8/6/2020
Today from Hiiraan Online:  _
Wararka Maanta- Axad, July 26, 2020
Midowga Yurub oo sharci-darro weyn ku tilmaamay nidaamkii loo maray kalsooni kala-noqoshadii Ra'iisul wasaare Khayre


Axad, Luulyo 26, 2020 (HOL) - Midowga Yurub ayaa sharci-darro ku tilmaamay nidaamkii loo maray kalsooni kala-noqoshadii xukuumadddi Ra'iisul wasaare Xassan Cali Khayre, sidoo kale waxa ay sheegeen in xilliga lagu soo beegay ay dabar-jab weyn ku tahay wada-hadalladii Dawladda Federaalka iyo Maamul-goboleedyada ee wajigoodii 3-aad e loo ballansanaa 15-ka August 2020.

Bayaan kasoo baxay midowga Yurub ayaa lagu yidhi,” Nasiib darro, go’aankii kasoo baxay Golaha Shacabka Sabtidii waxay muujinayaan dib u dhaca Soomaaliya iyo kalsoonida Midowga Yurub ee horumarka Soomaaliya. Qawaaniinta loogu gudbiyey mooshinka kalsooni kala-noqoshada ah ee golaha wasiirrada ma buuxin shuruudaha dastuurka.

Midowga Yurub wuxuu si taxaddar leh u eegi doonaa sida ay dhacdooyinkan u soo gudbeen, cidda mas'uuliyadda qaadaysa iyo dib u dhaca uu ugeysanayso  Soomaaliya horumarkeeda iyo dadaalka saaxiibbadeeda caalamiga ah.

Abdiweli M. Sheikh, Hiiraan Online
[email protected]










Click here
7/26/2020 8:01 PM EST
Qadka internet-ka ee inta badan koonfurta Soomaaliya ayaa jarnaa Axaddii, sida ay sheegeen dad nala soo xiriiray oo ku nool gudaha Soomaaliya iyo kooxo madax-bannaan oo isku howla arrimaha Xuquuqda Dijitaalka, amniga iyo maamulka internetka.

7/26/2020 12:44 PM EST
Axad, Luulyo 26, 2020 (HOL) - Baarlamaanka Puntland ayaa maanta laalay sharciyadda ay ku xiran yihiin maxaabiis burcadbadeednimo loo haysto oo tan iyo 2013 ku xiran xabsiga dhexe ee magaalada Garowe ee caasimadda maamul goboleedka Puntland.

7/26/2020 11:51 AM EST
Axad, Luulyo 26, 2020 (HOL) - Xildhibaan Fowsiyo Yuusuf Aadan oo ah guddoomiyaha madasha xisbiyada midoobay ee Hiigsi ayaa soo dhoweysay xil ka qaadistii raysal Wasaare Xasan Cali Kheyre iyo xukuumadiisa oo uu shalay barlamaanka riday.

7/26/2020 3:17 AM EST
Axad, Luulyo 26, 2020 (HOL) - Safaaradda Mareykanka ayaa walaac xoogan ka muujisay ficilladii Aqalka Hoose ee baarlamaanka ay meesha uga saareen kalsoonidii ay ku qabeen Ra'iisul Wasaare Cali Xasan Khayre iyo dowladdiisa, taasoo sii kordhisay xiisada siyaasadeed isla markaana wiiqeysa hanaankii wadahadalka ee u dhexeeyay Dowladda Federaalka Soomaaliya, Dowladaha xubinta ka ah Federaalka iyo daneeyayaasha kale ee muhiimka ah.