3/4/2021
Today from Hiiraan Online:  _
Wararka Maanta- Jimco, Dec 25, 2020
Golaha Wasiirrada Soomaaliya oo ansixiyay Axdiga xaquuqda Shaqaalaha




Jimco,December,25,2020 (HOL) Golaha Wasiirrada Xukuumadda Federaalka Soomaaliya ayaa Khamiistii ansixiyay toddobo axdi oo qeyb ka ah heshiisyada urur weynaha Shaqaalaha Adduunka ee ILO kuwaas oo loo arkay in muhiim u yihiin ma'baadiida aasaasiga ah iyo xuquuqda shaqada.

Heshiisyadani waxay ilaalin doonaan xuquuqda iyo badqabka shaqaalaha Soomaaliyeed ee waddanka gudihiisa iyo dibadda.

Wasiirka Shaqada iyo Arrimaha xukuumadda Federaalka Soomaaliya, Duraan Axmed Faarax ayaa golaha wasiirrada uga mahadceliyay ansixinta 7-da axdi, isagoo ku sheegay dhacdo muhiim ah.

“Tani waxay ka marqaati kacaysaa sida ay Dawladda uga go’antahay xaquuqda iyo badqabka Shaqaalaha, waana arrin aan diiradda saarayno sidii loo horumarin lahaa.” ayuu ku daray Wasiir Duraan.

Iman Mohamed Jama,Hiiraan Online
[email protected]













Click here
12/25/2020 8:34 AM EST
JImco, December, 25, 2020 (HOL) - Baraha bulshada ayuu qabsaday shaqsigan oo ku hubeynaa bastoolad oo rasaas kor ugu ridaya dad isugu soo baxay degmada Hodan gaar ahaan Isogyska Banaadir.

12/25/2020 7:06 AM EST
Jimco, December, 25, 2020 (HOL) - Booliiska Puntland ayaa lacag labo kun oo dollar ah dul dhigay xogta nin lagu magacaabo Ibraahim Siidoow oo hay’addaha amnigu ku eedeeyeen inuu masuul ka yahay falal amni darro oo Gaalkacyo ka dhacay.

12/25/2020 2:31 AM EST
Jimco, December, 25, 2020 (HOL) -Qoraal ka soo baxay midowga musharixiinta dalka ayaa lagu soo dhaweeyay dadaalka madaxweynayaasha dowlad gobolleedyada Galmudug iyo Puntland ku doonayaa in ay ku soo afjaraan khilaafka ka dhasha doorashada dalka.

12/25/2020 12:08 AM EST
Jimco, December, 25, 2020 (HOL) -War ka soo baxay taliska Howlgalka Mareykanka ee Africa ayaa lagu sheegay ayaa lagu sheegay in ciidamada cirka Mareykanku duqeyn ka fuliyeen degmada Saakoow ee gobolka Jubbada Dhexe.