1/25/2020
Today from Hiiraan Online:  _
Wararka Maanta- Axad, Jan 12, 2020
Puntland oo ka digtay roobab duufaano wata oo kusoo fool leh degaanadeeda


 

Axad, Janaayo, 12, 2020 (HOL)- Maamulka Puntland ayaa digniin ka bixiyay Roobab dufaano Wata oo kusoo foodleh xeebaaha Badwaynta Hindiya iyo Badacas ee Puntland.

Qoraal kasoo baxay wasaaradda arrimaha gudaha Puntland ayaa lagu sheegay in Dabaylaha oo ku socda xawaare sare oo ah 36KM/H illaa 40KM/H, ay kasoo kaceen dhinaca waqooyi galbeed iyagoo usii jeeda dhinaca bariga.

 Culimada saadaasha hawada waxay sheegeen in muddo sadex cisho ah  oo bilaabanaysay maantay illaa 14 Jan-2020 ay kusoo fool leeyihiin Xeebaha Puntland.

Wasaaraddu waxay u digtay  dhamaan kalluumeysatada iyo dadka ka ag dhow badda in aanay gelin badda sadexdaas cisho ee ay baddu aadka u kacsan tahay.

Qaar kamid ah magaalooyinka Puntland ayaa haatan laga dareemayaa jawi ka badelan sidii hore, waxaana bilowday jawi roobaad iyo neecow qabow.

Waa markii labaad oo ay muddo kooban gudaheed Puntland ku dhufanayso dabeyl roobab wadata, iyadoo la xasuusto in bishii December ee sanadkii hore ay Puntland ku dhufatay duufaan xoogan oo geysatay khasaare dhimasho iyo burburba leh.

Abdiweli M. Sheikh, Hiiraan Online
[email protected]









Click here
1/12/2020 11:18 AM EST
Axad, Janaayo, 12, 2020 (HOL)- Madaxweynaha Puntland Siciid Cabdullaahi Deni ayaa guddoomiye ku meel gaar ah u magacaabay Maxkamadda Sare ee Ciidamada qalabka sida iyo Danbiyada culus ee Puntland.

1/12/2020 10:33 AM EST
Axad, Janaayo 12, 2020 (HOL)-Mashruuca horumarinta degmooyinka ee loogu yeedho JPLG 'Joint Programme on Local Governance' ayaa munaasibad lagu durayo lagu qabtay hotel Casuura ee magaalada Laascaanood ee xarunta gobolka Sool.

1/12/2020 8:07 AM EST
Axad, Janaayo, 12, 2020 (HOL)- Shirkadda DP World ayaa shaqaaleysiisay Ben-Menashe oo ah sarkaal horey uga tirsanaan jiray sirdoonka Israa’iil, si ay ugu ololeeyaan maamulka madaxweyne Trump oo ka taageeraya dalabkooda ah in ay maamusho dekada ugu weyn ee Suudaan.

1/12/2020 5:42 AM EST
Axad, Janaayo, 12, 2020 (HOL)- Kooxda Al-Shabaab ayaa ku hanjabay inay weerari doonaan bartilmaameedyada Mareykanka ee adduunka oo dhan maalmo kadib markii ay qaadeen weerar aan horay loo arag oo lagu qaaday ciidamada Mareykanka ee ku sugan Kenya.

1/12/2020 5:09 AM EST
Axad, Janaayo, 12, 2020 (HOL)- Xeer-ilaaliyaha guud ee Puntland Maxamuud Xassan Aw-Cismaan ayaa shaaciyay waqtiga la fulin doono xukunka dilka ah ee maxkamaddaha Puntland ku xukumeen saddexdii nin ee kufsaday islamarkaana dilay Caasho Ilyaas Aadan.

1/12/2020 1:48 AM EST
Axad, Janaayo, 12, 2020 (HOL)-Ra'iisal Wasaaraha Xukuumadda Soomaaliya Xassan Cali Kheyre iyo Wakiilka Qarramada Midoobey ee Soomaaliya James Swan ayaa kulan gaar ah oo ay yeesheen waxaa ay uga wada hadleen arrimaha Doorashooyinka ku soo foolka leh dalka

1/12/2020 1:27 AM EST
Axad, Janaayo, 12, 2020 (HOL)-Degmada Dhuusa-Mareeb ee xarunta u ah dowlad gobolleedka Galmudug ayaa lagu wadaa in maanta fadhiggii ugu horreeyay ee ay ku yeeshaan xildhibaannada Baarlamaanka 2aad ee dowlad gobolleedka Galmudug