1/25/2020
Today from Hiiraan Online:  _
Wararka Maanta- Isniin, Jan 13, 2020
Xisbiyada mucaarad ee Somaliland oo sheegay in madaxweynuhu diiday in uu kala diro guddida cusub ee Doorashooyinka


 

Isniin, Janaayo, 13, 2020 (HOL)-Xisbiyada mucaaradka Somaliland ayaa sheegay in madxweyne Biixi diiday in uu kala diro guddida cusub ee doorashooyinka oo lagu balansanaa in la kala diro oo dib loo soo celiyo gudidii hore ee xilku ka dhamaaday.

Labada xisbi mucaaradka oo markii kulankii madaxweynaha la lahaayeen isku fahmi waayey arrimihii ay ka wada hadlayeen shirjaraa’id ku qabtay xafiiskooda, ayaa waxa u hadlay gudoomiyaha xisbiga mucaaradka ah ee WADDANI C/raxmaan Maxamed C/laahi Cirro.

“madaxweynaha waxaanku ku balansanayn in aanu fulino saddexdii qoddob ee guddida dhexdhexaadka khilaafka doorashooyinka ee ahaa in komishankan cusub la kala diro, in komishankii hore dib loo soo celiyo iyo in la isku afgarto wakhtiga ugu dhow ee doorasho la qaban karo, waxaana loo raacayey sidii loo raacay guddidii doorashooyinka ee 2009-kii lagu kala diray guddidii joogtay, taas oo ah in laga dalbo inay is casilaan,”ayuu yidhi gudoomiye Cirro.

Mar uu ka hadlayey diidmada madaxweynaha ee ah inuu kala diro guddida cusub ee komishanka waxa uu yidhi “Maanta waxaanu iskugu nimid kulankii sadexaad waxaana ka sugaynay wixii u qabsoomay qodobadii lagu heshiiyey, balse gunaanadkiii waxa uu noo sheegay in aanu fulin Karin kala diristii guddida cusub ee doorashooyinka, taas macnaheedu waa in ayna fulinayn go’aamadii guddida dhexdhexaadinta soo jeedisay ”.

Sidoo kale, waxay labadda xisbi soo jeediyeen in guddidii dhexdhexaadinta, beesha caalamka iyo shacabku doorkoodda ka qaataan sidii madaxweynuhu u fulin lahaa wixii lagu heshiiyey.

“Labada xisbi waxaa ay ugu baaqayaan komishanka hadda jooga in ay is casilaan si dalka ugu qabsoonto doorashooyin iyagoo u tudhaya dadkooda”ayuu ku soo xidhay hadalkiisa.

Barkhad-ladiif M. Cumar, Hiiraan Online

[email protected]

Hargeysa, Somaliland.

 










Click here
1/13/2020 12:09 PM EST
Isniin, Janaayo, 13, 2020 (HOL)-Dowladda Kenya ayaa sheegtay in xoogag lagu tuhusan yahay in ay ka tirsan yihiin Ururka Al-shabaab toogasho ku dileen saddex Macalin degmada Gaarisa ee gobolka Waqooyi Bari Kenya

1/13/2020 7:29 AM EST
Isniin, Janaayo, 13, 2020 (HOL)-Ciidamada Dowladda Soomaaliya ayaa la wareegay gacan ku heynta deegaanka Tooratooroow oo ah saldhiggii ugu weynaa Ururka Al-shabaab

1/13/2020 5:49 AM EST
Isniin, Janaayo, 13, 2020 (HOL)- Al-shabaab ayaa dilay 3 macallimiin dugsi hoose ah iyo dhaawaca hal arday, kadib markii ay weerar ku qaadeen tuulada Kamuthe, oo ka tirsan gobolka Gaarisa abbaara labadii habeenimo ee xalay.

1/13/2020 5:07 AM EST
Isniin, Janaayo, 13, 2020 (HOL)- Xukuumadda Federaalka ah ee Soomaaliya iyo Midowga Yurub ayaa ku kala saxiixday magaalada Muqdisho heshiis ku saabsan heerka howlgalka Midawga Yurub ee Awoodda Dhismaha Soomaaliya (EUCAP Somalia).

1/13/2020 3:27 AM EST
Isniin, Janaayo, 13, 2020 (HOL)-Madaxweynaha dowladda Soomaaliya ayaa saakay u anbabaxay dalka Cumaan isaga oo halkaa lagu waddo in uu uga qeybgalo Tacsida Qaran ee Saldanada Cummaan

1/13/2020 1:20 AM EST
Isniin, Janaayo, 13, 2020 (HOL)- Ururka Al-shabaab ayaa goob fagaaro ah deegaanka Sablaale ee gobolka Shabeellaha Hoose waxaa ay ku toogeen Afarx ruux oo ay ku eedeeyeen in ay la shaqeynayeen dowladda Soomaaliya.

1/13/2020 12:13 AM EST
Isniin, Janaayo, 13, 2020 (HOL)- Donald Trump ayaa dib u soo cusbooneysiiyay hanjabaadiisa ku aadan in uu si qasab ah shidaalka uga xadayo Syria, waana tilaabo ay khubaradu sheegeen in ay noqon karto dambi dagaal.