abdi Ware ayaa la gudoonsiiyey abaalmarinta boqortooyadda Netherlands.

7/4/2020 2:08 AM EST
Sabti, July 4, 2020 (HOL) - Gaari lagsoo buuxiyay wax-yaabaha qarxa ayaa saakay abbaare 8:45 am (Aroornimo) lagu qarxiyay waaxda ilaalada canshuuraha barriga ee magaalada Muqdisho oo ku taalla degmada Xamar jajab gaar ahaan meel ku dhow agagaarka dekadda weyn ee magaalada Muqdisho.