2/25/2020
Today from Hiiraan Online:  _
Wararka Maanta- Talaado, Jan 14, 2020
Xukuumada Somaliland oo hirgalisay adeegga E-shiling oo mushaharka shaqaalaha lagu bixin doonno



Talaado, Janaayo, 14. 2020 (HOL)–Madaxweyne ku-xigeenka Somaliland, Cabdiraxmaan Cabdilaahi Ismaaciil (Saylici) ayaa si rasmi ah u daah-furay adeega E-shilling, kaasoo sahlaya in shaqaalaha dawladdu mushaharooyinkooda ku qaataan qaab Electronic ah ama Online ah.

Bangiga dhexe ee Somaliland oo isagu hindisay mashruucan ayaa sheegay in barnaamijkani wax badan ka qaban karro adeega islaxisaabtanka iyo hufnaanta, islamrkaana ay fursad u tahay shaqaalaha dawladda ee jooga goboladda dalka oo hal mar ay wada gaadhi doonto mushaharkoodu.

Gudoomiyaha hay’adda shaqaalaha Somaliland Farxaan Haybe ayaa sheegay in adeegani meesha ka saarayo shaqaalihii caaglaha ah, iyo lacagtii shaqaalaha looga jari jirey soo qaaditaanka,waxaanu yidhi “Waxa barnaamijkani lagu bixinayaa mushaharka Shaqaalaha dawlada iyadoo toos qof kastaa ugu helayo mobilekiisa mushaharka bil kasta oo aan meel kale loo soo marin. E-Shilling wuxuu xoojinayaa habka maamul wanaaga iyo isla xisaabtanka, waxuu meesha ka saarayaa Shaqaalaha caaglaha ( ghost workers), waxuu yaraynayaa lumistii mushaharka Shaqaalaha ee la gacan bidixaynayay, waxuu siinayaa Shaqaalaha dawladu inay toos baananka dalka ( Banka SL, Premier Bank,Salaama Bank iyo Dahabshiil Bank) midka ay doonaan lacag ka amaahan karaan oo loo maalgeliyo hadba wax u dhigma mushaharka ay qaataan oo hafto looga jari karo bil kasta.”

“Barnaamijkan waxa iska kaashaday Baanka dhexe, shirkadaha isgaadhsiinta ee TELESOM iyo Dahabshiil, waana garbaha uu ku duulayo barnaamijkani, dhamaaan shaqaalaha oo dhan waxa xisaabaad looga furayaa Baanka dhexe, lacagta E-shilingka marka shaqaalaha mushaharkooda loogu soo shubo waxa uu suuqa kaga iibsanaya Zaad iyo Edahab oo uu lacagtiisa ku bedelanayaa, waxaanu mushaharka qofku ku helaya goobtii uu joogay ayaa loogu soo dirayaa, waxaana meesha ka baxayaa dad faro badan oo loo yaqaanay Caagle,”ayuu yidhi gudoomiyaha Baanka dhexe Ibraahim Baqdaadi.

Sidoo kale, waxa goobta ka hadlay wasiirka Maaliyadda, gudoomiyaha rugta ganacsiga, shirkadaha Dahabshiil iyo Telesom oo bogaadiyey adeegan cusub ee loo soo kordhiyey shaqaalaha dawladda.

Madaxweyne ku xigeenka Somaliland C/raxmaan Saylici oo isna halkaasi ka hadlay ayaa bogaadiyey dadkii ka qaybgallay fulinta barnaamijkan.

“in nidaamkii online ee loo guurey inay xukuumaduna u guurto waa talaabo wanaagsan, waaana hambalyeynaya masuuliyiinta Baanka dhexe, wasaarada Maaliyada iyo hay’adda shaqaalaha”ayuu yidhi Saylici.

Nidaamkan ayaa meesha ka saaraya musuqmaasuq ka jiray mushaharka shaqaalaha iyo shaqaale aan jirin oo lacag lagu qaadan jiray.

Barkhad-ladiif M. Cumar, Hiiraan Online

[email protected]

Hargeysa, Somaliland

 

 

 










Click here
1/14/2020 11:13 AM EST
Talaado, Janaayo, 14, 2020 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka soo laabtay dalka Cumaan oo uu kaga qeyb galay tacsida Suldaan Qaabuus Binu Siciid.

1/14/2020 10:24 AM EST
Talaado, Janaayo, 14, 2020 (HOL)-Duleedka magaalada Laascaanood ayaa laga dhagax dhigay Deked-qalalan

1/14/2020 10:19 AM EST
Talaado, Janaayo, 14, 2020 (HOL)- Imaam u dhashay waddanka Uganda, oo ka mid ah wadaaddada ugu caansan dalkaas ayaa xiriirka loo jaray ka dib markii "uu guursaday nin uu u maleynayay inuu yahay haweeney", sida uu qoray wargeyska Daily Monitor.

1/14/2020 8:48 AM EST
Talaado, Janaayo, 14, 2020 (HOL)- Ugu yaraan 3 askari oo ka tirsan ciidamada dowladda ayaa la sheegay in ay ku dhinteen dhowr kalena ay ku dhaawacmeen qarax miino oo lala beegsaday kolonyo ay la socdeen injineerro Turkish ah.

1/14/2020 8:14 AM EST
Talaado, Janaayo, 14, 2020 (HOL)- Golaha Aqalka Sare ee BFS ayaa maanta ansixiyay Hindise-sharciyeedka Wax-ka beddelka Xeerka Warbaahinta.

1/14/2020 3:29 AM EST
Talaado, Janaayo, 14, 2020 (HOL)- Hay'adaha ammaanka Soomaaliya ayaa sheegay in ay abaal marin Lacageed ku bixinayaan cidii soo sheegta macluumaadka shaqsiyaad katirsan kooxda Alshabaab oo ay maxkamadda ciidamada qalabka sida ku riday xukunno dil ah.

1/14/2020 3:07 AM EST
Talaado, Janaayo, 14, 2020 (HOL)- Shirkadda DP World ayaa ku guuleysatay wareeg kale oo sharci ah oo ka dhan ah dowladda Jabuuti oo ku aadan dekeda Doraleh.

1/14/2020 1:46 AM EST
Talaado, Janaayo, 14, 2020 (HOL)-Maanta oo Talaado ah ayaa lagu wadaa in magaalada Baydhabo ee xarunta gobolka Baay uu shir uga furmo madaxweynayaasha dowlad gobolleedyada Koonfur Galbeed iyo Hirshabeelle

1/14/2020 1:29 AM EST
Talaado, Janaayo, 14, 2020 (HOL)- Dowladda Soomaaliya ayaa faah faahin dheeraad ah ka bixisay howlgal maalintii shalay ciidamada xoogga dalka Soomaaliyeed ka sameeyeen deegaanka Tooratooroow oo ka tirsan gobolka Shabeellaha Hoose.