3/4/2021
Today from Hiiraan Online:  _
Wararka Maanta- Khamiis, Dec 24, 2020
Cabdi Xaanshi Cabdullaahi '' Madaxweynuhu wuxuu ku dhaqaaqay tallaabo halis galineysa jiritaanka hay'addaha dastuuriga ah


 

Khamiis, December, 24, 2020 (HOL) - Guddoomiyaha Aqalka Sare ee Soomaaliya Cabdi Xaaji Cabdullaahi oo shir jaraa'id qabtay ayaa ku eedeeyay madaxweynaha dowladda Soomaaliya Maxamed Cabdullaahi Farmaajo in uu ku dhaqaaqay tallaabo halis ku ah hay'addaha dastuuriga ah.

Wuxuu sheegay in madaxweyuhu si ula kac ah u hor istaagay qoddobo uu ka mid yahay, Xil Gudashada  Baarlamaanka Soomaaliyeed oo u xil saaran ayuu yiri dib-u--eegista, Ansixinta iyo Wax ka badalka dastuurka Soomaaliyeed.

Cabdi Xaanshi Guddoomiyaha Aqalka Sare  ayaa sheegay in tallaabada uu madaxweynuhu ku ansixiyay xeerka dib u dhiggaya dib -u-eegista dastuurka aheyn mid ka mid ah awoodihiisa sharciga ah ee uu madaxweynuhu leeyahay

''Madaxweyuhu wuxuu ku xad gudbay kala soocida awoodaha hay'adaha kala duwan ee dowlada sida Sharci dajinta, Fulinta iyo Garsoorka, taasoo ka dhigan in madaxweynuhu jabiyay qoddob dastuuri ah'' ayuu yiri Cabdi Xaanshi Cabdullaahi.

Ugu danbeyntii ayuu sheegay in xeerkan uu saxiixay madaxweynuhu yahay mid baalmarsan Dastuurka islamarkaana aan laheyn sida uu hadalka u dhigay Cabdi Xaanshi  wax raad sharci ah oo loo cuskan karo.

Xeerkan uu saxiixay madaxweyne Farmaajo ayaa dhaqan galay maanta oo ay taariikhdu tahay 24-ka Diseembar 2020, waxaana la baabi’iyey Sharciga iyo xeer kasto oo ka soo horjeedo arrinkan, iyadoo lagu soo daabicayo Faafinta rasmiga.

Waxaa muuqaneysa in xeerkan uu madaxweynuhu saxiixay ay dood culus ka dhax dhalisay hay'addaha dowladda iyo siyaasiyiinta Soomaaliyeed oo si adag uga fal celiyay.

Cabdiraxmaan Diini, Hiiraan Online
[email protected]    















Click here
12/24/2020 8:14 AM EST
Khamiis, December, 24, 2020 (HOL) - Madaxweynihii hore ee Soomaaliya Xassan Sheekh Maxamuud ayaa ka hadlay tallaabadii uu madaxweyne Maxamed Cabdullaahi Farmaajo ku saxiixay xeer dib u dhiggaya wax ka badal lagu sameeyo Dastuurka dalka.

12/24/2020 7:33 AM EST
Khamiis, December, 24, 2020 (HOL) - War murtiyeed ayaa kasoo baxay shir maanta magaalada Gaalkacyo ku dhexmaray madaxweynayaasha dowlad goboleedyada Puntland iyo Galmudug, Siciid Deni iyo Axmed Qooroor.

12/24/2020 6:16 AM EST
Khamiis, December, 24, 2020 (HOL) - Guddoomiyaha aqalka sare Cabdi Xaashi Cabdullaahi iyo siyaasiyiinta kasoo jeeda gobolada waqooyi ayaa kasoo horjeestay war kasoo baxay guddiga doorashada oo shaaciyay jadwalka doorashada aqalka sare.

12/24/2020 5:48 AM EST
Khamiis, December, 24, 2020 (HOL) - Madaxweynayaasha Puntland iyo Galmudug Siciid Cabdullaahi Deni iyo Axmed Cabdi kaariye Qoorqoor ayaa magaalada Gaalkacyo ku yeeshay kulan ku saabsan Iskaashiga labada maamul goboleed.

12/24/2020 3:50 AM EST
Khamiis, December, 24, 2020 (HOL) - Ciidamada Booliska magaalada Baledweyne ayaa goordhaw xabsiga dhigay guddoomiyaha Idaacaddaha ku midoobay magaca SOMA ahna milkiilaha Idaacadda Hiiraanweyn Maxamed Cismaan Makaraan.

12/24/2020 2:29 AM EST
Khamiis, December, 24, 2020 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa saxiixay Xeer Madaxweyne oo dib u dhigaya ansixinta Wax-ka-beddelka Dastuurka Kumeel Gaarka ah maadaama la galay xilligii doorashooyinka oo ay sii dhammaaneyso muddada xilhaynta Barlamaanka 10aad, ayna bilaabanayso muddo Xileedka Barlamaanka 11aad ee Jamhuuriyadda Federaalka Soomaaliya.

12/24/2020 1:39 AM EST
Khamiis, December, 24, 2020 (HOL) - In ka badan 100 ruux ayaa la dilay kaddib markii koox dabley ah oo heyntooda la aqoon weerareen tuulo ku taala gobolka Benishangul-Gumaz ee dalka Itoobiya.

12/24/2020 12:20 AM EST
Khamiis, December, 24, 2020 (HOL) - Wariye Cabdiqaadir Dulyar oo ka mid ah wariyayaasha Soomaaliyeed safar shaqana ku yimid magaalada Beledweyne ayaa xabsiga la dhiggay kaddib markii uu maalintii shalay soo wareystay Jeneraal Abuukar Xaaji Warsame Xuud oo dulleedka magaalada Beledweyne ku heysta xoogag ka soo horjeeda maamulka Hirshabeelle.

12/24/2020 12:08 AM EST
Khamiis, December, 24, 2020 (HOL) - Waxaa xalay dalka Jarmalka ku geeriyooday Fanaankii weyn ee Soomaaliyeed Cabdi Cali Bacalwaan oo waayadii ugu danbeeyay lagu waramayo in uu dalkaasi ku xanuusanayay.