1/25/2020
Today from Hiiraan Online:  _
Wararka Maanta- Talaado, Jan 14, 2020
Aqalka sare oo meel mariyay sharciga wax ka bedelka xeerka warbaahinta Soomaaliya


 

Talaado, Janaayo, 14, 2020 (HOL)- Golaha Aqalka Sare ee BFS ayaa maanta ansixiyay Hindise-sharciyeedka Wax-ka beddelka Xeerka  Warbaahinta.

wax ka bedelka Xeerka saxaafada Soomaaliya ayaa soo maray marxalado kala duwan, iyadoo lagu guulaystay in laga saaro qodobo loo arkayay inay halis ku yihiin jiritaanka saxaafad madax bannaan oo dhex dhexaad ah.

Bishii Julay, ee sannadkii hore ayaa golaha shacabku meel mariyay xeerkaan oo hadda dhaqan galkiisu ka harsan tahay marka uu madaxweynuhu saxiixo.

Guddomiyaha Guddiga Horumarinta, Adeega Bulshada, Arrimaha Aadanimada, Warfaafinta iyo Dhaqanka ee Golaha Aqalka Sare Senatar Axmad Macalin Cumar ayaa ka hor akhriyay Golaha Aqalka Sare warbixinya Hindise-sharciyeedkaan.

Wasiirka Wasaaradda Warfaafinta XFS Mudane Maxamed Cabdi Xayir Maareey oo ay wehliyaan howl-wadeeno ayaa hor yimid Golaha Aqalka Sare.

Guddiga Horumarinta, Adeega Bulshada, Arimaha Aadanimada, Warfaafinta iyo Dhaqanka ee Golaha Aqalka Sare ayaa mariyay Akhrinta 3aad ee Hindise-Sharciyeedka Wax-ka beddelka Xeerka Warbaahinta.

Golaha Aqalka sare aya ansixiyey Hindise-sharciyeedkani. Waxaa Ogaaladay 23 Senatar,Waxaa diiday 3 Senatar, Waxaa ka aamusay 1 Senatar.

Abdiweli M. Sheikh, Hiiraan Online
[email protected]









Click here
1/14/2020 11:13 AM EST
Talaado, Janaayo, 14, 2020 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka soo laabtay dalka Cumaan oo uu kaga qeyb galay tacsida Suldaan Qaabuus Binu Siciid.

1/14/2020 10:24 AM EST
Talaado, Janaayo, 14, 2020 (HOL)-Duleedka magaalada Laascaanood ayaa laga dhagax dhigay Deked-qalalan

1/14/2020 10:19 AM EST
Talaado, Janaayo, 14, 2020 (HOL)- Imaam u dhashay waddanka Uganda, oo ka mid ah wadaaddada ugu caansan dalkaas ayaa xiriirka loo jaray ka dib markii "uu guursaday nin uu u maleynayay inuu yahay haweeney", sida uu qoray wargeyska Daily Monitor.

1/14/2020 8:48 AM EST
Talaado, Janaayo, 14, 2020 (HOL)- Ugu yaraan 3 askari oo ka tirsan ciidamada dowladda ayaa la sheegay in ay ku dhinteen dhowr kalena ay ku dhaawacmeen qarax miino oo lala beegsaday kolonyo ay la socdeen injineerro Turkish ah.

1/14/2020 7:06 AM EST
Talaado, Janaayo, 14. 2020 (HOL)–Madaxweyne ku-xigeenka Somaliland, Cabdiraxmaan Cabdilaahi Ismaaciil (Saylici) ayaa si rasmi ah u daah-furay adeega E-shilling, kaasoo sahlaya in shaqaalaha dawladdu mushaharooyinkooda ku qaataan qaab Electronic ah ama Online ah.

1/14/2020 3:29 AM EST
Talaado, Janaayo, 14, 2020 (HOL)- Hay'adaha ammaanka Soomaaliya ayaa sheegay in ay abaal marin Lacageed ku bixinayaan cidii soo sheegta macluumaadka shaqsiyaad katirsan kooxda Alshabaab oo ay maxkamadda ciidamada qalabka sida ku riday xukunno dil ah.

1/14/2020 3:07 AM EST
Talaado, Janaayo, 14, 2020 (HOL)- Shirkadda DP World ayaa ku guuleysatay wareeg kale oo sharci ah oo ka dhan ah dowladda Jabuuti oo ku aadan dekeda Doraleh.

1/14/2020 1:46 AM EST
Talaado, Janaayo, 14, 2020 (HOL)-Maanta oo Talaado ah ayaa lagu wadaa in magaalada Baydhabo ee xarunta gobolka Baay uu shir uga furmo madaxweynayaasha dowlad gobolleedyada Koonfur Galbeed iyo Hirshabeelle

1/14/2020 1:29 AM EST
Talaado, Janaayo, 14, 2020 (HOL)- Dowladda Soomaaliya ayaa faah faahin dheeraad ah ka bixisay howlgal maalintii shalay ciidamada xoogga dalka Soomaaliyeed ka sameeyeen deegaanka Tooratooroow oo ka tirsan gobolka Shabeellaha Hoose.