1/25/2020
Today from Hiiraan Online:  _
Wararka Maanta- Talaado, Jan 14, 2020
Madaxda maamul gobolleedyada Hirshabeelle iyo Koonfur Galbeed oo shir uga furmayo Baydhabo


 

Talaado, Janaayo, 14, 2020 (HOL)-Maanta oo Talaado ah ayaa lagu wadaa in magaalada Baydhabo ee xarunta gobolka Baay uu shir uga furmo madaxweynayaasha dowlad gobolleedyada Koonfur Galbeed iyo Hirshabeelle

Shirkan oo looga hadlayo hormarinta mashaariicaha kala duwan ayaa waxaa wadajir u soo qabanqaabiyay Wasaarradda Qorsheynta Dowlad gobolleedka Koonfur Galbeed iyo Midowga Yurub.

Axmed Madoobe Nuunoow oo ah Wasiirka Wasaarradda Qorsheynta maamulka Koonfur Galbeed ayaa warbaahinta u sheegay in sidoo kale shirkan si gaar ah diirrada loogu saari doono hormarinta mashaariica kala duwan ee Labada maamul Hirshabeelle iyo Koonfur Galbeed, waxaana shirkan ka qeybgali doona safiirro ka socda midowga Yurub.

Waxaa uu sheegay in sidoo kale inay shirka looga hadli doono sidii  labada maamul ay isaga kaashan lahaayeen mashruuc uu bixinayo Midowga  Yurub, kaasoo oo ku saabsan kobcinta ,dhaqaalaha iyo horumarinta Labada  Dowlad Goboleed

Shirkan sidoo kale waxaa ka marneyn oo mudada uu socdo leyskula eegi doonaa sidii wax looga qaban lahaa Fatahaaddaha ku soo noqnoqday marar badan deegaanno ka tirsan labada maamul gaar ahaan gobolka Hiiraan.

C/raxmaan Diini, Hiiraan Online
[email protected]
 

 











Click here
1/14/2020 11:13 AM EST
Talaado, Janaayo, 14, 2020 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka soo laabtay dalka Cumaan oo uu kaga qeyb galay tacsida Suldaan Qaabuus Binu Siciid.

1/14/2020 10:24 AM EST
Talaado, Janaayo, 14, 2020 (HOL)-Duleedka magaalada Laascaanood ayaa laga dhagax dhigay Deked-qalalan

1/14/2020 10:19 AM EST
Talaado, Janaayo, 14, 2020 (HOL)- Imaam u dhashay waddanka Uganda, oo ka mid ah wadaaddada ugu caansan dalkaas ayaa xiriirka loo jaray ka dib markii "uu guursaday nin uu u maleynayay inuu yahay haweeney", sida uu qoray wargeyska Daily Monitor.

1/14/2020 8:48 AM EST
Talaado, Janaayo, 14, 2020 (HOL)- Ugu yaraan 3 askari oo ka tirsan ciidamada dowladda ayaa la sheegay in ay ku dhinteen dhowr kalena ay ku dhaawacmeen qarax miino oo lala beegsaday kolonyo ay la socdeen injineerro Turkish ah.

1/14/2020 8:14 AM EST
Talaado, Janaayo, 14, 2020 (HOL)- Golaha Aqalka Sare ee BFS ayaa maanta ansixiyay Hindise-sharciyeedka Wax-ka beddelka Xeerka Warbaahinta.

1/14/2020 7:06 AM EST
Talaado, Janaayo, 14. 2020 (HOL)–Madaxweyne ku-xigeenka Somaliland, Cabdiraxmaan Cabdilaahi Ismaaciil (Saylici) ayaa si rasmi ah u daah-furay adeega E-shilling, kaasoo sahlaya in shaqaalaha dawladdu mushaharooyinkooda ku qaataan qaab Electronic ah ama Online ah.

1/14/2020 3:29 AM EST
Talaado, Janaayo, 14, 2020 (HOL)- Hay'adaha ammaanka Soomaaliya ayaa sheegay in ay abaal marin Lacageed ku bixinayaan cidii soo sheegta macluumaadka shaqsiyaad katirsan kooxda Alshabaab oo ay maxkamadda ciidamada qalabka sida ku riday xukunno dil ah.

1/14/2020 3:07 AM EST
Talaado, Janaayo, 14, 2020 (HOL)- Shirkadda DP World ayaa ku guuleysatay wareeg kale oo sharci ah oo ka dhan ah dowladda Jabuuti oo ku aadan dekeda Doraleh.

1/14/2020 1:29 AM EST
Talaado, Janaayo, 14, 2020 (HOL)- Dowladda Soomaaliya ayaa faah faahin dheeraad ah ka bixisay howlgal maalintii shalay ciidamada xoogga dalka Soomaaliyeed ka sameeyeen deegaanka Tooratooroow oo ka tirsan gobolka Shabeellaha Hoose.