1/25/2020
Today from Hiiraan Online:  _
Wararka Maanta- Axad, Jan 12, 2020
DP world oo shaqaleysiisay sarkaal ka tirsanaa sirdoonka Israa’iil, si ula wareegto dekeda Sudan


 

Axad, Janaayo, 12, 2020 (HOL)- Shirkadda DP World ayaa shaqaaleysiisay Ben-Menashe  oo ah sarkaal horey uga tirsanaan jiray sirdoonka Israa’iil, si ay ugu ololeeyaan maamulka madaxweyne Trump oo ka taageeraya dalabkooda ah in ay maamusho dekada ugu weyn ee Suudaan.

Shirkadda ayaa saxiixday heshiis $ 5 milyan ah - oo $ 1.5 milyan oo doollar kamid ah horey loo bixiyay.

Suudaan waxay dekedeeda heshiis hore oo ku kacayay $ 2.4 la gashay shirkad Filibiin ah oo hoos imaanaysay Madaxweyne Cumar al-Bashiir. Laakiin golaha kumeelgaarka ayaa baabi'iyay heshiiskii bishii Abriil 2019, ka dib markii xukunka laga tuuray Al-Bashiir.

Ben-Menashe oo madaxweyne ka ah shirkad ka shaqeysa arrimaha qandaraaska ciidamadda oo lagu magacaabo Dickens & Madson ayaa  website-ka Al-Monitor u sheegay in DP World ay horay u fiirineysay dekada xilligii Al-Bashiir.

Wuxuu intaas ku daray inuu isagu wali u taagan yahay danaha Suudaan laakiin uu hadda u shaqeynayo golaha rayidka kaasoo golaha milatariga ku-meel-gaarka ah xilka kala wareegay bishii Agoosto ee lasoo dhaafay.

Tallaabadan ololaha ah ayaa imaanaysa iyadoo shirkadda DP World, oo inta badan ay leedahay boqortooyada Dubai, ay sannadkan sameysay ballaarintiisii ugu horreysay waaxda saliidda iyo gaaska, iyadoo in ka badan $ 1 bilyan ka heshay shirkadda Dubai ee Topaz Energy and Marine

Dowladda Isutagga Imaaraatka Carabtu waxay si qoto dheer ugu lug lahaatay howlaha kumeelgaarka ee Suudaan waxayna balanqaaday inay balaayiin doolar ku bixin doonto xasilinta wadanka kadib bur burkii Cumar Xasan Al-Bashiir.

Rohan Advani, oo ah sarkaal sare oo ka tirsan xafiiska arrimaha dibedda ee magaciisa la yiraahdo The Century Foundation oo wax ka qoray shirkadda DP World iyo xiriirka ay la leeyihiin qoysaska haya Emirati, ayaa sheegay in Imaaraadku ay caddeeyeen in ay ku dadaalayaan sidii ay u ballaarin lahaayeen saameynta gobolkaas. Dhibaatada ka jirta Suudaan, ayuu yidhi, “waa in lagu soo rogo cunaqabateyn caalami ah.

Shirkadda DP World kuma ay ahayn wax qariib ku ah ololaha saameynta Mareykanka. Sannadkii 2006, shirkadda ayaa lagu qasbay inay ka baxdo dalab ay ku dooneysay inay ka shaqeyso lix dekedood oo Mareykan ah.

Ben-Menashe, wuxuu horey u matalayey xoogaga bari ee Libya Khalifa Hifter, sanadkii lasoo dhaafayna wuxuu saxiixay $ 1 milyan oo doolar si uu uga caawiyo musharixii madaxweynaha Tunisia Nabil Karoui.

Qandaraaskaas wuxuu ku noqday fadeexad weyn Tunisiya wuxuuna gacan ka geystay guuldaradii Karoui kadib markii Al-Monitor ay markii ugu horreysay sii daysay jiritaankeeda xogta la xadhiidhta arrintaas.

Abdiweli M. Sheikh, Hiiraan Online
[email protected]









Click here
1/12/2020 2:51 PM EST
Axad, Janaayo, 12, 2020 (HOL)- Maamulka Puntland ayaa digniin ka bixiyay Roobab dufaano Wata oo kusoo foodleh xeebaaha Badwaynta Hindiya iyo Badacas ee Puntland.

1/12/2020 11:18 AM EST
Axad, Janaayo, 12, 2020 (HOL)- Madaxweynaha Puntland Siciid Cabdullaahi Deni ayaa guddoomiye ku meel gaar ah u magacaabay Maxkamadda Sare ee Ciidamada qalabka sida iyo Danbiyada culus ee Puntland.

1/12/2020 10:33 AM EST
Axad, Janaayo 12, 2020 (HOL)-Mashruuca horumarinta degmooyinka ee loogu yeedho JPLG 'Joint Programme on Local Governance' ayaa munaasibad lagu durayo lagu qabtay hotel Casuura ee magaalada Laascaanood ee xarunta gobolka Sool.

1/12/2020 5:42 AM EST
Axad, Janaayo, 12, 2020 (HOL)- Kooxda Al-Shabaab ayaa ku hanjabay inay weerari doonaan bartilmaameedyada Mareykanka ee adduunka oo dhan maalmo kadib markii ay qaadeen weerar aan horay loo arag oo lagu qaaday ciidamada Mareykanka ee ku sugan Kenya.

1/12/2020 5:09 AM EST
Axad, Janaayo, 12, 2020 (HOL)- Xeer-ilaaliyaha guud ee Puntland Maxamuud Xassan Aw-Cismaan ayaa shaaciyay waqtiga la fulin doono xukunka dilka ah ee maxkamaddaha Puntland ku xukumeen saddexdii nin ee kufsaday islamarkaana dilay Caasho Ilyaas Aadan.

1/12/2020 1:48 AM EST
Axad, Janaayo, 12, 2020 (HOL)-Ra'iisal Wasaaraha Xukuumadda Soomaaliya Xassan Cali Kheyre iyo Wakiilka Qarramada Midoobey ee Soomaaliya James Swan ayaa kulan gaar ah oo ay yeesheen waxaa ay uga wada hadleen arrimaha Doorashooyinka ku soo foolka leh dalka

1/12/2020 1:27 AM EST
Axad, Janaayo, 12, 2020 (HOL)-Degmada Dhuusa-Mareeb ee xarunta u ah dowlad gobolleedka Galmudug ayaa lagu wadaa in maanta fadhiggii ugu horreeyay ee ay ku yeeshaan xildhibaannada Baarlamaanka 2aad ee dowlad gobolleedka Galmudug