3/4/2021
Today from Hiiraan Online:  _
Wararka Maanta- Axad, Dec 20, 2020
Madaxweyne Farmaajo iyo Uhuru Kenyatta oo ku kulmay dalka Jabuuti


 

Axad, December, 20, 2020 (HOL) - Madaxweynaha Dowladda Soomaaliya Maxamed Cabdulaahi Farmaajo iyo dhiggiisa dalka Kenya Uhuru Kenyatta ayaa wadahadallo hor dhac u ah xalinta khilaafka labada dowladood waxaa ay ku yeesheen  dalka Jabuuti halkaa oo uu maanta ka furmay shir madaxeedka Urur gobolleedka IGAD.

Goobta ay isku soo hor fariisteen labada madaxweyne waxaa ku sugnaa oo joogay madaxweynaha dalka Jabuuti Ismaaciil Cumar Geelle iyo Ra'iisal Wasaaraha dalka Itoobiya Abiy Ahmed oo garwadeen ka ahaa is araga labada madaxweyne.

Ra'iisal Wasaaraha dalka Itoobiya Abiy Ahmed ayaa qoraal uu soo dhiggay boggiisa Twitterka ayaa yiri'' “ Awoodda xasilloonida gobolkeenna waxaa mar walba fure u ah  iskaashiga iyo horumarka, waxaan ku faraxsanahay hadaan nahay hogaamiyeyaasha inaan miiska wada-hadalno oo aan ka wada hadalno arrimaha cakiran ee ka taagan gobolkeenna ayuu yiri” Abiy Axmed.

Shirka ka furmay dalka Jabuuti ayaa qoddobada miiska saaran ee laga wada hadlayo waxaa ka mid ah khilaafka labada dowladood ee Soomaaliya iyo Kenya oo waayadii ugu danbeeyay halkii ugu xumaa gaaray .

Cabdiraxmaan Diini, Hiiraan Online
[email protected]   
















Click here
12/20/2020 6:18 AM EST
Axad, December 20, 2020 (HOL) - Puntland ayaa maanta deeq gargaar ah oo loogu talo galay dadkii ku waxyeeloobay duufaantii GATI kala wareegtay dowladda Talyaaniga oo usoo wakiilatay hay’addeeda iskaashiga horumarinta.

12/20/2020 3:48 AM EST
Axad, December, 20, 2020 (HOL) - Madaxweyne ku-xigeenka Dowlad gobolleedka Galmudug Cali Daahir Ciid ayaa sheegay sheegay in Al-shabaab ay culeys soo saareen deegaannada Galmudug.

12/20/2020 3:19 AM EST
Axad, December 20, 2020 (HOL) - Markab dagaal oo Mareykan ah iyo diyaarad ayaa bilaabay howlgalka ciidamada Mareykanka looga saarayo Soomaaliya.

12/20/2020 1:47 AM EST
Axad, December 20, 2020 (HOL) - Dhaqdhaqaaqa hubeysan ee la baxay Golaha Samata Bixinta Hiiraan ee fadhigoodu yahay deegaanka Ceelgaal oo qiyaastii Baledweyne kaga beegan 13KM ayaa halkaasi ka dhagax dhigay xarun ciidan oo ay ugu magac dareen Dugsiga Tababaradda Ciidanka Janaraal Xuud.

12/20/2020 12:29 AM EST
Axad, December 20, 2020 (HOL) - Waxaa koradhay tirada dadkii ku dhintay Qaraxii Ismiidaaminta ahaa ee maalin ka hor ka dhacay magaalada Gaalkacyo ee xarunta gobolka Mudug.

12/20/2020 12:10 AM EST
Axad, December 20, 2020 (HOL) - Maanta oo Axad ah 20 Dec 2020 ayaa lagu wadaa in dalka Jabuuti uu ka furmo shir madaxeedka Urur Gobolleedka IGAD, iyadoo madaxweynaha Soomaaliya Maxamed Cabdullaahi Farmaajo uu ka mid yahay mas'uuliyiinta shirkan ka qeybgalaya.