Culimadda Boorama oo soo jeediyey in badhasaabka gobolka Awdal sharciga la hor keenno
Axad, Febraayo 02, 2020 (HOL )–Sheekh Xasan Daheeye oo ka mid ah culimada reer Boorama ayaa badhasaabka gobolka Awdal ku eedeeyey inuu diinta caayey, waxaanu sheegay in talaabo laga qaado.
Wadaadka ayaa
sheegay in dad ka ag dhowaa goobtii uu diinta ku caayey u sheegeen, inkastoo uu
xusay in aanu goobtaasi joogin.
Hasse ahaatee
gudoomiyaha gobolka Awdal Cabdiraxmaan Axmed Cali ayaa sheegay in aanay waxba
ka jirin sabab diinta uu u caayaana aanay jirin maadama oo uu qof muslim ah
yahay, waxaaanu wadaadka ku eedeeyey in uu yahay qof masaajidka ka dhigtay goob
uu dadka ku caayo, isagoo tilmaamay in badhasaabyo hore uu sidaas oo kale ku
sheegay in ay diinta caayeen.
Badhasaabka ayaa
sheegay inuu igu soo cadeeyo arintaasi, hadii kale talaabo laga qaadi
doonno, maadama oo goobtaasi ay wada
joogeen dad badan oo xafladi ka socotay kamaradaha wariyeyaashuna wada
shidnaayeen.
Sidoo
kale,Sheekhul Baladka Awdal Sh.Cabdilah Sh.Cali Jawhar oo ka hadlay Kulan wayn
oo Culimada iyo Bulshada magaalada Boorama ay xalay iskugu yimaadeen loogana
hadlayay Badhasaabka Awdal ee loo haysto in u Diinta islaamka Aflagaadeeyay
ayaa waxa u yidhi "Waxan Madaxwaynaha, Madaxwayne ku xigeenka, iyo
Wasiirka gudahaba u soo jeedinayaa in Ninkaas ( Badhasaabka Awdal) Marka
koowaad xasaanada laga qaado, Maxkamadna lasoo taago kadibna Sharciga islaamka
lamariyo".
Si kastaba ha
ahaatee, khilaaf weyn baa dhexyaalla culimada magalada Boorama iyo badhasaabka
gobolka Awdal, kaasi oo lagu eedeeyey kiis adag oo ah aflagaado diimeed.
Barkhad-ladiif M. Cumar, Hiiraan
Online
[email protected]
Hargeysa, Somaliland.
