8/12/2020
Today from Hiiraan Online:  _
Wararka Maanta- Axad, Aug 2 , 2020
Madaxweyne Deni: Shirka Dhuusomareeb waa inay cid walba bareeraheeda la timaadaa


 

Axad, Agoosto 2, 2020 (HOL) - Madaxweynaha Puntland Siciid Cabdullaahi Deni ayaa sheegay inuu meesha ka baxay qadarintii iyo wanaagii uu u hayay dowladda federalka Soomaaliya, isagoo tilmaamay inuu bareerahiisa la tegidoono Dhuusomareeb.

“Shalay Dhuusomareeb markaan tagaynay waxaan dowladda federalka u haynay wanaag iyo qadarin, laakiin hadda waxaan isla xisaabtan ahayn nagama dhexeeyaan, Dowlad walba waa inay bareeraheeda dhiibato,” ayuu yidhi Deni.

Madaxweyne Deni ayaa ku eedeeyay xukuumada xasaanada lagala noqday inay ku dhaqmayso tallaabooyin sharci darro ah oo dalka u horseedi kara khalalaase siyaasadeed.

Deni ayaa si gaar ah farta ugu fiiqay guddiga addeega garsoorka Soomaaliya oo ay saxiixeen xukuumada xil kusimaha ah, wuxuuna sheegay inay tahay qalad cad oo indhaha laga fiirsanayo.

“Anigu dhihi maayo dowlad federalka, waxaan dhahayaa madaxweyne Farmaajo dalkaan dib ha ugu celin wixii kasoo kabtay”.

Madaxweyne Deni ayaa hadalkaan ka sheegay xuska sanad guurada 22-aad ee kasoo wareegtay markii la aas aasay dowlad goboleedka Puntland.

Abdiweli M. Sheikh, Hiiraan Online
[email protected]









Click here
8/2/2020 6:33 PM EST
Axad, Agoosto 2, 2020 (HOL) - Guddoomiyaha Gobolka Shabeellada hoose ee Koonfur Galbeed Soomaaliya Ibraahim Aadan Cali “Najax” ayaa ka hadlay geeridii ku timid Guddoomiye ku xigeenkii dhinaca maaliyadda ee degmada Wanlaweyn Maxamed Cabdullaahi Cumar “Koosto’ oo caawa ku geeriyooday Bom gacameed lagu tuuray gurigiisa.

8/2/2020 4:32 PM EST
Axad, Agoosto 2, 2020 (HOL) - Sida ay sheegayaan warar aan ka helayno gobolka Shabeelada hoose, waxaa caawa degmada Wanlaweyn lagu dilay gudoomiye ku xigeenka degmadaas, Maxamed Cabdulaahi Cumar.

8/2/2020 12:29 PM EST
Axad, Agoosto 2, 2020 (HOL) - Ciidanka guutada 16aad ee Danab oo maanta hawlgal ka sameeyay gobolka Jubbada Hoose, ayaa la sheegay in ay ku qaarajiyeen madixii Al-shabaab u qaabilsan maaliyadda gobolka Jubadda dhexe.

8/2/2020 8:21 AM EST
Axad, Agoosto 2, 2020 (HOL) - Dowladda Federaalka Soomaaliya ayaa ku guuleysatay in ay dalka dib ugu soo celiso muwaadiniin Soomaaliyeed oo muddo ku xirnaa Dalka Iran kuwaasi oo maanta gaaray magaalada Muqdisho.

8/2/2020 5:12 AM EST
Axad, Agoosto 2, 2020 (HOL) - Hay’adda socdaalka iyo jinsiyadaha Soomaaliya ayaa war kasoo saartay duullimaadyada caalamiga ah ee berri oo ah 03,da-August, 2020 furmi doonan iyadoo la tix-raacayo go’aankii ay ku oggolaadeen Golaha wasiirrada.

8/2/2020 5:02 AM EST
Axad, Agoosto 2, 2020 (HOL) - Ciidamada maamulka Jubaland oo kaashanaya militiriga dowladda Soomaaliya , gaar ahaan qeybta 43-aad ayaa waxay howl-gal dhinaca ammaanka la xiriira ay ka fuliyeen deegaanno ka tirsan dowlad goboleedkaas.

8/2/2020 2:15 AM EST
Axad, Agoosto 2, 2020 (HOL) - Madasha xisbiyada qaran ee mucaaradka, ayaa sharci darro ku tilmaamay hannaanka loo maray meelmarinta xubnaha guddiga addeega garsoorka dalka, oo ay meel mariyeen golaha wasiiradda ee xasaanada lagala noqday.