8/12/2020
Today from Hiiraan Online:  _
Wararka Maanta- Khamiis, July 30, 2020
Xasan Shiikh “Guddoomiyaha Baarlamanka farriin nooma sidin, innagana mid kale uma dhiibin”


 

Khamiis, Luulyo 30, 2020 (HOL) - Madaxweynahii hore ee Soomaaliya Xasan Shiikh Maxamuud ayaa waxa uu faah-faahin ka bixiyay kulan isaga iyo madaxweynihii ka horreeyay Shariif Shiikh Axmed ay la yeesheen Guddoonka Golaha Shacabka ee Baarlamanka Jamhuuriyadda Faderaalka ah ee Soomaaliya 28-ka, bishan July, kaas oo ka dhacay magaalada Muqdisho.

Xasan Shiikh Maxamuud ayaa waxa uu sheegay  in uusan jirin ajende gaar ah oo ay ka wada hadleen iyaga iyo Guddoomiyaha Baarlamanka Soomaaliya.

“Waxaan u sheegayaa dadka Soomaaliyeed iyo kuwa isoo wacayba in uusan jirin Ajande gooni ah oo aan ka wada hadalnay Guddoomiyaha Baarlamanka, ma jirin farriin uu innoo siday , innagana uma dhiibin farriin kale” ayuu Xasan Shiikh Maxamuud ku yiri hadalkiisa .

Dhinaca kale, waxa uu soo hadal qaaday in Guddoomiyaha Baarlamanka uu kamid yahay madaxda qaranka ee Soomaaliya, horayna ay dhowr jeer u kulmeen.

Mar uu ka hadlayay arrimaha doorashada ayaa waxa uu sheegay in uusan jirin wax iska bedalay mowqifkoodii ahaa in dalka laga qabto doorasho waqtigeeda dhacda oo ku timaada is-ogol siyaasadeed.

“Ma jiraan wax iska bedalay mowqifkeennii doorashada, waxaana aaminsanahay haddii talooyinkeenna la qaato in la qaban karo doorasho wanaagsan” ayuu mar kale yiri Xasan Shiikh Maxamuud.

Ugu dembeyn wuxuu bogaadayay shirkii ka dhacay dhuusamareeb, isagoo soo dhoweeyay g’aannadii la isla qaatay.

Abdiaziz Ahmed Barrow, Hiiraan Online
[email protected]









Click here
7/30/2020 5:25 PM EST
Khamiis, Luulyo 30, 2020 (HOL) - Wasaaradda gaadiidka iyo duulista hawada Soomaaliya ayaa ku dhawaaqday in 3-da, bisha August la furayo dhammaan duullimaadyadii caalamiga ahaa ee Soomaaliya , oo horay loo xayiray 19-kii, Maarso, ee sanadkan 2020-ka.

7/30/2020 11:54 AM EST
Khamiis, Luulyo 30, 2020 (HOL) - Golaha wasiirrada ee dowladda Soomaaliya ayaa maanta Maareeyaha hay'adda batroolka ee dalka u magacaabay Ibraahim Cali Xuseen.

7/30/2020 11:08 AM EST
Khamiis, Luulyo 30, 2020 (HOL) - Guddiga gurmadka Fatahaadaha Baledweyne ayaa bilaabay wajiga koowaad ee dadaalada looga hortagayo fatahaad ku dhufata xaafadaha Magaalada Baledweyne ee xarunta gobolka Hiiraan.

7/30/2020 8:56 AM EST
Khamiis, Luulyo 30, 2020 (HOL) - Madaxweynaha Soomaaliya Maxamed Cabdullaahi Farmaajo ayaa waxa la taliyahiisa dhinaca doorashooyinka u magacaabay Cabdi Cali Raage oo ah milkiilaha Idaacadda Sooyaal oo ku taalla magaalada Kismaayo, sidoo kalena ah siyaasi saameyn togan ku dhex lahaa maamulka Jubbaland , horayna mar usoo noqday mid kamid ah la taliyayaasha madaxweyne Axmed Maxamed Islaam.

7/30/2020 8:42 AM EST
Khamiis, Luulyo 30, 2020 (HOL) - Taliyaha Booliska qeybta bari ee Gobolka Banaadir G/le dhexe Khaliif Cabdulle Maalin ayaa waxa uu sheegay in xaalad amni xumo ay kusoo korortay degmada Kaaraan , taas oo iminka dhibaato xooggan ku haaysa shacabka deegaanka .

7/30/2020 8:27 AM EST
Khamiis, Luulyo 30, 2020 (HOL) - Madaxweynaha Jamhuuriyadda Soomaaliya Maxamed Cabdullaahi Farmaajo ayaa waxa uu maanta kulan la qaatay xubno kamid ah xildhibaannada Baarlamanka dalka iyo sidoo kale Guddoomiyaha Golaha wakiillada Hirshabeelle Cismaan Barre Maxamed .

7/30/2020 4:24 AM EST
Khamiis, Luulyo 30, 2020 (HOL) - Taliska Mareykanka ee Mareykanka ayaa fuliyey duqeyn cirka ah oo lagu bartilmaameedsanayay kooxda al-Shabaab agagaarka degmada Jilib, Jubbada dhexe.

7/30/2020 2:09 AM EST
Khamiis, Luulyo 30, 2020 (HOL) - Repeni Poll International, oo ah shirkad caan ku ah qiimaynta dadka sumcadda waanagsan ku leh adduunka, ayaa waxay sii deysay liiska boqolka qof ee qaaradda Afrika ugu caansan uguna sumcadda wanaagsan sanadkan 2020.