3/28/2024
Today from Hiiraan Online:  _
Wararka Maanta- Khamiis, Jan 16, 2020
Axmed Madoobe iyo Siciid Deni oo beesha caalamka kula shiraya Bosaso
 

Khamiis, Janaayo, 16. 2020 (HOL)- Madaxweynaha dowlad goboleedka Jubbaland Axmed Madoobe ayaa maanta gaaray magaalada Bosaso, xilli uu halkaasi ku sugan yahay madaxweynaha Puntland, Siciid Deni.

Madaxweyne Axmed Madoobe oo safarkaan si kedis ah oo aysan warbaahintu xog badan ka haynin ku gaaray Bosaso, ayaa kulamo gaar ah la qaadanaya beesha caalamka iyo madaxda Puntland.

Qoraal lagu daabacay warbaahinta ku hadasha afka Jubbaland ayaa lagu sheegay in Axmed Madoobe uu Bosaso kulamo xasaasi ah kula yeelandoono beesha caalamka, iyagoo ka wada hadlidoona doorashooyinka la filayo in ay dalka ka qabsoomaan gabagabada sanadkan ilaa bilawga sanadka 2021.

Waxaa kale oo ay sheegeen in uu madaxweynaha Puntland la qaadandoono kulan looga hadlayo khilaafka ka dhex taagan xukuumadda federaalka iyo maamuul goboleedyada iyo xal u raadinta khilaafkan.

Safarka Axmed Madoobe waxaa uu kusoo beegmay maalin kadib markii magaalada Baydhabo ay ku shireen madaxweynayaasha Hirshabelle iyo koonfur galbeed iyo sidoo kale kale beesha caalamka

Wixii fahafaahin oo kusoo kordha kala socda Hiiraan Online

Abdiweli M. Sheikh, Hiiraan Online
[email protected]












Click here
1/16/2020 10:34 AM EST
Khamiis, Janaayo, 16. 2020 (HOL)- Madaxweynaha Puntland Siciid Cabdullaahi Deni ayaa cafis ufidiyey 5 xubnood oo dhowaan Xukun Maxkamadeed uu ku dhacay.

1/16/2020 9:32 AM EST
Khamiis, Janaayo, 16. 2020 (HOL)- Madaxweynaha dowlad goboleedka Jubbaland ayaa ka hadlay socdaal uu maanta ku tagay magaalada Bosaso ee xarunta gobolka Bari, halkaas oo uu ku qaabilay madaxweynaaha Puntland Siciid Deni.

1/16/2020 6:49 AM EST
Khamiis, Janaayo, 16, 2020 (HOL)-Saraakiisha ciidamada dowladda Soomaaliya ayaa sheegay in howlgal xalay saqdii dhexe ay ka sameeyeen degmada Wanlaweyn ee gobolka Shabeellaha hoose ku dileen madaxii Qaraxyada u qaabilsanaa Ururka Al-shabaab

1/16/2020 6:35 AM EST
Khamiis, Janaayo, 16, 2020 (HOL)-Kulanka Baarlamaanka Waddamada ku bahoobay Jaamacadda Carabta oo Shalayto lagu soo gaba-gabeeyay Magaalada Qaahira ee xarunta Dalka Masar ayaa laga soo saaray bayaan lagu taageerayo Dowladaha Soomaaliya iyo Suuriya.

1/16/2020 1:15 AM EST
Khamiis, Janaayo, 16, 2020 (HOL)- Xildhibaan Faarax Maxamed Dalmar oo katirsan barlamaanka Puntland, ayaa sheegay inuu ka badbaaday isku day lagu qaarajin lahaa.

1/16/2020 1:12 AM EST
Khamiis, Janaayo, 16. 2020 (HOL)-Xildhibaannada Baarlamaanka 2aad ee dowlad gobolleedka Galmudug ayaa maanta lagu waddaa in ay dhageystaan khudbadaha musharixiinta u taagan xilka Guddoonka.