3/7/2021
Today from Hiiraan Online:  _
Wararka Maanta- Talaado, Dec 22, 2020
Kenya oo sheegtay in la helay meydka sarkaal ay afduubeen rag hubeysan


 

Talaado, December, 22, 2020 (HOL) - Saraakiisha nabad-galyada dowladda Kenya ayaa sheegay in ay helleen meydka Cumar Aadan oo ahaa sarkaal ka tirsanaa saldhiga degaanka Gumarey oo hoos yimaada Khorof Xaraar.

Sarkaalkan meydkiisa la helay oo ku shaqeynayay darajada kaaliyaha saldhiga Booliiska Gumarey ayaa waxaa la afduubtay ka hor inta aan meydkiisa la helin rag hubeysan oo loo maleynayo in ay ka tirsan yihiin Ururka Al-shabaab.

Warku waxaa uu intaa ku darayaan in meydka sarkaalkan laga helay meel ka baxsan halka lagu dilay oo ay soo dhiggeen shaqsiyaadkii afduubtay, waxaana soconaya baaritaan ay wadaan laamaha nabad-galyada.

Dowladda Kenya ayaa marar badan oo hore ku eedeysan Al-shabaab in ay afduub iyo dil intaba isugu darreen saraakiil ka tirsan hay'addaha nabad-galyada gaar ahaan deegaannada dhaca dhinaca xudduuda ay la wadaagaan Soomaaliya.

Cabdiraxmaan Diini, Hiiraan Online
[email protected]   












Click here
12/22/2020 3:29 PM EST
Talaado, December, 22, 2020 (HOL) - Kenya iyo Soomaaliya ayaa ku heshiiyay in dib loo soo celiyo xiriirkii diblomaasiyadeed kadib wada hadalo magaalada Jabuuti ku dhexmaray hoggaamiyaasha labada dal sida uu sheegay wasiirka arrimaha dibadda Soomaaliya.

12/22/2020 3:11 PM EST
Talaado, December, 22, 2020 (HOL) - Dowladda Mareykanka ayaa illaa 2500 kamid ah ciidamadeeda badda ah geysay xeebta Soomaaliya si ay uga qeyb qaataan daabulka 800 oo askari uu Maraykanka kala baxayo Soomaaliya, taliska Maraykanka Afrika ayaa sheegay Talaadadii maanta.

12/22/2020 11:33 AM EST
Talaado, December, 22, 2020 (HOL) - Iyadoo dhawaan uu soo baxay war ku saabsan in dowladda Kenya ay degmada Mandera ku tababareyso maleeshiyaad weerara qeybo ka mid ah gobolka Gedo, ayaa waxaa arintaan ka hadlay bulshada ku dhaqan degmada oo dalbaday in laga saaro deegaankooda Cabdirashiid Janan iyo ciidamada uu watto

12/22/2020 5:55 AM EST
Talaado, December, 22, 2020 (HOL) - Taliska Booliska gobolka Bari ayaa sheegay in ay fashiliyeen Qarax la dhigay mid kamid ah xaafadaha Bosaaso iyo Rasaas iyo Waxyabaha Laga Sameeyo Qaraxyada oo lagu diyaarinayay magalada Bosaaso.

12/22/2020 4:49 AM EST
Talaado, December, 22, 2020 (HOL) -Kaddib rabshadihii cuslaa ee dhawaanta ka dhacay magaalada Muqdisho waxaa markii ugu horreysay kulan xasaasi ah Muqdisho ku leh midowga musharixiinta mucaaradka ah oo siweyn uga soo horjeeda hannaanka ay dowladda Federaalka u maamuleyso doorashada.

12/22/2020 3:18 AM EST
Talaado, December, 22, 2020 (HOL) -Warbaahinta Kenya ayaa qortay in Soomaaliya ay ku fashilantay Isku daygii ahaa in Kenya lagu canaanto shirkii urur goboleedka IGAD.

12/22/2020 12:50 AM EST
Talaado, December, 22, 2020 (HOL) - Wararka naga soo gaaraya degmada Marka ee xarunta u ah gobolka Shabeellaha Hoose ayaa sheegaya in halkaa uu iska horimaad culus xalay fiidkii ku dhaxmaray ciidamo ka wadatirsan dowladda Soomaaliya.