3/7/2021
Today from Hiiraan Online:  _
Wararka Maanta- Sabti, Dec 19, 2020
Dowladda federalka Soomaaliya iyo Galmudug oo kulan ka yeeshay sidii jawaab degdeg ah looga bixin lahaa weerarkii ismiidaaminta ee Gaalkacyo


 

Sabti, December, 19, 2020 (HOL) - Raysal Wasaaraha Soomaaliya Maxamed Xuseen Rooble ayaa shir degdeg la qaatay wasiiradda gaashaandhiga, amniga, saraakiisha ciidamada iyo masuuliyiinta Galmudug, kadib markii uu soo dhamaaday aaskii qaran ee Gaalkacyo loogu sameeyay saraakiishii lagu dilay qarixii Gaalkacyo.

Wasiirka amniga Galmudug, Axmed Macalin Fiqi oo shirka kadib la hadlay saxaafada ayaa sheegay in hoosta laga xarriiqay sidii jawaab ku haboon looga bixin lahaa weerarkii Alshabab ku dileen saraakiisha ciiddanka xoogga.

Wasiirka ayaa sheegay wafdi uu hoggaaminayo wasiirka gaashaandhiga dowladda Soomaaliya in ay Gaalkacyo u yimaadeen sidii loo qaadi lahaa tallaabo ka dhan ah kooxda Alshabab ee ku sugan Galmudug.

“Runtii qorshe xooggan ayaa laga yeeshay sidii loogu aargudi lahaa saraakiishii ku shahiiday weerarkii argigixisadu ka geysatay Gaalkacyo, waxaan u sheegaynaa shacabka Galmudug in ay kusoo wajahan yihiin bishaarooyin waaweyn,” ayuu yiri wasiirka amniga Galmudug.

Wuxuu sheegay wasiirku in Galmudug marnaba ka niyab jabidoonin dagaalka ay kula jirto Alshabab islamarkaana ay sii labo jibaaridoonaan shaqadii ay ka tageen saraakiishii hormuudka u ahaa dagaalka Alshabab looga sifaynayay Galmudug.

Abdiweli M. Sheikh, Hiiraan Online
[email protected]












Click here
12/19/2020 2:22 PM EST
Sabti, December, 19, 2020 (HOL) - Madaxweynaha Somaliland Muuse Biixi Cabdi ayaa xafiiskiisa ku qaabilay wafdi uu horkacayo Wasiirka Arrimaha Dibada Malawi Eisenhower Mkaka oo maanta gaaray magaalada Hargeysa.

12/19/2020 10:31 AM EST
Sabti, December, 19, 2020 (HOL) -Wasiirka Amniga Dowlad Gobolleedka Jubbaland Cabdirashiid xassan Cabdinuur Janan ayaa waxba kama jiraan ku tilmaamay eedeyn uga timid dowladda Soomaaliya oo sheegtay in maleeshiyaad uu hoggaaminayo lagu tababarayo degmada Mandera ee dalka Kenya

12/19/2020 8:46 AM EST
Sabti, December, 19, 2020 (HOL) - Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa u ambabaxay dalka Jabuuti, halkaas oo uu kaga qeyb geli doono Shir deg-deg ah oo waddamada xubnaha ka ah Urur Goboleedka IGAD ay kaga arrinsanayaan xaaladda Gobolka.

12/19/2020 7:37 AM EST
Sabti, December, 19, 2020 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa ka qeyb galay aas qaran oo loogu sameeyey Gaalkacyo saraakiishii qaranka ee ku geeriyootay falkii Al-shabaab shalay ka geysteen magaalada Gaalkacyo.

12/19/2020 6:39 AM EST
Sabti, December, 19, 2020 (HOL) -Wafdi uu horkacayo Wasiirka Wasaarradda Arrimaha Dibadda Malawi Eisenhower Mkaka ayaa gaaray magaalada Hargeysa, halkaasoo si heer sare ah loogu soo dhaweeyay.

12/19/2020 6:23 AM EST
Sabti, December, 19, 2020 (HOL) - Dowladda federalka Soomaaliya ayaa maanta magaalada Muqdisho u daabushay qaar kamid ah dadkii ku dhaawaccmay qaraxii ismiidaaminta ahaa ee shalay ka dhacay magaalada Gaalkacyo.

12/19/2020 6:06 AM EST
Sabti, December, 19, 2020 (HOL) - Baarlamaanka Dowlad Gobolleedka Hirshabeelle oo kulan maanta ku yeeshay magaalada Jowhar ayaa cod gacan taag ah ku ansixiyay mudada madaxweyne Cali Maxamed Xusseen Cali Guudlaawe uu ku soo magacaabayo xubnaha Golaha Wasiirrada Hirshabeelle.

12/19/2020 2:11 AM EST
Sabti, December, 19, 2020 (HOL) - Dowladda Federaalka Soomaaliya ayaa Dowladda Kenya ku eedeysay abaabul dagaal iyo in ay hubeyneyso maleeshiyaad qalalaase amni ka abuura Gudaha Soomaaliya.

12/19/2020 12:11 AM EST
Sabti, December, 19, 2020 (HOL) - Maalinta berri ah ayaa lagu waddaa in dalka Jabuuti uu shir uga furmo madaxda Urur gobolleedka IGAD, kaasoo looga wada-hadali doono arrimo la xiriira xaaladihii ugu danbeeyay ee gobolka.

12/19/2020 12:08 AM EST
Sabti, December, 19, 2020 (HOL) - Amaanka magaalada Gaalkacyo ayaa siweyn loo adkeeyay waxaana saacadihii ugu danbeeyay socday baaritaanno xooggan oo ay ciidamado ka waddeen qeybo ka mid ah magaalada.